¹ Ni tiku nalichiwinana wantu ní xlikana. ni akxtúm katalatapa wanti chixku ni tlan likatsi chu natálikatsiya wantu nitlán ² ni nastalaniyatit tachixkuwitat wanti ta'an makglakgalhínan, na ni nalitay'ya wantu natawaniyán tu nixlikana chu nalilaktlawaya wantu xa'akgstítum. ³ ni na kgalhmakgtay'ya chatúm limáxkgan chixkú anta nak xtamalakápun. ⁴ Pala pí natakgasa tantúm wakax o axnu wanti sitsiníya, na puspitniparáya ⁵ pala pí na'akxilha tantúm axnu líma xtakuka chu xmalaná sitsiniyán, ni kamakgxtakgti. xlikana milimakgtáyat antá xtakúka x'axnu. ⁶ ni nalaktlawáya wantu tlan akxni akgastakjyaukan chatúm limaxkgán chixku anta min kachikín. ⁷ ni katatamakxtupí wanti litayay takgsanin, chu ni kamakgni wanti ni tlawanit talakgalhín chu akgstítum láma chu Akit ni ktitálikatsilh makglakgalhína. ⁸ ni kakaliakgskawakantít tumin, wata ama laliakgskgáwan malakgatsí wanti lakawanán chu laktlawá xtachuwín wanti tlan licatsí. ⁹ ni ka'akgtlakawilítit wanti ni antá xala, chuna wixin katsiyátit nikula tamakglhkatsi alakatúnu latamakán, xpalakata wixín kimakgtawilátit nak xatiyat Egipto. ¹⁰ akgchaxán kata nachana taltsi nak minkatakuxtu chu namakiya min tachanán. ¹¹ wata xliakgtujún kata namajaxaya chu ni ka ti chánti, laki ama lakglimaxkgán antá min kachikin tlan nata wayán. wantu xlakan natamakgxtákga, amá takgalhín xalajkakiwín nawakgó. na chuná natlawaya min tachanán xla uva chu olivos. ¹² akgchaxán chichiní natlawaya min taskújut, wata xliakgtujún chichini najaxa. lama katlawa laki mi wakax chu mi axnu tlan natajaxa, chu xkgawasa min táchin puskát chu lata tiku kaj minít tlan najaxa chu naskawiwín. ¹³ skgalh katawla wantu putúm kuaniman. Ni na wanatit xtakuwnikán tatlawamakgxtu, na nikata'kgaxmatli xtakuwnikán anta min kilhnikán. ¹⁴ makgtutu natlawaya paskua lata akgtum kata. ¹⁵ na makgantaxtiya amá paxkua xla kaxlanchu neje ni kgalhí lixkútan. La klimapakgsín, wix nawáya kaxlanchu wanti ni kgalhi limaxkútin akgtujún chichiní. amá kilhtamakú, wix natana Kilakatin amá papa Abid, nema klaksakxtunit na'kikgantaxtú. wa amá papa taxtútit nak Egipto. ni'natana kilakatín kajchuntá. ^{16 17} 16 Na na'makiya amá paxkua xla taxkgán, neje xapúlh láy min taltsi min katakúxtu. na namakiya ama paxkua ama taxkgán xli sputni kata, akxni makiya xatawkat min tachanan nak min katakuxtu. 17 putum xa lak kgawasan namingko kilakatín, Akit Puchiná, makgtutu lata akgtúm kata. ¹⁸ Nilay malaknuya kgalhni xla lilakgachixkuín tuku kinkaxtlawanikanit xla kaxlanchu tu kgalhiy limaxkutin. Wa kgontak putum nalhkuyuya xla lilakgakachixkuin tuku lay nak kimpaskua. nixlitawilat putum tantaskaka la pala nalakgaxkakayacha. ¹⁹ Nalitana tuku xapulana xtawakat mintiyat anta nak kinchik, anta xchik PUCHINA Dios. Ni namakchaya tantum xaskgata kalhnilu tu yamakgaxtaka xtsikit. ²⁰ Kit nak malakgachayacha chatum Ángel nak milakgatin tiku namaktakgalhan nak mintiji, chu nalichanan niku kaxwalinit. ²¹ Skalalh kawanti chu kakgalhakgaxpati. Ni kikamakslagti, xpalakgata nikat matsankgananin mintalakgalhinkan. Wa kintakuwiní wilanilh. ²² Palapi lixlikgana nalakgachixkuwiya xtachíwin chu natlawaya putum tu nakuaniyan, Kit chatum xtalatlawana nakuan min talatlawana, chatum ti namakgatasayan na nak makgatasay. ²³ Ki Ángel napulaliyanan chu naliminiyan Amoreos, Hititas, Fereseos, Cananitas, Hetitas chu Jefuseos. Kit nakamalaksputuy. ²⁴ Ni nalaktakilhputayatit xtatlawmakgxtukan, ni nalakgachixkuwiyatit, nichuna natlawayatit la tlawakgoy xla'kan. lampala chuna uma, mili laktilhatkan putum, chu nalaktlawayatit xtalyawkan xla chiwix natalakpakglha. ²⁵ mililakgachixkuit kit, PUCHINA, Dios. palapi natlawaya, Kit nakskulnatlaway min kaxlanchu chu min chuchut. Kit nak mapanu mintajatat nak milakstipan. ²⁶ Ni chatum puskat pala nilay katikgalhilh kaman chu nilay katimakgalh skgata nak xtiyat. makgas nak maxkiyan latamat. ²⁷ Kit nak malakgachayacha tapekwa chu nak kamaktsankay xtalakapastakinikan xliputum kachikin niku nachipina. Kit nak kamakgniy putum latamanín tiku kalakgapasa. Kit naktlaway pi putum mintalatlawana cha'pekwa natalakaspitkgoy. ²⁸ Kit nakamalakgachayacha kgalat nak milakatinken chu natsalanikgoy Heveos, Cananeos chu Hititas nak milakatin. ²⁹ Kit nikti mapanulh nak milakatin aktum kata, natlan pala wa tiyat ka natamakgaxtakga, chu takgalhinin xala kakiwín nalhuwankgo chu nataratlawakgoyan. ³⁰ Anta nak xpulataman. Kit nakatamakaxtuy lakatsuku nak milakatin akxnita matsamanita nawan xa tawakat chu mimpulatam nawan tima tiyat. ³¹ Kit nak kaxtlawaniyan militakilhpastukni tani tsukuy pupunú xaspininí na'kichan anta nak pupunú xla filisteos, chu anta nak xa kaskakni tiyat nak xkgalhtuchokgo Éufrates. Kit nak maxkiyan tatlajan xokspun latamanin xla tiyat. Wix nakatamakaxtuya nak milakatín. ³² Wix nilay ka'tatlawaya talajkaxlan nimpalawa xtatlawmakxtukan. ³³ Xla'kan nilay katilatamakgolh nak mintiyatkan, chu pala wa xla'kan nakamatlawikgoyan talakgalhin nak kilakatin. palapi wix nalakgachixkuwiya xtatlawmakxtukan, lu xlikana nali akgchakgxatit."