¹ Dios wanilh Noé: "Katat wix chu skan mitachiki, nak xpulakni putakutnu, xpalakata aquit jkakwilhnit Pi wix xakgstitum jkilakatin nak uma kilhtamaku. ² Skan takgalhin nima xalakuan nakalitana tantujun xa kgawasa chu tantujun xalaktsuman. Xatakgalhin nima ni xalacuan, kakalita tantuy, xa kgawasa chu xa tsumat. ³ Nachuna lakspun xalak akgapun, kakalita tantujun xakgawasa chu xatantujun xalaktsuman, xpalakata natalhuwikgoy nak xlitilanka katiyatni. ⁴ Awatiya tsankgay Akgtujun kilhtamaku akxni aquit nakmakamin lanka sen nak jkatiyatni nima na makgapalay tipuxam kakuni chu tipuxam katsisni. Najkamasputuy nak jkatiyatni skan xa stakna nima jkakaxtlawanit. ⁵ Noé tlawalh skan nikuntla Dios limapakgsilh. ⁶ Noé xkgalhi akgchaxan ciento kata akxni milh Munkajta nak jkatiyatni. ⁷ Noé, xlajkgawasan, xpuskat, chu xlakpuskatin xlajkgawasan makxtum tanukgolh nak putakutnu xpalakata lanka chuchut. ⁸ Takgalhin xalakuan chu takgalhin nima ni xalakuan, lakspun, chu skan nima taxwatay nak jkatiyatni, ⁹ litantuyun, xakgawasa chu xatsumat, lakginkgolh Noé chu tanukgolh nak ptakutnu, chuna nikuntla Dios xlimapaksinit Noé. ¹⁰ Lata titaxtulh akgtujun kilhtamaku, tsukulh senan nakjkatiyatni. ¹¹ Lata Noé hay xkgalhiy akgchaxan ciento kata, xli akgtiy papa, nak akgkutujun kilhtamaku xla papa, wa ama kilhtamaku, skan nak lipekua katiyatni takilh kikgolh, chu xpulakawan agkapun talajkikgolh. ¹² Tsukulh senan nak jkatiyatni tipuxam kakuni chu tipuxam katsini. ¹³ Wa ama kilhtamaku Noé chu xlajkgawasan, Sem, Cam chu Jafet, chu xpuskat Noé, chu xkgalhtutukan xlakpuskatin xlajkgawasan Noé Tanukgolh nak putakutnu. ¹⁴ Chu katatabukgol xlipaks, takgalin Litantuy katamaknul Nachuma takgalin ti taxwatay Chu wanti koskoy chu kgaliy xpakgekgan. ¹⁵ Litantatui ti xkalikgoy xtitliwakan chux xjaxanankay xla latamat lakminkal Noé chu tanukol nak putakutnu. ¹⁶ Takgalin wanti tanukol xha tsumat chu xa kawasa xliputum titliwa, tanukol lantla Dios xkalimapaksinit chu kimpuchinikan malakchawa malakcha. ¹⁷ Chu staknana mit nak katiyatni tipuxam kiltamaku chu chuchut chaxli putakutnu xkgalni tiyat. ¹⁸ Chuchut lhimatsamakol xliputum katiyatni, Chu putakutnu xkgalhni chuchut tawi. ¹⁹ Staknanalh nak tiyat xliputum laktlanka sipi tu xwilakool xtampia okapun litaktsikol chuchut. ²⁰ Chuchut lhimatsamal xakspum laktlanka Sipi aktujun metro lhiuka. ²¹ Xlhiputum takgalin wanti xlamakolh nak katiyatni nikolh, chu spun, xliputum Laktlanka takgalin, ti xlamakol nak katiyatni Chu latamanin. ²² Xlhiputum takgalin wanti xlamakolh nak katiyatni wanti xjaxanankoy xlipaks nikgol. ²³ Xlipaks ti xlamakol nak katiyatni kamaspukuta Tachixkuitat, chu laktlanka takgalin, tix taxwatakoy Chu ti skoskoy, xlimputum kamasputuka nak putakutnu laktaxtukolh. ²⁴ Ni takta chuchut aktum ciento atipuxamakau kiltamaku.