¹ Gudidi si de guti Moisés, ni bi'ni dxiña xti Señor, Señor la? beda guiní'né Josué xhiiñi Nun, ni gucané Moisés, rabi be lá: ² "Moisés, ni runi dxiña xtine, ma guti. Nga runi, biasa gudidilaaga ndani Jordán di, lii ne guidubi naca guidxi di, ne la ché guidxi ni Naa cudié laatu, ndani guidxi Israel. ³ Naa ma bidié laatu ra guzuhua ñee tu. Bidié ni lii, casi ca modo bidié xtiidxa Moisés gudié ni la'. ⁴ Dede ra nu yuu dee ne Líbanu, ni izaa zitu casi guigu ngola Eufrates, guiraa ca layú xti ca hititas ne dede Nisado' Mediterráneo, ra gubidxa ria'zi, dede ra cá nga chi gaca ca ni layuu xtiu. ⁵ Guiruti zanda gucá lu lii de guiraa dxii de guendanabani xtiu. Naa ziuá nia lii casi ca modo guyuá nia Moisés. Que zusaana lii ne que zu dxié deeche lii. ⁶ Guca nadipa ne que guidxiibi diou. Pur lii nga chi guicá guidxi di layuu ni bidié xtiidxa ca bixhoze gola ca gudié laaca. ⁷ Guca nadipa ne nadxibalu. Bizuuba xtidxa guiraa ley ni Moisés bicá lii gunu. Cadi guiree chuu diou de laani, ni de ndiga la? ninca de biiga, ti chee ni lii xneza de guiraa ladu cheu. ⁸ Zaniu' guiraa dxi de ca diidxa ni cá lu ley di'. Zaní ique lu de laani, ridxii la? ne huaxhiñi, ti ganda guzuuba lu guiraa ni cá luu ni. Ne zacá la? zabani lu nayeche ne zuni ganaa lu'. ⁹ ¿Cadi zacá nga gudxe lii guunu ni la? ¡Guca nadipa ne nadxibalu! Cadi guidxibi diou. Cadi guiree diou gana. SEÑOR DIUXI xtiu nuu ne lii ratisi chee lu". ¹⁰ De ra que la?, Josué bidii didxa ca xaique xti guidxi que: ¹¹ "La ché neza ra campamentu que ne lagabi guidxi ca sicarí: "Lacuaqui chahui ca xtitu purti, rarí lu guiona' gubidxa zadiidi tu ndani guigu Jordán di, ziu tu ne zaca xtiitu guidxi ni SEÑOR DIUXI xtitu cu'dí laatu para gaca xtiitu. ¹² Ne ca rubenitas, ca gaditas ne galaa de ca ni zaa de Manasés, Ná Josué rabi laaca: ¹³ "Laguietenala'dxi ca diidxa ni Moisés, ni runi dxiña xti SEÑOR, gudxi laatu gunitu: SEÑOR DIUXI xtitu cudii be latu xtipa nacubi ne Laabe cudii be laatu guidxi di. " ¹⁴ Xheela ca, xiiñi ca ne ca yuze xtica ziana ca ndani guidxi ni Moisés bidii laaca ni nuu cherica de Jordán. Peru ca binni ni nadxibalú xtiu zi né ca cá bichilu' ne zaca né cabe laaca, ¹⁵ dede dxi SEÑOR ma gudí ca bichi lu guendarizila'dxi, casica modo Laabe bidiibe laatu. De ra ca la?, laacabe laca zaca xti cabe de guidxi, ni SEÑOR DIUXI, bidii laatu. De ra ca la? zabiguetatu xquidxi tu ne zuni mandar tu ndani ni. Xa guidxi ni Moisés, ni biini dxiña xti SEÑOR, bidii laacabe cherica de guigu Jordán, ra gubidxa ri ré". ¹⁶ Ne bicabi cabe Josué ne rabi cabe laa: "Guiraa ni gudxu' laadu guni du la? zuni du ni, ne ra ticasi gusendu laadu, ziu'du. ¹⁷ Zuzúbadu xtiidxa lu' casica laadu bizúbadu xtiidxa Moisés. SEÑOR DIUXI si xtilu guiú né lii, casica guyú né be Moisés. ¹⁸ Ni gucá lu ca ni ma guniu gaca ne que guzu'ba xtiidxa lu la? zati. Xisi la? guca nadipa ne nadxibalú."