¹ Ŋle afɔ ɖo afɔ dji nɔn amɛ xoxo tsi le mia mɛ, enyi ŋnyi amɛ xoxo kpɔdotɔ ku kɔnnuɖetɔ nɔn klristo yio aya ɖuɖu; yi ŋgbe nyi mamaɖomɛ tɔ nɔn ŋtsi kɔkɔɛ sɔ yi edji. ² Yi ŋtsi ŋle afɔ ɖoɔ afɔ dji nɔn mi, amɛ xoxo kpɔ alingbɔ kpo Mawu tɔ tsi le mia domɛ. Hin ŋde nyi edjro ma ɖo vɔ to edjro mawu tɔ mɛ. Hin ŋde fintu gblegble yɔ vɔ to edjromɛ. ³ Mi ŋgbe ɖu ɖo wodji shigbe amɛkplatɔ tsi ɖo ŋkuvi tintin ɖo amɛ tsiwɛ gɔmɛ xa vɔ mi nyi kpoɖo ŋtsi tɔ nɔn lingbɔ kpoɔlɔ. ⁴ Gatsimɛ efiɔ lingbɔ kpoɔ tɔ la va lɔ mi la xɔ kuku adodui magble magble kɔkɔɛ lɔ. ⁵ Nin nin ke mio tsi nyi ɖekadje mi bɔbɔ nɔn amɛ xoxo wo. Yi mio kekeŋ mi hin bɔbɔbɔ yi la gbe kpeɖo miɖekiwo ŋtsi; ɖo Mawu le ete kpɔ agoyitɔ wo vɔ ekunɔn ŋshishin nɔn amɛ tsi wɛ sɔ woɖekio sɔ xue. ⁶ Mi sɔ mia ɖokio sɔ xue ɖo alɔ ŋsin Mawu tɔ gɔmɛ nin ya sɔ mi yi edji le gahoho adoduiɛ mɛ. ⁷ Mi sɔ mio bukpɔ kekeŋ kɔɖodji, ɖo ela lebe nɔn mi. ⁸ Mi le mia ɖeki anɔn ŋzɔn. Ɖo ketɔ mia tɔ legba ele trɔtrɔ shigbe kinikini tsi yi le adandji xa yi le amɛ tsi yi la dlinɖu le djikɔ. ⁹ Mi nɔn te aɖo ŋsin le xɔse mɛ, mia nyan be vevi sese xɔn ke seɔ mia nɔnvio le le xixeɛ mɛ nin. ¹⁰ Le aya viɖeɛ lɔ ŋgbe domɛ,Mawu tsi yi nyi ŋtsi fafa tsi yɔ mi le klristo mɛ eɖo ŋtsikɔkɔɛ mavɔ mavɔ ela doŋsin mi la djramiɖo yi la gbe nan mi ronron. ¹¹ Ela ɖu ɖodji kaka sɔyi sɔyi ami! ¹² To Silvain tsi yi nyi nɔnvi nɔn gbedji yi dji ŋtɔ yi wlɛn enu viɖeka ɖaɖa mi yi la sɔ ɖo afɔ dji nɔn mi yi la gbe sɔ ɖo kpe dji nɔn mi yi ŋtsi ŋwlɛn ŋtsifafa Mawu tɔ nɔn mi. Mi nɔn xɔn mɛ. ¹³ Amɛ rlɛn gan tsɔsti tsi le Babylone dogbe nɔn mi kudo eviɛ Marc tsan. Mi dogbe nɔn mia ɖekio ku eshikiki lɔnlɔn tɔ. ¹⁴ Nin fafa nin nɔn ku miwo tsi le Yesu klristo mɛ.