¹ Amakgolh Isrelitas taxtukgolh nakj Elim chu ta-ankgolh nakj xakaskajni tiyat ni wanikan Sin, wantu xtakilhpastokga Elim chu Sinaí, xlhiakan xtlawanit akgtum papa'eytat lhata xtaxtukgonit nakj Egipto. ² Putum xkachikín ama israelitas, talhikjskgolh xlakatin Moisés chu Aarón nakj xakaskajni tiyat ³ Amakgolh israelitas wanikgolh: " Tlan xtiwa xniw nakj xmakan Puchina nakj Egipto akjxni xlakgatolayaw kixalhokan tuxkgalhi lhiwá chu xwayaw kaslhanchaw liwna xkgalhkgasaw. Chu wixinan kilhalhiminitaw nakj xakaskajni tiyat xpalakata kilhalhimakgniyaw tatsinkgstat putum kin kachikinkan. ⁴ Alhistalh Puchina wanilh ama Moisés: "Akit nakj kamakaminiyan nakj kakgapun kastilanchaw tu milakatakán. Putum kachikin nataxtuy chu nasakikgoy kaman tu nawakgoy tantaku laki aquit nakaliujxilha paratlan nalhitlawankgoy kilimapekgsin. ⁵ Akjxni nalakgchan akgchaxan kilhtamakú nasakikgoy makgtiy tunkan nilhata xtasakiy tantaku chu natamakgchay tu sakgonit. ⁶ Alhistalh Moisés chu Aarón wanikgolh putum kachikin xla Israel: "Nakj kakgotanun nakatsiyatit piwa PUCHINA katamakgxtunitan nakj xtiyat Egipto. ⁷ Chu xa puntsisa naujxilhatit xlhitlanka Puchina, xlikana wa kgaxmata min talhikgstat nakj xlakatin. ¿Tikú akinan laki wixinan nakilhatalhikgsniyaw akinan?" ⁸ Moisés nachuna kawanilh: "Wixinan nakatsiyatit akjxni PUCHINA nakamakaminiyan lhiwa nakj kakgotanun chu kastilanchaw xa puntsisa lakitlan nawayana. Xlikana kgaxmatnit lhata talhikgsnitít xlhakatin. ¿Tikú akinan Aarón chu aquit? min talhikgstat akinan nikinkalhakgchanan wakg lakgchan PUCHINA." ⁹ Moises wanilh ama Aarón: Kakawani putum ti tatapakgsikgoy ama xkachikin Israel: "Katalakatsuwitit nakj xlakatin PUCHINA, xlikana kgaxmatnit mintalhikgsnikan. ¹⁰ Uma okgspulalh xkilhta akgxni Aarón xkawanima putum xkachikín Israel, watunin talakankgolh nakj xakaskakajni tiyat chu xlhitlanka PUCHINA tasiyu nakj pukjlhni. ¹¹ Alhistalh PUCHINA xakgatlilh Moises chu wanilh: ¹² Kgaxmatnit xtalhigsni xkachikin Israel. Kakaxakgatli chu kakawani': "Nakj kakgotanun nawakgoy liwa' chu puntsisa nalikgalhkgaskgoy kastilanchaw. Chu alhistalh nakatsikgoy pi akit PUCHINA." ¹³ Okgspulhalh ama kakgotanun pi lhuwa spawa tawakakgolh chu tamakgocha anta ni makxtum xtolhakgoy. Xa puntsisa tasiyu monkgana' xlistilili antani xtawilana. ¹⁴ Akjxni lhakgsputlhi monkgana anta nakj xakaskajni tiyat tasiyulh lulakgsmatanka pokgxni nakj katiyatni. ¹⁵ Akxni ama xkachikin Israel ujxilhi, makgxtum xtalhawanimana: "¿Tukú tama'?" watunin nixtakatsikgoy tuku ama xwanit. Moisés kawanilh: "tama kaxlanchaw tu PUCHINA kamaxkinitan lhaki nawayatit. ¹⁶ Uma wa limapakgsin tu mastanit Puchina: "milisakitkan wixinin miliwatkan lata na makglakaskinatit , akgti lhitro lata' chatunu wilhatit, chunma nasakiyatit: kasakitit tunaka akgchaniyan xpalakata chatunu tiku wilhatit nakj chiki" ¹⁷ Ama xkachikin Israel chuna' tlhawalh: winti lhuwa tiyakgolh winti akjtsu