¹ chiwinalh Puchiná putum uma tachiwín: ² Akit Xla Puchiná mi Dios, ti tamakaxtún xtiyat Egipto, tani tachín xwilatit. ³ Ni mi li kgalhit amakgapitsin ti la'midios nak kilakatín. ⁴ Wixinan ni mi litlawatkan ni pala akgtúm tamakanitlaw pala na tasiyuy la tu wi talhman ka'kgapun, osu tu wi tutsu katiyatni, osu tu tajuma xtampún chuchut. ⁵ Wixinan ni mililakgta kilhhputatkan tamakanitlaw osu namaxkiyatit kakni, sampi Akit, wa Puchiná mi Dios, akit chatum Dios klakaskín xman akit nakilalakgtakilhputayaw. Akit ka'akgastakyaway xtalakgalhinkán xalakgmakgán, kaliminiy tapatín xkamán, xlikilhmaktutu chu xlikilhmaktati tastakat wa ti kisitsinikgoy. ⁶ Wampi Akit kmakgataxtiy talakaxlan tu xlikana akglhuwa mil ti Akit kimpaxkikgoy chu lakgachixkuwikgoy ki limapekgsín. ⁷ Wixinán ni mi limaklakaskinatkan kintakuwini, wa Puchiná mi Dios, ka akglakgwa, pus akit nik timakgtekgli la pala nitu laklen ama lata tiku namaklakaskín kintakuwini ka xa akglakgwa. ⁸ Kalakapastaktit kilhtamakú xla tajaxni, chu kalaksakti kila nawán. ⁹ Miliskujut chu na tlaway tu militlawat akgchaxán kilhtamakú. ¹⁰ Wampi xliakgtujún wa kilhtamakú xla tajaxni kila nawán, Puchiná mi Dios. Tama kilhtamakú ni militlawat ni pala akgtúm taskujut, wix, ni pala minkgawasa, ni pala min tsumat, ni pala mintasakua, mi pala mi skitiwiná, ni pala mintakgalhín, ni pala ti kaxamini ti wi xkilhtín mi malakcha. ¹¹ sampi ka akgchaxán kilhtamakú Akit, Puchiná, ktlawa akgapún, katiyatni, chu pupunú, chu xlipaks tu wilakgolh antá, chu k'jaxli xliakgtujún kilhtamakú. Wa xpalakata Akit, Puchiná, ksikulnatlawa kilhtamakú xla tajaxni chu klaksajli kila nawán. ¹² kakakninani min tlati chu min tsi, laki pi wixinán nalatapayatin makgas kilhtamakú nak tiyat wa tu Akit, Puchiná mi Dioskan, kamaxkimán. ¹³ Wixinán ni ti namakgniyatit. ¹⁴ Wixinan ni natatalakgtumiyatit ti ni wa tatamakgaxtokgnitantit. ¹⁵ Wixinán ni ti mi limakgalhanatkán. ¹⁶ Wixinán ni naliyawayatit takgsanín mintalakatsukan. ¹⁷ Wixinan ni mila'natlawaputunatit xchiki min'talakatsukan, wixinán ni mila'natlawaputunatit xpuskat mintalakatsujkan, xtasakua, kskitiwiná, xwakax, x'axnu, osu lata tuku kgalhiy mintalakatsú. ^{18 19 20 21} 18 Putúm latamani ukxilhi puklhni chu makglipni, chu kgaxmatkgolh akglhmán chiwinankalh, chu ukxilhkgolh sipij xtaxtuma jini. Akxni latamani ukxilhi, xlakán lhpipikgolh chu makgat tayakgolh.