^{1 2} 1 Chu PUCHINÁ tachiwinalh Moisés chu wanilh: 2 "Akít lakgsaknit, Bezalel xkgawasa Uri, xtanat Hur wa xlikiltsukut xlilakapasni Judá . ^{3 4 5} 3 Limatsamanit ki spíritu, chu maxinit liskalala, ta akgatakgsni, chu talakgapasni laki xla tlan na tlaway xliputúm lakg'lilakgatín makg lakaskinat chu na kalitlaway xmakán. 4 laki nachuná nakatlaway lakuán takaxlán chu na liskuja, oro, plata chu bronce. 5 Na naliskuja lakg lilakgatit chiwix nachuná na liskuja pakglhat, chu na katlaway lakg lilakgatit tastujut. ^{6 7 8 9} 6 Nachuná, lakgsaknit Aholiab xkgawasa Ahisamac xlikiltsukut xlilakgapasni Dan. Nachuná kamaxinit xliputúm lak chixkuwen lakgskalalán lakí xlakán tlan natlawakgoy xliputúm wantú kalimapeksinit. Chu na tlawakgoy. 7 Niku tachiwinankán Dios, niku makikán talak'kaxlán, chu xlitakgalchau xa niku xmakikán talak'kaxlan xa oro, chu xliputúm wantú namakg'lakaskinankán niku tachiwinankán Dios.8 Chu anta niku xkawilikán, pumakskgo, chu xliputúm mak'lakaskinat. 9 Chu niku lhkuyukán limajinín, chu antá niku lhkuyukán lilakgateín, chu lanka pumakgachaken chu xputawilh. ^{10 11} 10 Nachu lakuán lhakat xa tatsapa. klhakat xa tasikulhnalín Aarón xpalakachiwina PUCHINÁ chu klhakat xkamán, wantú na lhakgakgoy laki naki skujnikgoy lha kimakatsinanín. 11Nachuná aceite wantu lhi sikulnalinankán, chu xa muksu limajinín wantú na makg'lakaskinankán anta niku tachiwinankán DIOS. "Chu umakgolh wanti tlan tlawakgoy lakg'lilakgatit taskujut" na tlawakgoy chuna lha akit limapaksinitán. ^{12 13 14 15} 12 Chu PUCHINÁ tachiwinalh Moisés wanilh: 13 Kakawani Israelitas: Na makiyatit ama kilhtamakú akxni jaxkán wa uma xlimapeksín PUCHINÁ, xpalakata wa umá talak'kaxlán wantú tlawanitantit wixinán chu amakgolh wanti na lakachinkgoy mililakgapasni, chuná chu nakatsiyatit pi wa PUCHINÁ wanti kalaksaknitán. 14 Chuná na makiyatit ama kilhtamakú akxni jaxkán, ama kilhtamakú lha xa tasikulnalín na liukxatit, wanti ni na makgantaxtiy na makniyatit. Xliputúm wanti na skujkgoy amá kilhtamakú akxni jaxkán, na tamakxtuyatit mi lakgstipankán. 15 Na skujatit akgchaxán kilhtamakú chu xli akgtujún kilhtamakú, tantakú na jaxatit, akgtúm kilhtamakú xa tasikulh'nalín, na makgamaxiyatit PUCHINÁ, par tiku na skuja ama kilhtamakú na makgniyatit ^{16 17} 16 Chu wixinan xpulatamat Iraelitas na makiyatit xliakgtujún kilhtamakú akxní jaxkán. Chu xlipaks na liukxatit wixinán chu wanti na lakachinkgoy mi lilakapasnikán la akgtúm talakaxlán xliankgalhín. 17 Chu ama kilhtamakú akxni jaxkán, lha akgtúm liukgxtín xla talakaxlán nawán, xpalakata PUCHINÁ chu wixinán xpulatamat Isarel, PUCHINÁ tlawalh akgchaxán kilhtamakú, akgapún chu katiyatni, chu xliakgtujún kilhtamakú jaxli. ¹⁸ 18 Akxní Dios tachiwinankgolh Moisés nak sipi Sinaí, makgamaxilh limapeksín wantú xpulatamat Isarel xilimakgantaxtit, xtatsoknit nak makgti chiwix, wantu litsokli PUCHINÁ xmakán.