tiyakgolh. ¹⁸ Akjxni pulhkakgolh nakj pupulhkan xa akgtiy lhitro, wanti lhuwa tasakikgolh, nituku ka-akgataxtunilh chu wanti akgtsu tasakikgolh nikatsankganilh. Chatunu tachixkuwitat sakikgolh lhata' xmakglakaskinkgoy. ¹⁹ Chuna' Moisés kawanilh: "Nitiku xlimakgxtakgat uma anta puntsisa." ²⁰ Xlikana watunin nikgaxmatnikgolh ama Moisés. wintiku makgataxtikgolh xlichali, lhuwa lhakgolh chu lakjlhatamalh. chuna moises kasitsinikgolh. ²¹ Watunin ksakikgoy chali chali, tachixkuwitat ksakikgoy wantu xmakglhakaskinkgoy xtaway nakg kilhtamakú. Akjxni snun xchichinin, xmastalhanki. ²² Lakgachalh ama akgchaxan kilhtamaku antaní watunin xtasakikgolh makgtiy xlhakata lhata' xtasakikgoy (akgtaty lhitro) ama kaslhanchaw. Putum ti lhakan xtayana nakj kachikin talhakgsinikgolh Moisés. ²³ Moises kawanilh: "Wa uma tu wanit Puchina: Chalhi xliputum natawilhay tajaxni, tajaxni antani kakgniniyaw PUCHINA'. Kamakgchatit tu lakaskinatit, kamapupitit tu lakaskinatit. Putúm tuna akgataxtuy, lakatunú kawilitit min palakatakan xa lha chalhi." ²⁴ Chunanchu lakatunu wilhikgolh xa la chali, lhata' Moisés kawanilh. Nitukú lakglhatamalh nipar kgalhilh lakjtsu luwa. ²⁵ Moises kawanilh: "Kawatit ama liwat lhanchu, xlakata uma kilhtamaku tamakininin tajaxni xkakgni PUCHINA. Lanchu wixinan nikatimakglhatit nakj katuwan ²⁶ Wixinan na sakiyatit lhata' akgchaxan kilhtamakú, xpalakata akgtujun kilhtamakú na tawilay tajaxni. Nakj kilhtamakú xatajaxní nikatitawí maná ²⁷ Xlikana ama akgtujun kilhtamakú, wintikú ankgolh sakikgoy maná, watunin nitu makglhakgolh. ²⁸ Chunanchu wanilh PUCHINA' ama Moises:¿Nikua akjxni namin kilhtamaku antani namakiyatit kilimapakgsin chu kintastawyaw? ²⁹ Kaujxilhtit, PUCHINA kamaxkinitan ama kilhtamaku ni najaxatit. Chuna' ama akgchaxan kilhtamakú Wa kamaxkiman kaslhanchaw lata' akgti kilhtamakú. Chatunu wixinan milhitolatkan antani wilhatit, nitiku xlitaxtut antani tatakgsa nakj xakgtujun kilhtamakú. ³⁰ Chunanchu lakgchixkuwitat jaxkgolh xli akgtujun kilhtamakú. ³¹ Xkachikin ama Israel mapakuwikgolh ama liwat, "mana". Lusnapapa' xtasiyuw lata' xtalhtsi ama kulhanto chu xtakgalhwanan la xsakawa trigo tulhakgtatlawakan xa sakgsi taxkat . ³² Moises wa': "Uma puchina' tu kalhimapakgsin: kamakitit nakj akgtum xalhu akgtiy lhitro ama maná laki alhistalh tinataminacha naukjxilhkgoy ama kaslanchaw wantu akit kamawin nakj xa kaskakjni titayat, lata katamakgxtun nakj Egipto." ³³ Moises wanilh ama Aarón: "Katiyatit akgtum xalhu chu kamujutit akgtiy litro xla maná anta. Kamakitit xlakatin Puchina laki natakiy tumimacha kilhtamakú". ³⁴ Lhata puchina mapakgsilh Moises, Aarón makilh xalhu xpaxtun xpakglhat xlha limapakgsin anta nixwi xpumakin xa talakaxlaw. ³⁵ Ama xkachikin Israel liwayalh Maná tipuxam kata lhata chankgolh nakj tiyat nix wilhakalha, watunin tawayankgolh lhata' chankgolh nakj xkilhpan tiyat Canaán. ³⁶ Chu akgtum omer litaxtulh akgti litro.