¹ Enye hamɛ megan, ɖo ɖa nyɔnu, tsiwó tsan kúɖo viɛwó, tsiwó ŋlɔn lé nyao toto me, ŋdé nyɛn ɖe ka, vɔ amɛtsiwó kpata djeshi nyawo lɔ. ² Do nyawo toto tsi la nɔ kúdo mi kaka sɔyi. ³ Aménuvévé, nushishikuku, ŋtifafa, ne nɔ anyi ku mi so Mawu etɔ kú Yesu Kristo, vi so tɔ lɔ gbɔ, le nyawo toto ku lɔnlɔn mɛ. ⁴ Edji djɔŋ tóme bé ŋkpɔ viwó ɖéwó tsiwó lé zɔnzɔnwɔ le nyɔntéxoé mɛ, shigbé letsiyí mi xɔ sedodo so mian tɔ gbɔ. ⁵ Fifiɛ ŋɖé kúkú nɔ, axoénɔn, ŋdé ésé yéyé lɔwɔ ŋlé ɖoɖa wo, vɔ etsi mi xɔ so gɔmedjedjeɛ lɔ, be né mian lɔn mian nɔnnuiwó. ⁶ Lɔnlɔn tsɛ yí nyi bé, mianzɔn lé yo sédodowó mɛ. Esé tsɛ yí mí kplan le gɔmedjedjeɛ, yí mɛ mí ɖo la zɔn lé. ⁷ Do ŋtsi lɔ, amɛflutɔ sugbɔwó géɖo xixɛ mɛ, woŋdé lé mé hunwɔ bé Yesu Kristo va le ŋtilan mɛ o. Mɛtsɛ lɔ ameflutɔ ku Kristo yo ketɔ yɔ. ⁸ Mikpɔ miá ɖokidji nyuiɖe bé né miŋgbé bu edɔ tsi mi wɔa lɔ yio kusese o, vɔ miá xɔ yio fintsu. ⁹ Ameshiamɛ tsi yj djidjixoé, vɔ ŋdé nɔté ɖo Kristo yo núfiáfiá mɛo lɔ, ŋdé ɖo Mawu o. Ametsi nɔn Kristo yo núfiáfiá mɛ lɔ, étɔ kú vi le shi. ¹⁰ Nɛ ameɖe va miágbɔ, yí ŋdé hɛn núfiáfiá tsɛ váo lɔ, mí ŋgbé xɔɛ ɖo miá xómeó yí mi ŋgbé do gbe nio. ¹¹ Mesti do gbé nyi lɔ, ékpɔ gomɛ le nuvuin woawoa yí tɔ lɔ me. ¹² Enyɔn sugbɔwó le ashinyɛn tsiŋɖo la ŋluɛn ɖoɖa mi, vɔ lɔ nyɛnŋdé dji bé mazan woman kúdo womatsi shio (bikishi). Vɔ ŋdji bé ma yi miágbɔ ŋmɛn kú ŋmɛn bé né mian djidjɔɛ lɔ né dé blibó. ¹³ Dadawo tsi wo tsán, yio viwó dogbé nɔn.