¹ Tsi nyi enu nana gbɔngbɔn mɛ tɔ, nɔnvi úsuwo ku nyɔnuwo,nyɛn de dji be mia nɔn eɖemayan mɛ. ² Mi nyan be gatsi mɛ mi nyi maxɔsetɔ lɔ, mi vɛ tsi voduwo mɔn dji, ganké elé mia kpɔkɔ. ³ Fifiɛ lɔ nɔn ŋdji la na mi mia nyan be mɛɖe kpékpi tsi le nuxoxoɔ tɔ gbɔngbɔn kɔkɔɛ mɛ lɔ ŋda nu be," odonu Klistɔ," mɛɖe ŋda tɛnu nu be,"Jesu nyi amɛ kplatɔ," sɔ to gbɔngbɔn kɔkɔɛ ŋtsiwo. ⁴ Enu nana sugbɔ sugbɔ wo li tɔ gbɔngbɔn xɔn mɛ. ⁵ Enu kpatsa sugbɔwo tsan li, vɔ amɛ kplantɔ lɔ ke yɔ. ⁶ Yi edɔ sugbɔ vovo wo li,vɔ Mawu ɖeka kpoɛ na be edɔ lɔ nyi wawa nɔn mɛde kaka. ⁷ Wo nan mɛɖeka mɛɖeka edɔ wawa gbɔngbɔntɔ nɔn ya nyi alé nɔn mɛshiamɛ. ⁸ Amɛɖe wo lɔ wo nanwo nuxo enunyannyantɔ, amɛɖewo lɔ enu mɔnudjé gbɔngbɔntɔ. ⁹ Amɛɖewolɔ wo nan xɔse to gbɔngbɔn ɖeka lɔmɛ, mɔn amɛbulɔ wo nawo ŋsɛn edɔyɔyɔtɔ tɔ gbɔngbɔnmɛ ɖeka. ¹⁰ Nɔn amɛ bulɔ enu nana tsi xuanɔn enukpatsa, nɔn mɛbu lɔ enyɔn nuɖɛ ,nɔn amɛɖewo lɔ enu djedjeshi wo gbɔngbɔn nɔn amɛ bulɔ enu nana aɖeyéyétɔ, nɔn amɛbu lɔ enunana aɖeyéyé gɔnmɛ ɖeɖe. ¹¹ Vɔ gbɔngbɔn ɖeka yi wua edɔ yɔnwo kekeɔn yi sɔ enu nanɔn amɛtsi djlui. ¹² Shibe letsi ŋtsilan nyi ɖekalɔ yi ɖo ŋtsinu sugbɔlɔ yi wokeŋkeŋ nyi ŋtsinu ŋtsilantɔ, nɛn nɛn kéyi nyi le Klistɔ gbɔ. ¹³ Ɖolɔ gbɔngbɔn ɖeka mɛ yi wo gɔnlɔn mia ŋtsilan le, Jufu alo Grɛki,amɛ xlexle alo amɛ tsi vo,mio kekeɔn mi nu gbɔngbɔn ɖeka. ¹⁴ Ɖo ŋtsilan ŋde nyi nu gbalo, vɔ esugbɔ. ¹⁵ Nɛŋ afɔ nu be,"tsi nyɛn ŋɖe nyi alɔ, nyɛn ŋde nyi ŋɖe le ŋtsilan ŋtsi,"ŋɖe ŋde le ŋtsi nyi nugbalo. ¹⁶ Vɔ nɛn eto la nu be: tsi nyɛn ŋde nyi ŋkuvi lɔ, nyɛn ŋde le ŋtsilan ŋtsi, fiɖe ŋde le ŋtsilan ŋtsi nyi gbalo. ¹⁷ Nɛn ŋtsilan kekeɔn nyi ŋkuviɖe, le enusese la nɔn? nɛn ŋtsilan kekeɔn nyi étoɖe,ŋde la se huɛnhuɛn. ¹⁹ Vɔ Mawu la djra ŋtsinuwo ɖo le ŋtsilan tsi djrui dji. ¹⁸ Alo nɔn wokekeɔn va nyi nuɖekaɖe, le ŋtsilan la nɔn? ²⁰ Fifiɛlɔ ŋtsi nuwo sugbɔ vɔ ŋtsilan ɖeka. ²¹ Ŋkuvi ŋda nu nɔn alɔ be, nyɛn de xo ehian tɔwo. "alo éta anu nɔn afɔwo be, "mi ŋde ɖo ehian nɔn miɔn." ²² Vɔ ŋtsi nɔn tsi wue ŋde xo ashihɔhɔwo tsan le veviɖe. ²³ Yi afi ŋtsilan tɔwo tsi mi ɖena nashihɔhɔ tsan le veviɖe, yi ŋtsi nu tsiwe ŋde ɖo bubu mi la sɔ bubu sugbɔ nawo. ²⁴ Fifiɛlɔ mia ŋtsinu huashiwo ŋde djé nɔn bubu ɖo wo ɖui vɔ. vɔ Mawu bɔ ŋtsi nuwo kekeɔn yi trɔ na bubu ganganwo sɔ wu sa. ²⁵ Ewa nu ŋtsɛ nɔn mama ŋgbe nɔn nɔn ŋtsilan mɛ, vɔ ŋtsi nuwo wa lebonɔ wo ɖekió ku bubu ɖeka. ²⁶ Ŋde nyɔn nɔn ŋtsi ŋɖe nɔn eɖɛ ŋde le uíɖeo. Alo nɔn ŋtsinu ɖe kpɔ bubu edji djɔnɔn kpɛtɛwo. ²⁷ Fifiɛ lɔ mi nyi ŋtsi lan Klistotɔ, yi ɖeka ɖeka miatɔwo nyi tsinu yetɔwo. ²⁸ Yi Mawu sɔ aptriwo ɖanyi ŋkɔtɔ le tsɔtsiwo, sɔ kpɔɛdo nyi enyɔn nutɔwo, sɔ djedjilɔ enu kplatɔwo, alo metsiwue ɖo nu nana nukpatsatɔ, ala edɔyɔtɔwo,alo kpeɖonɔntɔwo, enu djraɖotɔwo ku amɛ tsiwue donɔn aɖeyeyewo. Wo kekeɔn nyi apotria? ²⁹ Miɔkpo la nyi nyɔn nuɖɛtɔ? miɔkpo la kplamɛ? miɔkpɔ xɔ nu kpatsa. ³⁰ Miɔkpɔe ɖoedɔ yɔyɔ ŋsɛna? miɔkpɔ do nɔn aɖe yéyé? miɔkpɔ ɖenɔn egbé gɔnmɛa? ³¹ Mi ɖo akpakpa tsi ɖo nu nana adodui. Yi mi sɔ nɔnɔmɛ adodui fia.