¹ Sɔ yi djilɔ ŋkpɔ elan ɖeka yi to so ahumɛ. Eɖo azo amɛwo ku eta amadrɛ.Yi kuku amɛwo le azowo dji ku nyikɔ nudo tɔ wo le eta lɔwo dji. ² Elan xɔn tsi ŋkpɔ lɔ ele shigbe elan tsi wo yɔle flanse gbemɛ be leopar xa yi aƒɔ yetɔ wo tsi shigbe elan flansewo yɔbe ours xa yi enu yetɔ eɖi djaŋta tɔ xa. Ehɔndribalɔ sɔ ŋsin yetɔ sɔ ni,efiɔ zikpi yetɔ tsan,ku atsɛ kpakpa gangan yetɔ nɔn efiɔ ɖuɖuɔ lɔ. ³ Ɖeka le ta elan lɔ tɔmɛ etsi shigbe wo ŋui xa,vɔ abi eku tɔ xɔn egbɔndji nyi.Yi nyi enu kpatsa anyigbanlɔ kekeŋ. ⁴ Wo sin nɔn ehɔndribalɔ tsan ɖo esɔ atsɛ kpakpa yetɔ sɔ na elan lɔ.Wo sin nɔn elan lɔ tsan yi wo kpɔtɔ le nunube: mɛɖe le shigbe elanlɔ xa? mɛɖe yi la kpekudui? ⁵ Wo sɔ enu tsi zunɔn amɛ gangan ku tsi yi donɔn enu amɛ ɖe sɔ nan elan lɔ.wo nin atsɛ kpakpa kaka nan wletsi katsive. ⁶ Yi elan lɔ hun enu yetɔ yi to nudo nyɔn so mawu ŋtsi; yi donu nyinkɔ yetɔ,afi tsi yi nɔn nɔn vɔ amɛ tsiwue le djiŋkushi tsan. ⁷ Wo nan egbe elan lɔ be nin wa awa ku xɔsetɔwo eɖu ɖo wodji. Exɔ ɖuɖedji ɖo exuedo wo dji,akɔtawo dji,egbewo dji ku dukɔnwodji. ⁸ Amɔnwo kekeŋ tsi yi le anyi gbanlɔ dji wo sin nyi,amɛ tsi wo nyikɔ wo ŋde wlen xan,so gatsimɛ wo ɖo xixeɛ,ɖo agbe woma mɛ,tsi nyi alingbɔvi tsi wo hutɔ. ⁹ Nɔn amɛɖe ɖo eto lɔ nin se. ¹⁰ Nɔn amɛɖe sɔ dɔndɔn gbe mɔn lɔ nin yi dɔn dɔn gbe;nɔn wo la xu amɛɖe ku dekpi lɔ wo nin xui ku dekpi.Etsɛ nyi yɔyɔ eka dɔn dɔn gbɔn gbɔn tɔ nɔn amɛ kɔkɔɛ xɔse towo. ¹¹ Sɔ yidjilɔ ŋgbe kpɔ elan bu yi toso anyigban dji.Eɖo azo amɛve shigbe alingbɔvi xa yiele egbe dokɔ shigbe ehɔndriba xa. ¹² Ezan atsɛ kpakpa elan ŋkɔtɔ lɔ tɔ gatsimɛ yi ele te yi edo rɔn rɔn anyigban ku enu tsi wue ledji wo be wo nin sin elan ŋkɔtɔlɔ "elan tsi yi eku biɛ gbɔndji nan". ¹³ Ewa enu kpatsa gangan.Enan yi emiɔ djete so djŋkushi le sgbetɔ wo ŋgbanmɛ; ¹⁴ ɖo wo nin sanyi be nin wa wo, etinŋ kpeŋtsi gbɔdjɔ lanmɛ nɔn ayigban djitɔ wo. Enu nɔn wo be wo nin wo kpɔwɛ xuashi alan tsi wo do abi kudo dekpi vɔ yi kpɔtɔ le agbeɛ tɔ. ¹⁵ Wo nan gbe elan lɔ be nin nan gbɔn gbɔn agbetɔ kpɔwɛ elan tsi wo woa nin ya xonuxo nin ya nyi yi djieku la so mɔn amɛ tsiwe la gbe be yewo ŋda sin elanlɔ. ¹⁶ Eji eduɔ kekeŋ dji, amɛ tsiwue ŋde ɖo ashi xɔxɔ ɖeo ku amɛ sin sinwo, egatɔwo ku wuamɛ nɔn wo, kannunmɔnwo ku amɛ tsi wue vowo,mɔn woa xɔ djeshido ɖo ɖushilɔ alo ŋgonu. ¹⁷ Amɛɖe kpekpi ŋda wle enu alo asanu nin wo ŋde ɖo djeshido elan lɔ tɔ, tsi yi nyi rin rin mɛ nyikɔ yetɔ tɔ.