DIOS K'OPOJIX TA SWENTA TE SNICH'ANE ¹ Ta namey k'inal te Diose la sk'opon te chichmamiletike ta swenta te alwanejetike, ma junuk nax buelta te k'opnotike sok yanyantik nax te bit'il k'opoje. ² Yan ta ora to te slajibal k'aal ayotike, ja la sk'opnotikix ta swenta te tul Snich'ane, te ja la yak'bey ta swenta spisil te beluk aye. Ta swenta te Nich'anile te la spas te Dios te ch'ulchan sok te balumilale. ³ Te Nich'anile ja ya yak' ilel te yutsil xojobil te Diose, sok janix jich ya yak' ta ilel te pajal stalelike. Ja ta swenta te yu'el sk'op te ipajem spisil te beluk aye. Te k'alal ju'ix yu'un a te la spokbotik te jmultike, la snajk'an sba ta swa'el sk'ab te muk' Dios te ay ta ch'ulchane. ⁴ Te Nich'anile ja kajal xan k'ot te bit'il te ch'ul abatetike, melel te Diose la yak'bey sbiil te kajal yutsilale, te bit'il ay yutsil sbiil te ch'ul abatetike. ⁵ Melel ¿ay ba tuluk ch'ul abat te la yich' albeyel yu'un te Diose: ''TE JA'ATE JNICH'ANAT, TA ORA TO JO'ON ATATON K'OONIX.'' "JO'ON TATIL ME YA XK'OON YU'UN SOK JA' ME JNICH'AN YA XK'OT?'' ⁶ Te k'alal tal ta balumilal te tul Snich'an te Diose jich la yal: ''SPISIL TE CH'UL ABATETIK YU'UN TE DIOSE, AKA YICH'IK TA MUK'.'' ⁷ Yan te ch'ul abatetik jich la yalbey sk'oplal: '' TE DIOSE JICH LA YAK' TE PAJAL K'OEMIK SOK IK' TE CH'UL ABATETIKE, SOK TE ABATETIK YU'UNE JICH K'OEMIK TE BIT'IL TE K'AJK' TE YAK TA TILELE.'' ⁸ Jauk me to jich ya yal ta swenta te Snich'ane: "JA'AT TE DIOSATE, TE YA X-AJWALINAT TA SBAJT'EL K'INALE. SOK TOJ TE BIT'IL YA X-AJWALINATE. '' ⁹ JA YA AMULAN TE BELUK TOJ TA PASELE SOK ILEBIL AWU'UN TE BELUK MA LEKUK TA PASELE. JICH YU'UN DIOS, TE DIOS AWU'UNE, LA YICH'AT TA MUK' SOK JA LA YAK'BAT BAYAL SBUJTS' AWOT'AN, K'AX JICH TE BIT'IL TE AJOTAKE.'' ¹⁰ ''TA XJAJCH'IBAL, KAJWAL, LA AWAK'BEY YIPTIJIB TE BALUMILALE. JA YAT'EL AK'AB TE CH'ULCHANE." ¹¹ SPISIL YA XLAJ STUKEL, YAN TE JA'ATE JA TALEL AYAT TA SBAJT'EL K'INAL. MELEL SPISIL YA XLAJ SK'OPLAL JICH TE BIT'IL YA XPOKOB TE K'U'UL-PAK'ALE. ¹² JA'AT YA ME ABALBEEL JICH TE BIT'IL JUN PAK'E, JICH ME YA YICH'IK YANTESEL TE BIT'IL JUN K'U'UL-PAK'ALE. JAUK ME TO TE JA'ATE JA TALEL AYAT, TE AWAWILALE MAYUK SLAJIBAL STUKEL." ¹³ Jauk me to, ¿ay ba tuluk ch'ul abat te jich la yich' albeyel yu'un te Diose: "NAKLAN TA SWA'EL JKAB, JA TO TEME JO'ON LA JKAK' TE YA APECH' TA TEK'EL TE AWAJ KONTROE?" ¹⁴ ¿Ma ba jauk te ch'ul abatetik te ya xch'uunik te Diose, sok te tikunbilik yu'un te ya skananteyik te mach'atik ya staik te xkuxlejalike?