¹ Puchiná xakgatlilh Moisés: ''kataxtu unú, wix chu putum lakgchixkuwen ti kalhitanitampi xtiyat Egipto. Kapitit antá nakj katiyatní antaní klhiteyninith Abraham, chu Isaac nachuná Jacob, akxní chu kawanilh: ''Akith nakamaxkiy min talhilhakgapasní'' ² Akit nakj makamin xmakatsina Puchiná milhakatinkan, nakatamakgxtuy amá Cananeos, Amorreos, chu Hititas, Ferezeos chu Heveos nachuná Jebuseos. ³ Kapitit nakj katiyatní nin tsamay tu wakan, wa chanchu akit nij tikatahan, wixinan lhu xalhakjtsakath. Akith tlhan nakj malhakgsputuyan nakj tijí. ⁴ Akxní lhakchixcuwen kaxmatkgolh umá talaklipuwan tachiwuin, talakgaputsikgolh chu nitikú takaxtelh. ⁵ Puchiná xwaninith Moisés: ''kawani amá Israelitas: ''wixinan lhakchixcuwen lhu xa tsakath. Palá akith nakj katahanan kaj puntsú, akith nakamalhaksputuyan. Chuná chu, kamaxtutit min lhitakgaxtey lhata chu naklhakakatsí tu nakgatlawniyan.'' ⁶ Chuná chu amakgolh Israelitas nej lhitakaxtekholh palhá tuku tlan tasiyú chuná tamatsukilh nak cipi tu xwanikgan Horeb, chun chu tahankgolh. ⁷ Moises tiyalh x'akgstiputlapath chu wuilhilh xkilhtin antani makxtum xtawlhakgo, lhakgamakgath antaní x'anan tamakgxtumitat. Chu amá lhimapakuwilh akgstiputlapat antaní xtamakgxtumikan. Ti tu kskiniy Puchiná x'an ama nakj akgstiputlapath antaní xtamakgxtumikan, xkilhtin antaní makgxtum xtawlhakgo. ⁸ Akjxní Moises x'an nakj akgstiputlapat antaní tamakgxtumikan, putum tachixkuwitat xtayakgoy xlhakatin xmalhakgcha x'akgstiputlapat chu x'ukxilhkgoy Moises akxní x'an tanuy nakj x'akgstiputlapat. ⁹ Akjxní Moisés xtanuy akgstitlapat, putsa xtakgtayachi pukglhni, antá xlhatolha nakj xtankilhtin ama x'akstiputlapath, chu Puchiná xtachiwinan Moisés. ¹⁰ Akxní amá putum tachixcuwitath x'uxilhkgo ama xa'talyau puklhní xtankhiltin akstitlapath x'tayakgoy chatunú tachixkuwitat xtankilhtinin x'akstitlapath chu xlhipaxaukgoy xlhakachixkuikgoy. ¹¹ Puchiná xtachiwinan Moisés a lhakgan, lhatá chixku tachiwinan ti tlan talhalhen. Alistalh Moisés x'ampalhá anta ni makxtum xtawlhakan, wa chanchú xlhakskujní amá Josué xkawasa Nun, chatum kajku kgawasa, xtamakxtakga nak akgstitlapath. ¹² Moises wanilh Puchiná: ''wix kiwaninithá: kalhipí uma tachuxkuwitath nak xtatlaw; wa chanchú ni a kiwaniyá ti nak kintamakapína. Chu wanitá: ''Lhilhakapasan min takuní nachuná chu wix maklhanitá kin talhakgalhaman. ¹³ Lanchú chu maklhanith talhakalhaman nak milhakatin, kakimasiní min tijí lhatá tlan naklhakgapasan chu tlakh xakmaklha talhakalhaman mi lhakgatin. Kapastaktí pi umá lhankga kachikin min kachikin. ¹⁴ Wa xlha Puchiná kalhtinalh: ''Kin tatawuilh natahanan, chu Akith nakmaxkiyan tajaxní.'' ¹⁵ Moisés kalhtilh: ''Palhá min tatawuilh ni na kinkgatahanan, ni kakinkatamakxtu unú. ¹⁶ Wa chanchu ¿Lhakuntla tlan natakatsí pi mi kachikin chu akith makglhanitaw min talhakgalhaman nak milhakgatin? ¿Ni kaj xman tlhan wix xkilhatahaw lhaki min kachikin chu akith xakmasiyú pi akinan nixtachuná lha amakgapitsín ti talhamanalh nak katiyatní?'' ¹⁷ Wa Puchiná wanilh Moises: ''Nachuná naktlawa umá tu kiskininita, wa chan chu maklhanitga talhakalhaman nak kilhakatin, lhilhakgapasan min takuwiní.'' ¹⁸ Moisés kalhtinalh: ''katlawa lhitlan kakimasiní mi lhi tlanka.'' ¹⁹ Wa Puchiná kalhtina: ''akith ankalhín nakmaxiyan kintalhakalhaman chu nakj makgatsiniyan kin takuwiní pi akith Puchiná. Nakj lhakgatsan ti nalhakgatsaninan, chu nakj lhakgalhaman ti namasiyú talhakgalhaman.'' ²⁰ Wa nchu Puchiná tiwa: ''Nilhá katiuxilthí ki lhakgan, wa chanchú nití ti tlhan kilhakgokxa, chu lhatamá.'' ²¹ Wa Puchiná tiwa: ''kaukxilhtí, wi aktum putawuilh lakgatsú ni kuw; wix antá nateyá x'okgspun umá chiwix. ²² Lhatá Akith naktitaxtuy, Akith nakmatsekgan xlhakstipan chiwix, namaktakgalhan ki makgan sta akxní Akith naktitaxtukgoy. ²³ Alhistalh nakmapanuy ki makgan, kinchakegn najkamasiniyan, wa chanchú ki lhakan nej katiuxilhti.