YEGATO MU NDRA WA.KOTA YERIHO ¹ NUN BI PA YOSUA TARU YETU KAWE YO MU NDAR WA KOTA YERIKHO KADIT IDE BUR SITIM .'' SANE AN WA MUMO NGGON GATO BEN SUK SIRI GWA NE BI NU.I OR ETTE AN WA KAM MONE.GON NE GUM DO RAHAB. ² SANE YEKI NAI YESU MO KOTA YERIKHO NAN JAM WA SARE DO,NORU GA DO YE WIS YE ISRAEL MAMO NAI RE WA KANI BOT NAI RE. ³ YESU MO KOTA YERIKHO TARU NJE MUMO RAHAB.BI SUKDU SAREDO NAN KESYAR YE WIS YE ISRAEL GATO MAMO NAN BI NU MAMO NAI RE WA AN NDRA WA MEN BI BUR DET I RE.'' ⁴ SARE WO NGGON NE RIK YE WE NE RE,OR ANGKIDO YE GANE MA SANGGE,WOJI JAM DE NAI GATO AN MUKET. ⁵ SI SU GANE KWE DET KEM WA NU SYO SU NORU MITEN,AN KE SYAR RE,SANE MU BORI BOT AN SOR. ⁶ SARE WO,RAHAB BURIK YE WE NE MO.WAN SI SU KWIK GWA GATO MO NU NE GATO AN BEN MO NU YU NE. ⁷ SANE YE NGWA NE MU SYUN BORI BOT AN MO SYUR YORDAN DE MO NAT GATO AN WAI MUKET.SANE YE GATO MU BURI BOT AN NE SYER SYAR SANE NU SYO NE DOM SATU ORE. ⁸ KARO WA YEWE SEM,REHAB IT MA KU AN WE MO NUYU. ⁹ AN KI NAI YEWE DO,JI JAM DO YEFUN SYO BUR DET RE WA NIN SANE NAT RE MEN SI YE NGWA RE NYU WA NIN NDO NDE. ¹⁰ WE MEN JAM SARE DO YEFUN BEN SEM ER NE SA MO NIN GWEM SI TOM GATO NIN SYE SYAR KADIT MESIR SI SUK GATO NIN BEN WA YESU WE GATO KEM MO NAT NE,NGGU WE ORE. ¹¹ SANE MEN JAM SUK GATO NIN BEN NE MEN MORE NYU NDO NDE YETU NGWA GATO MO NAT NE YO NGGI WA,ME SUK GATO YEFUN BEN NE,ALLAH GATO KAM MO GU SI BUR SYE RE SI NO. ¹² SU KAM RE NIN KAWE TOM SU YEFUN GUM WA JI ET WE JI BEN SUK NDO SU NIN KAWE SANE NI KAWE,BEN SUKDO SU JI BI AMAM SANE NAN SYO SUK YO WA JI TEPSU SUK GATO JI BI SUK JIMNUT MO. ¹³ WE SARE DO NIN BEN JI BI AMAM SI JI IM SI JI BINJI YEBRIS SI GON SI AN BI RUS I'NEOR SI NO,WE SARE DO NIN OS MEN KEM DO KADIT SU KWOP. ¹⁴ SANE YEWE KIDO MEN KAWE MBAU TEPSU NAN DOM MBAU RE,WE NA YO FROT NIN KAWE MO RE NDE.WE NAN JAM SARE DO YEFUN SYO BUR DETTE WA MEN YO BERE MEN NA PA WA NA RE. ¹⁵ ORETE YO AN SA JAM TU SU BAT NU SYO KOT WE ANBI NU KAROWA ROS SYE. ¹⁶ AN KINAI YEWE DO NIN KAWE MUMO NAT GATO BUBUK NGWA SU BERE YE GATO SYUN OT NIN KAWE BERE YO KU NIN KAWE.NDE KEM MO NAT NE WADE KAM NO GRI KR YE GATO MERET NIN SATU ORET.ETTE NIN WAI SATU MU NIN NAT. ¹⁷ AN WE KI NAI RAHAB DO AN MU NDO KADIT SUK GATO MEN OM YU SU NE. ¹⁸ SARE WO MEN DO SATU MAMO BUR DET RE YO,NAN KIN JAM TU ER MO NU SYO KOT MO NAI GATO NAN SA MEN MU KET SI NAN GWAI NAN BI AMAM SI NAN BI ABI SI NAN BINJI SI NAN BI OR YE TU BOK NE OR KEM NAN BI NU. ¹⁹ YE GATO SYE SYAR KADIT NU SYO RE YO BERE YE NGGU KWOP MO NEDOM RE.WE MEN YO SIRI DOM NDE WO NJE GATO KAM MO NAN BI NU MIT WO NIN DE I TEPSU SUK YE WA MEN. ²⁰ wa nan tam men bi suk jim nut re it yo men jam do men som bok git suk gato men tom yu su ne we it. ²¹ RAHAB KIDO SUK GATO NAN KI NE BERE BOR WA MEN MO NEIT,''OR RE TE YO AN SYOM BOK YE NE DAKAI MU SATU MO AN BI NAT I RE,OR AN KINJAM TU ER RE MO NU SYO KOT. ²² AN NU GIT NU NE SA AN MUMO NAT GATO BOBUK GWA MO OR AN KEM MO NAT NE KAM NO GRI OR TEPSU YE GATO MERET AN NE SATU ORET. ²³ ORE TE YO AN WE IS KADIT BOBUK NE ORE TE.YO AN WE TOK MO SYUR WA MUKU YOUA. ²⁴ AN WE KINAI YOSUA,BERE YEFUN SYO BUR DET RE WA MEN SI YENGWA GATO KAM BUR DET RE BERE AN NYU WA MEN.