¹ Le xɔwo ŋgbedemɛ lɔ, ŋse egbe ganɖe tsi ɖi amɛsugbɔ wo tɔ xa yi nu be alleluia! gbedodo, ŋtikɔkɔɛ, ku ŋsin le mawu mia tɔ gbɔ, ² ɖo kodjoɖoɖo yetɔ nui nyawo ku djɔdjɔɛ; ɖo eɖo kodjo nɔn nyɔnu hashiwatɔ ganganlɔ tsi gble anyigban dji ku numanyon manyon wo yi gbe rlɛn alɔ amɛsinto gblegble wotɔ. ³ Wogbe nu ze eve gɔn lɔ be; Alelluya! zizɔ gbe trɔ yi dji yétɔ tɛgbɛ. nyɔnxonɔn wuivɔn enɛ, ⁴ kudo énu léagbé énɛawo bɔbɔ nɔn anyi lé Mawu tsi nɔanyi ɖo éfiɔ zikpi dji yi nubé: amen, Aléluya. ⁵ Yi égbé ɖéka to so éfiɔ zikpiɛ mɛ yi nubé; kafukafu nɔn mia Mawu, miwo amɛ subɔtɔwo kékénɔn, miwo tsi yi vɔn, ɖévi kudo amɛganxo. ⁶ Yi se gbe shibe amɛ sugbɔ wotɔ xa, shibe awa dodo eshi tɔxa, shibe awa dodo edji dogbe tɔxa, nube: alleluia! ɖo axuetɔ mawu ŋsin tɔ mia tɔ ɖo efiɔ ɖuɖu yetɔ mɛ ⁷ Mia kpɔ djidjɔ anɔn nuyayamɛ yi mia sɔ ŋtsikɔkɔɛ nin; ɖo ashisunɔn alingbɔlɔ tɔ wo va yi ahiɛ le gbesɔsɔ, ⁸ yi wo sɔ aklara fɔntititi sɔ nin be nin tsɔn. ɖo aklara lɔ yi nyi edɔwawa djɔdjɔɛ minmin wo. ⁹ Yi dɔla nu nun be: enyɔn non amɛ tsi wo yi wo yɔ non alɔ lele alingbɔviɛtɔ! yi nu nun be: enyɔn xɔwo nyi enyɔn adodui mawu tɔ. ¹⁰ yi nan djannyi le afɔ yetɔ wo gbɔ yi la sin; vɔ enu nun nɔnte awɛ! ŋnyi kpeɖoŋtsitɔ tɔwo le edɔlɔ mɛ ku nɔnviwo tsi wɛ ɖe kɔnnu adodui jesu tɔ. Sin mawu. ɖo kɔnnuɖeɖe jesu tɔ lɔ nyi nyɔnunudaɖɛ tɔwo gbɔngbɔn. ¹¹ Sɔ bɔɖoŋtsi lɔ, ŋkpɔ djiŋkusi hun, yi ŋkpɔ ésɔ wi! mɛtsi lé dji lɔ, tɔbé amɛ djɔdjɔɛ ku yio nyɔwo. Edo nɔn kodjo ku ényɔn djɔdjɔɛ yi gbé wanɔn ahua. ¹² ŋkuvi yétɔwo lésigbé ézo xa, yi lé éta yétɔ lɔ kuku sugbɔ wolé. Wo hlɛn nyikɔ ɖéka ɖo éŋtsi yi amɛ buɖé ŋdé nya yio gɔmɛo. ¹³ Edo awu ɖéka yi wo ŋlɔnɖo éhɔn mɛ yi wo yɔnɔn yio nyikɔ bé Mawu wo nyɔn. ¹⁴ Ahua dukɔn djiŋkusi tɔwo kplɔɛdo kudo ésɔ wiwo; wo do ahuawu wi pépéwo tsi yi kɔ. ¹⁵ Lé numɛn yétɔ lɔ éwui énuve tsi yi sɔ lé akɔtalɔwo kplɔ kɔ kudo éba gakpo tɔ. Esɔ kɔkpo viŋtɔ tsi nyi dɔmɛzui Mawu ŋsɛntɔlɔ tɔ yi sɔ daŋkpɛn. ¹⁶ Lé awu yétɔ kudo ata yétɔ ŋtsi lɔ wo ŋlɛn nyikɔ ɖéka ɖo dji; Efiɔ, efiɔwo tɔ, kudo Amɛkplatɔ, amɛkplatɔwo tɔ, yi gbé nyi Axuétɔ, axuétɔwo tɔ ¹⁷ Ŋkpɔ mawudɔla ɖeka le ewue mɛn. Eyɔɛ kudo égbé sɛŋsɛŋ ɖéka yi nunɔn xévi tsiwo yi zronɔn lé ayamɛn: Miva nɔn énuɖuɖu Mawu tɔ ¹⁸ Miva ɖu agbaza éfiɔwo tɔ, agbaza amɛtsiwo yi sɔdjawo tɔ, agbaza amɛganxowo tɔ, agbaza ésɔ kudo amɛtsiwoe lé ésɔ lɔ kuwɔwo tɔ, agbaza amɛsiamɛ tɔ, kudo agbaza amɛtsiwoe vo kudo amɛ xluéxluéwo tɔ, ɖévi kudo amɛganxowo. ¹⁹ Ŋkpɔ élan kudo éfiɔ tsiwo woelé anyigban wotɔ kudo ahua wanu wotɔwo. Wolé egbé sɔsɔ nɔn ahua wawa sɔ djéŋkɔ amɛ tsi lé esɔ dji kudo ahua watɔ yétɔwo. ²⁰ Wo wu élan kuikpo, nusukantɔ ényɔnudɛtɔ tsi wa énu kpatsa é ŋmɛnyi, kudo énu kpatsa yétɔwo lɔ, éblé amɛtsiwo yi xɔ djésido élan lɔ tɔ yi sɛn djesido yétɔ. wo sɔ wo amɛ éveawo sɔ daɖo ézo ŋsɛntɔ mɛ. ²¹ Wo wu kpɛtɛwo kudo éwui to lé énu yétɔwo mɛ amɛtsi yi nɔn anyi lé ésɔ dji. Yi gbaza kuku wotɔwo ɖɔ xodo nɔn xéviɛwo.