¹ Lawku, wa uma militlawat xpalakata na kamapapitsiya kimpalakata chu xpalakata ampi nakiskujnanya la xpalakachuwina Dios. katiyatit tantum xaskgata wakax cho tantuy xakgolu kalhnilu wantu nixalixkan, ² kaxtilanchu tunikgalhiy limaxkutin cho kakatalagtlawa aceite. Nachuna, katiya obleas tunikgalhiy limaxkutin lilagkgochimikanit aceite. katlawa obleas kalakaskinti harina xla smatanka trigo. ³ miliwalit nak lakatuma pagxu, lilinat nak pagxu chu limasiyut nak xpaxtum wakax chu tantuy xakgolu kalhnilu. ⁴ milimasiyut Aarón chu xlakgawasan nak xkilhtin niku laktanukan nak tagtlapan xla tamakxtumit. Milichakgat nak chuchut Aarón chu xkaman. ⁵ Mililenat klhakgat chu namalhakganiya Aarón xlikilhmaktuy klhakgat, xlakatitawkat, patawakat chu xkuxmutawkat, nalichiya xlitampachit xtatsapanit lu tlan xla lakatitawkat nalichiya nak xtampan. ⁶ miliwalit xtagnu nak xakgxekga chu nawaliniya xasantujlani xaktawilh nak xkgalhni xtagnu. ⁷ awan cho natiyaya aceite xpalakata ampi nalilaksaka chu namawkanya nak xakgxekga, chu noyma natalaksaka. ⁸ Nakalitana xkaman chu nakamawkanya xlikilhmaktuy lhakgat. ⁹ Mikalimalhakganiya Aarón chu xkaman litampachin chu nakawaliniya laktisu lhakgat nak xakgxekga. wa xtaskujutkan palkachuwina xlakan nawan la akgtum limapagsin xaxlipan. chuna chu noyma, chuna namakamastayatit Aarón chu xkaman xpalakata ampi wa xlakan nakiskujnikgoy. ¹⁰ Nalitana wakay nak xlakatin tagtlapan xla tamakxtumit, chu Aarón chu xkaman xliwalitkan xmakankan nak xakgxekga wakax. ¹¹ Milimagnit wakay nak Kilkatin, Wa PUCHINA, anta ninta laktanukan nak tagtlapan xla tamakxtumit. ¹² Militiyat aktsu xkgalhni wakax chu nawaliya nak xakgalhkgot xla pulagtakilhputan wa aktsu mimakan, chu nakgxtakgawkaya tuku akgtaxtulh kgalhni anta nak xtantujaxni pulagtakilhputan. ¹³ Militiyat putum kgontat tuku magpunuy xpulaktajun, chu nanatiy'ya tunta xmakwaka lhwak'ka chu akgtuy xpastapu chu xkgonat tuku kgalhiy; kalhkuyu putum nak pulagtakilputan. ¹⁴ Ampi wancho xpalakata xliway wakax, chu xmagxuwa chu xkgat'tsa, mililhkuyat nak xkilhtin anta ninta maxtum xtatagskgoy. wa xla uyma likakni xliwnak xla talaglhin. ¹⁵ Namilitiyat tantum xakgolu kalhnilu chu Aarón chu xkaman xliwalitkan nak xakgxekga xakgolu kalhnilu. ¹⁶ Milimagnitkan tantum xakgolu kalhnilu, awancho natiy'yatit xkgalhni chu putum nalipuxmaniya nak pulagtakilhputan. ¹⁷ Lagpagtsu milichukut xakgolu kalhnilu, lichakgat xpulaktajun chu xkgapin, litiyat xpulaktajun chu natatiy'ya xlagpagtsu chu xakgxekga, chu nakawaliya ¹⁸ anta nak pulagtakilhputan. Awancho nalhkuy'ya putum xakgolu kalhnilu. wa xla likaknin xalhkuni nawan Kimpalkata, Wa PUCHINA. Lutlan limuklhu namastay kimpalkata; likakniy nawan kimpalkata tuku litlawakanit lhkuyat. ¹⁹ Chuna chu, militiyat chu atantum xakgolu kalhnilu chu Aarón chu xkaman xliwalitkan nak xakgxekga xakgolu kalhnilu. ²⁰ Awancho milimagnit xakgolu kalhnilu chu militiyat aktsu xkgalhni. Kawali nak xpakgstakat xtakgan Aarón, anta nak xpakgastakat xtakagankan chatunu xkaman, nak xakgachu xmakan'kan xpakgastakat chu nak xakgachu xtuwankan xpakgastakat. Awancho milipuxmanit kgalhni la akgatnu xpaxtum pulagtakilhputam. ²¹ Militiyat aktsu kgalhni tuku wi nak litakilhputan chu aktsu aceite xpalakata nalilaksak'kan chu nalipuxmaniya putuminka Aarón, xtalhakgan chu nachuna xkaman chu xtalhakgankan. Chuna cho Aarón Kila nawan, nachuna xtalhakgan, xkaman chu xtalhakgan xkaman. ²² Militiyat xkgontat xla xakgolu kalhnilu, xkgontat x'aktsu kstajan, xkgontat tuku magpunuy xpulaktajun, xmaktawkat lhwak'ka, chu akgtuy xpastapu chu xkgontat tuku kgalhikgoy chu xtankilhan xpagstakat, xpalakata ampi wa uyma xakgola kalhnilu wa xtamkamastan xla palkachuwila kimpalakata. ²³ Natiy'ya maktum kgalhchu tutlanka kaxtilanchu, maktum kgalhchu stak'kawa kaxtilanchu tuku litlawakanit aceite chu maktum oblea tuku ni anta tajuma nak pagxu xla kaxtilanchu tunikgalhiy limaxkutin, nak kilkatin, Wa PUCHINA. ²⁴ Miliwalit uyma nak xmakan Aarón chu nak xmakan xkaman chu mililakchikit nak kilkatin chuna la akgtum likaknin tuku tamatsogenit nak xlakatin PUCHINA. ²⁵ Awancho militiyat taway nak xmakan chu nalhkuy'ya nak pulagtakilhputan chu likanin xalhkuni. Wa xla uyma namastay akgtum tamuklhu kimpalakata; likakni kimpalakata tuku litlwakanit lhkuyat. ²⁶ Militiyat xkuxmun xla xakgolu kalhnilu xla Aarón xpalakata tatamkamastakan chu nalakchikiya la agtum likakni xla talaktsogen nak xlakatin PUCHINA chu uyma mila nawan. ²⁷ Milimapaptsit kimpalakata xkuxmun xla likakni tuku lakchikikanit chu xtankilhan tuku wa xmaxkakikanit Aarón chu xkaman. ²⁸ wa uyma tuku xkamaxkikanit lagpagtsu liway Israelitas xaxlipan nawan xlakan Aarón chu xlilakgapasni. Xpalakata likakni xla takgalhchuwin, wa xla uyma likaknin xlakan nawan palkachuwina tiku xtaksakgonit Israelitas, likakni tuku kilimnikanit nak kilkatin, wa PUCHINA.