¹ Jipi Booz omoli echona iyechi ali echona asibali. Sapuka, echi rijimala nili mulipa echi Booz yuga bino raichali ni mulipa yuga. Booz je anili: "Nije apanero, ni muliwi, ali asa jenai.'' Jena rijoi muliwali ali echiriga asibali. ² Echiriga Booz juli echi makoy ralamuli echi ocherami echona siurachi ali anili: "Asaga jenai." Echiriga echi aboni ni muchubali. ³ Booz je anili echi rijimala ni mulipi: "Noemí, mapu echi ku nawali echona pais Moab, jena ralinewa echi kawi mapu echi niwali nili tamuje rijimala Elimelec. ⁴ Nije natini mi ruyemoria ali mi anemoria: 'Rala ni bachami echi yuga mapu echi muchuware jenai, ali ni bachami echi ocherami yuga echona pueblochi.' Yena muje echiriga nakisami ralime, ralisa. Ali echiriga ani, mapuriga nije machimeni, mapuriga ke niru auche bile ralime mapuriga muje, ali nije ju muje nisa.'' Echiriga echi auche bile rijoi je anil: ''Nije a ralime.'' ⁵ Echiriga Booz je anili: "Echali rawe muje ralisami echi kawi echi sikalachi Noemí, ayenacho jusami echi Rut echi moabita,echi upila rijoi mukuwami, mapuriga ke wikami echi rawala mukuwami ayenacho echi niwala.'' ⁶ Ali echiriga echi rijimala je anili: "Nije ke amera ralaya nije binoi jiti mapuriga ke ikama nije iniwala. Muje jusa echi nije niwali raliwami mapuriga muje binoi jiti, ali nije ke omerani ralaya.'' ⁷ Jipi jena ju echiriga olowami mapuriga chabe echona Israel karatami echi raliwami jena raliwami jena nakulikuami echi niwali karika . Mapuriga anirutami nima karika echi karuniti, bile rijoi iyeli bile karachi ali iyali auche bile mulipa bitemi; jena ju olarami mapuriga olarami ni kalaratami echona bachami Israel. ⁸ Echiriga echi rijimala je aneli echi Booz: ''Rala muje binoi jiti.'' Ali echi iyeli echi karachi. ⁹ Ali echiriga Booz je aneli echi ocherami ali karika echi ralamuli: ''Yemi ju inemi jipi mapuriga nije ralali karika mapu iniwali nili echi Elimelec ali karika echi niwali Quelión ali Mahlón echi sikachi Noemí. ¹⁰ Echi jiti Rut Moabita, echi upila Mahlón: Nije ayenacho nakiye nije upila ni'ima mapuriga nije omerama echi rawala jiti mukumi mapuriga echi niware rawala ke chakena parami nima echi rijimala yuga ali echona iyechi chukuchi. Yemi ju ni machi jipi.'' ¹¹ Suwa ralamuli muchili echona iyerachi ichi ocherami anili: ''Tamuje ju rum. Echi onoruami niwali bile muki bakila echona kalirali ichi Raquel usuli inea chukuli ockua niwali kali ichinili Israel. Nijeko buyema echona Efrata echirika ku wikawarami echona Belén. ¹² Echi kaliko nimare japi iri ju kali Fares niwali churika nijali Tamar echi nae Juda, nasipasi echirika ocherali kuchi ONORUAMI nijili mapurika ocherali kuchi kuriwi.'' ¹³ Echirika Booz nijili Rut, echiko najitali bile apaneruali. Echi rijoi kochili muki yuka,echi rijoi ko nakili muki ropeami nima, echali yarami nili bile taa muchi. ¹⁴ Echi muki jea anili Noemí: ''Echirika ONORUAMI nijili we kanilika kuwirali, kemi riwema kie ite muje rijimala mulipi, echi muchi. Riwali bile we bayoami echona Israel . ¹⁵ Echiko muje niwali ju kalartami mapurika ocherami ju, muje moolila ju, mi we kale, chika ju mapu muje nama gala echi kicha kuchi ,nijali bile nae.'' ¹⁶ echirika Noemí ujuli echi ta towi, ali utuli ali rikali binoi sikachi, ali tibuli echi ta towi. ¹⁷ ali echona mulube pireami, ali ucheli bile rawala, je anika:'' Bile ta towi nawarli echi Noemí. ''Echi aboni riwali Obed. Echi inili onola Isaí, mapu inili echi David onola. ¹⁸ Jipiko jena inili echi rijimala mapu echi Fares: Echi Fares inili echi Hezrón onola, ¹⁹ Hezrón inili echi Ram onola, Ram inili echi Aminadab onola, ²⁰ Aminadab inili echi Naasón onola, Naasón inili echi Salmón onola, ²¹ Salmón inili echi Booz onola, Booz inili echi Obed onola, ²² Obed inili echi Isaí onola, ali echi Isaí inili echi David onola.