¹ Hiram, xpuxku Tiro, kamalakhachalh xskujni anda ni Salomón puxku xlimaxtokgonit xla xkgaxmatnit pi xlakan xlit; Hiram tiwan xpaxkinit David. ² Salomón malakgachanilh tachiwin Hiram, wanilh: ³ ” Wix kasiya pi David, ki tlhat, ni la tlawalh yacktum Chiki nak xpalakata Puchina xpalakata maktakgalhananin stilili walekgolh, xpalakat nak xlatamat Chi Puchina xkawalima xtasckawin nak xlakan xtuwan. ⁴ Wambi lanchiyu, chi Puchina ki maxkinit tajaxhat xli pocktu. Ni tu taskhawin. ⁵ Chu nak ktsokgsa nak tlhawa yacktum templo xla ki Puchina,chuna la Puchina xackatlilh David,ki tlhat, wanilh: ' Mi kgawasa,ti nakwali mi lakgxokgo nak mi putawilh , natlhawa nak xchiki Puchina nak ki palakata’. ⁶ Lanchiyu, kakamapecksi pi xlakan kakachukuckolh cedro xla Líbano. Ki lakskujni na tamakxtumecko mi skujni, chu yikit nak xockoniyan tu xlilat tu na tlawaya wanita. Katziya pi ni kikalaktanuman ni chatum ti katzi la nachuku kiwi la sidonios”. ⁷ Yakxni Hiram ckaxmatli xtachiwin Salomón, xla tlan paxuwalh chu wa:” Tasikwalhnatlaw chiyu Puchina, ti maxkinit David chatum xckawasa nak yuma kachikin”. ⁸ Hiram malackachanilh tachiwin Salomó anda ni wan: “ Yikit ckaxmatnit tachiwin tu kimalackachani.Yinit nak maxkiyan pocktu xkiwi cedro chu cipre lantla kalakaskindi. ⁹ Ki skujni na maktecko kiwi la Líbano asta nak pupunu, chu yikit nak katlhawani putacitnu nama na yankgo anti ni wix naki wanita. Yikit nak pakglha putacutni yanda,chu wix mackat nakalipina.Wix namalalocka ki mapeksin yakxni na kamaxkiya liwat ki limakxtum”. ¹⁰ Chuna Hiram maxkilh Salomón pocktu xkiwi cedro chu abeto la wa lakaskilh. ¹¹ Salomón maxkilh Hiram yakgpuxum mil ktapulhkat harina xlaliwat xla xchiki chu yakgpuxum xtapulhkat aceite. Salomón maxkilh yuma Hiram cata cata. ¹² Puchina maxkilh liskgalala Salomón, chuna la xwaninit. Tawilalh yakgatsiyanka la Hiram chu Salomón chu tlawakgolh yacktum pacto. ¹³ Puxku Salomón tliwkge kapusalh tasakwa xlak Isarel. Lakskujni puxamakaw mil lakchixkwin xwankgo. ¹⁴ Xla kamalackachalh nak Líbano, yakgkaw mil nak yackatunu papa.Yakgtum papa nak Líbano xwilakgo chu yakgtuy papa nak xchikikan.Adoniram xkuendahlhanit tama lakchixkwin ti tliwkge xskujmakgo. ¹⁵ Salomón xkgalhi tutumpuxumakaw mil ti xliyankgo takuka chu tatipuxum mil ti xkanankgo nak sipi, ¹⁶ Chu yakgtutu mil yakgtutu kitsispuxum ti yakgstiliyanankgo Salomón ti xkuendahlhakgonit taskujut chu xkaskgalakgo skujni. ¹⁷ La xmapekgsinanit puxku, xlakan tiyakgolh laktlhanka chu xalakwan chiwix tu xlitlawakgo xyakgxkgolh xchiki Puchina. ¹⁸ Chuna, xskujni Salomón chu xskujni Hiram chu gebalitas tlawakgolh tachuku chu kactlhawakgolh kiwi chu chiwix tu xlitlawakgo templo.