¹ Puxamacaw akgchaxan lata xpuxkujnama Asa, Baasa, puxkú xalác Israel, ti talalakatawaya Judá chú titlawalh Ramá, ni mastalh talakaskin tin t lon nataxtuy asu natanuy nak xakatiyatna xala Asa, puxkú xalak Judá. ² Sampi wa Asa limilh xaplata chu xaoro kilhtin antanix maquinanin chik Puchina chú nak chik puxkú, chu timakanilh nak Ben Adad, puxkú xalak Aram, wanti xlamachá nak Damasco. Wá xlá tiwa: ³ "Katlawaw akgtúm kinpalalsatalsan ,lata xkgalhikgoy talakaxlan kin tlati chú min tlati. Ukxilhti,akit makanininchán plata chu oro. Katalaktlawa min talajkaxlán Baasa, puxkú xalák Israel, la ki piwa xalá nakimakgaxtakga katakaksni." ⁴ Ben Adad kgaxmatnilh puxkú Asa chú makalh xanapuxkún xmakgtakgalhna laki pi natalay xkachikin Israel. Xlakan putsastalakgolh Ijón, dan, bel maín chú putún antá nix makinarín xkachikin xaló Neftalí. ⁵ Chú alh akxni Baasa kgaxmatgli umá, wa xlá timachokgolh wán tú xtlawamaka nak Ramá, ti malakgtlawinalh taskujut. ⁶ Chan chú wa Asa puxku tikalelh putúm Judá. wó xlakan titamakaxtukgol chiwix chú lakchatlanka kiwi xaló Ramá wan tú Baasa xlikaxtlawama nak kachikin. Chan chú wá puxkú Asa wá timakglakaski ama liskujni wan tú xamaka limakikan nak Geba chú Mizpa. ⁷ Ama kilhtamakú Hananí wan ti skujmá lakalh Asa, puxkú xalák Judá, chú wanilh :"Xpalakata wix lipawanita tlák nakxpalakata puxkú Aram, chú ni wá lipawanitá kin Puchinakan Dios, wó xmakgtakgal ná xala puxku xlá Aram tsalanit nak mi makan. ⁸ ¿ Ni wa xwankgonit li etíopes chú li líbios tlanka makgtakgalhnanin lhuwaxnin kgalhikgo putlaw chú chixkuwin ti xkgalhikgo xkawayukan? Xpalakata pi wix lipawanti Puchina wa xlá maxkin tatlaja xpalakgtakan. ⁹ Wamp wa xlakgastapú Puchina ujxiló putum xlikatlanka katiyatna, lakipin limasikan pi wa xlá tliwekge nakx takunikan putum amakgolh wanti akgstitun xnakujkan nakxlakatin. Wampi wix aktotonanita uma nak talakapastakni, uma kilhtamakú chún tú namin, nakgalhiya tatatlaw." ¹⁰ Chan chú Asa sitsinilh wanti kskujnamima; ta maknulh pulachín, wampi wa xla ksitsininit putum túx t tlawanit xtalakapastajni, watiya ama kamakglhit, Asa kalaktlawawililh makgapisin xalák kachikin. ¹¹ Wá uma tux tatlaw Asa, lata xlitsukunit chuná kiliakasputtli, antá talakgsokgtolanit nax xalá libro xana puxkún nak Judá nak Israel. ¹² Nakx kata puxamakaw akgnajatsa lata xpuxkujnama, Asa xkgalhi akgtum tajaktat nakx tantún; wa xtajatta lutlaktuwa xwanit. Ni pala chuna wá xlá ni skilh tamakgtay nak Puchina, xmán nak kuchina xla kattutsu. ¹³ Asa titataknulh xlikitsukut; wá xlá nilh ama kata puxamatí aktum kata lata xwi lipuxkú. ¹⁴ Xlakán makgnukgolh tu xtalawanit xputaknún, wantú xman xtlawanit nak xkachikin David. Wá xlakòn mujukgolh anta tlan xtajuma mujtsu tú lakgsekg si chú kganpakgo tú xlakkgaxtlawakanit limujtsun tlan xkinkalay. Wampi wá xlakán tlonikgolh aktum ihkuyat kani aktum tlanka likajni.