¹ Tsitsa wo, misɔ énu tsi yi djé kudo enu tsi yi nyɔ sɔ na ekla vi miatɔ wo miwo tsan mi nya bé miɖo axuétɔ le djipo. ² Minɔ été sɛnsɛɖe le gbedodoɖamɛ, minɔ ŋzɔ le gbedodo ɖa kudo akpé dodo mɛ. ³ Mi do égbéɖa ɖo miata nɔ mawu ahun agbo ényɔ lɔ tɔ nɔ mi, nɔ mia xo nuxo so nyawo toto ŋtsi le kristo mɛ, do ényɔ tsɛ ŋtsi lɔ ŋtrɔzun gakpamɛ nɔtɔ nɔ kristo. ⁴ Mido égbé da nɔ matɛŋ anu enyɔ lɔ nɔ émɛ akɔ nɔ amɛwo. ⁵ Mi zɔn lé nunya mɛ kudo amɛtsi yi le azɔgé wo, nɔ mia hlɛndo gaxoxo ɔ lɔ wo. ⁶ Enyɔ miatɔ wo mɛto nɔ kudo fafa nɔ édjé anɔ mɛ gaxɔ mɛ lɔ mia nya lé tsi miado nɔ ényɔ tsi nɔ amɛ ɖéka déka. ⁷ Nɔ énu tsi yi kaŋ wo lɔ Tyhique la da sa wo nɔ mi, nɔvi lɔlɔtɔ yi énuyi, subɔvi nyui yɔ, ényui amɛ xuéxlué shigbé ényɛ xa nɛnɛ le axuétɔ lɔ mɛ. ⁸ Ŋdɔɛ ɖaɖa miagbɔ nɔ ya sɔ mia nyɔ wo va nɔ mi asɔ do ŋsɛn mi. ⁹ Ŋdɔɛ kudo omézime , nɔ vi lɔlɔntɔ kudo amɛ djɔdjɔɛ yi nyi le mizdomɛ, éla nu ényɔ tsi yi djɔ le miagbɔ wo nɔmi. ¹⁰ Nyɛ kudo amɛtsi yi nɔ gakpamɛ (aristarques ) do égbé dada mi, amɛtsi dji mifia énu mito, nɔ éva miagbɔ lɔ, mi xuɔɛ kudo marko tsi nɔviɛ nyi barnaba. ¹¹ Yi yésu tsi woyɔ bé Justus. woé nyi judatɔ tsi woso évo nɔ yi wo wa édɔ kudoŋ nɔ maxu yio fiɔɖuxuéɛ lɔ. Wonyi ŋsɛn do amɛtɔ gagan déka nuŋ ¹² Epaphras tsan do égbé nɔ mi, enyi miadomɛtɔ ɖéka judo yésu kristo yio amɛ xuéxlué. Ewans ahua donu nɔmi lé égbédo do ɖa mɛ, nɔ miatɛŋ anɔ éte sɛnsɛdé kudo kakan dodji lé Mawu yio drowo mɛ. ¹³ Ɖolɔ, ŋdé kunu nyi bé, éwanɔ édɔ sɛŋsɛŋ dobéta nɔ mi kudo Laodiké tɔ wo sɔ bɔ ɖo amɛ tsi wo yi lé Hiérapolis. ¹⁴ Lɔlɔntɔ luta tsi yi nyi lɔkita yékudo démas wodo égbé nɔmi. ¹⁵ Mido égbé nɔ nɔvi tsi yi lé Laodikée wo kudo nymphas kudo tsɔtsi tsi yi lé yio xomɛ. ¹⁶ Nɔ wohlɛn womatsɛ lé miagbɔ lɔ, mina nɔ wahlɛn nɔ laodikée ava miagbɔ. ¹⁷ Mitɔ Arhippe be nɛ le bo nɔ édɔ tsi yi xɔ axuétɔ lɔ gbɔ nɔ matɛŋ awa yi ŋtsi dɔ nyuidé. ¹⁸ Nyɛŋtɔ pɔlu yi sɔ alɔ tsinyɛ yi sɔ ŋlɛn égbé dodo nɔ amɛ tsɛ ɖaɖa mi, mido ŋkuvi gɛdɛ tsinyɛ wodji, ke amɛ nu vévé nɛ nɔ anyi kudo mi.