¹ Echi Fariseos alí uchue jare osami mapu osami mapa silí echona Jerusalenachi echomi saweki'e napawili Jessús (Jesusi) yu'a ² Echi ka a riwali mapu Jesús (Jesusi) yu'a nojatame a ko'ali echí paní chokame sikakeka, na ka jú, ké panikisa. ³ Chú rikaria fariseo miná suwaba juriwisi, ke ko'a we má ane alá panikasaka sikala abé; echi ka a né chabé pireme nira'a ola abiji. ⁴ Mapu alí echi Fariseo echona rali nekuachi, jonsa sisa, ki'e ko'a we ma ané alá panikisa ka abé. A bile ololila ja wabe mapu rika we ne olarika olowame, mapu riyarika echí namuti ro'oka bajikuame ne paba kisa. ⁵ Echi fariseo li mapu si osali rukeli Jesús (Jesusi): "¿Chá rikaria mapu muje yu'a ená kie oloká noka mapu chabe pireme olali, echi ká o ko'a pani kie panikisa sikála. ⁶ Alí veani: "Echi Isaías (Isaiasi) jerika a nili mapali echi tiemi we chati anili alí binoi osali: JENA RALÁMULI RAICHAKA A NILI BINOI CHUMULACHI, ALÍ BINOI ECHONA PACHANA ATI WE MIKABE NIRA JU TAMI YU'A." ⁷ Tami aka bile nowajikame bineria nulaliwami bile rijoi nula mapurika binoi naki. ⁸ Emika wanapa echi Onoruwami nulala a li tiemi we iweami chapi mapurika bile rijoi naki. ⁹ A li echi jeaneli: "¡Tiemi ne aboni ke nirá Onoruwmi raichili nulula. ¹⁰ A li echi Moisés (Moisesi) jeanili 'ne kala nijeliwami a li muue yela a li mapu raicha siti nira binoi onola jiti a li echi yela mapali echirika ne mukuwami nira nima. ¹¹ A li tiemi jeani: "Mapali bile rijoi a li jeanesa binoi onola a lo echi muje yela mapurika kuwira a li nare tami jiti a lo echi Riosi nira ililiwami. ¹² A li tiemi makié nakiwa mapurika olali binoi onola a li echi yela. ¹³ Machí ilulisitili wika rile bitemi niwila iwiga a li wii uchelti a li kusauili wika nayukami. ¹⁴ Echí bino'i aché siné nira'a bayeli suwaba ralamali li jeanelí: "Suwaba tami alá kipasi li namisi'. ¹⁵ Kié biri té uché bile echona machi mapa omeríma bakía echona, mapu rika choname niwama; mapu alí binoi, nira'a machinsa echika a choname niwa echi rijowí. ¹⁶ Mapu jaré ralámuli a nakeko, mapa namipa á akema. ¹⁷ Mapa ali echi Jesús (Jesusi) ku riweli suwaba ralamuli a ka bakila bitichi, echi mapa bino'i binerilo rakeli bile raichali chabe niruame o riwame. ¹⁸ Jesús (Jesusi) jeaneli: ¿A timi bijí kié nami ka noka? ¿We kie ritiwa tiemi kie omera bikia bilena rijowitili mapa alí echi Jesusi ya'a inarisa, ¹⁹ chu rikaria kie baki echona sulalachi, wechi kié omera muje ropalachi bakia li ku machinima bilena mapu oná isilawa?" Lí jerika anika Jesús (Jesusi) kú biwali sueaba ko'ame. ²⁰ Echí jeanili: "Echika jú mapa machina bilena rijoytili mapa chonarame nima. ²¹ Né pachana nirika bilena rioytili, né sulachi nima namita chatí nata'ala, uche bile rijoi yu'a kochiwame, chikoluwame, miliwame, ²² ucheho bile mukui nenuwami wé koru kuami, we chiti, chati natili, nikaweliwami kaleka raichalua, bile nira, we nochuami, we rasimi. ²³ Suwaba jw'na chiti namuti pachana sulachi jona machina alí echi jú chubi rika nataria tamuje ralamuli. ²⁴ Jesús (Jesusi) ko chona jona wilisili, alí simili mi oche bilencho Tiro riwechi alí Sidón, bakili bilena kalichi alí ke nakili mapu machibo echo ná atiya echiko ke omerali chinasia. ²⁵ Alí we sapu bile mukui bile tá tiwe ranemi, alí echi niw'ami nili bile iwika rile bitemi niula niwami namili echi nira, naweka wichili ronolachi. ²⁶ Jipiko echi mukui Griega nili, alí Sirofenicia ochermi, alí echiko né risua'anili tania mapu mina pama echí chati rile bitemi niula iwaki echi ta tiwe. ²⁷ "Alí echí jeaneli" ariwe, mapu kuchi bacha posama ké alaka rime kuchi kowala awasa kochí." ²⁸ We echiko ku nijekua je anili: "Yena á chirika jú" we ariká echi kochi co'wa rujimi rale pacha namuti amanalchí, mapo ona rujuni echi kuuchi ku'wachi. ²⁹ Alí echiko jeanelí muje echirika aniyanpa, maku simika. Echi chati rile bitemi niula iwika maku machinili echóna pachana mujue ranala chi jonsa. ³⁰ Alí ma ku bitelachi simili alí ma riwali ranala ta tiwe echomi "pechi" kili bu'wimi mapu rika má mina ku machini la pa echi echi rile bitemi iwikala ³¹ Alí Jesús (Jesusi) ko echiko machinilí bilencho Tiro anilichi alí nawali mi jami Sidón mí bilencho machinili lí bo'omi bawichimi Galilea alí bilencho Decapolis. ³² Alí jareko palí bile ke namamí alí ke omerami raicha, alí ni amonika taniwilí, mapu sika uchema. ³³ Jesús (Jesusi) wana tolí, ke wika ralámuli yua, alimá wana tosa bino makusuala nakachí chelí alí kachiplí ma chameluala chelí alí maku raichi we ala. ³⁴ Alí ripa inalí walu iwilí, alí jeaneli ¡"Effatá"! ("¡Iripa!") je aniwami jú. ³⁵ Inewi nakala kú irapitami nili, alí mapu chameluala bulerami niili ku mina pasuwilí alí maniku ala raichali we alara. ³⁶ Echiko nulali ke wesi ruyenila alí ke nakiwilua, arika mincipi kenakisiwa minabi nawesali. ³⁷ Aboniko wa natika tibili je anika mapu echi we ala alalí, alí olali ku ke namami kú mamitia alí ke raichami ku raichatia.