¹ Mapurika Jesusi binerka sili. Ali echi anili: ''bile rijowi ICHALI ECHI UVA, NA ERKA WILALI, LIRALE JORLI. Na niwali walu kali nekuame niraka li ku kajunareme niraka nili echi karka ichirutame echi uva. Li minami simili. ² A ne chali nawaline, li juilka olali echi nochame jopurika narema pi kua echi wakili. ³ Li echi chapika nokuali, na ipisorame nili,na ta pi virri toka ku julalti. ⁴ Ali chubile ju'uli echi nochame,na mo ochi ipisotame nili ne riwel arame niraka. ⁵ Na chubile ju'ulka sili nali echi ne milarame nili. Abowi choloka nokuali echi chujare ralamuli chio ,jare ipisoka na jare ne milaka riweka . ⁶ Echi chubile rijoi niuli julakuame niraa,echi binoi ranala jopi we kaleli. Echi nili ma ne juba niraka jularame. Mapurika anili:'' Echi kie virri olamire nije ranala.'' ⁷ Na echi nochame nakupi raichika nokauali:'' je na ju ne karka niwame. Kina simasi ,ma milibo,na karka tamujelia nimire.'' ⁸ Echi aboi chapili, na milali, na machimna pali mapona echirume ju echi uva. ⁹ Wenalina, pirri olamaba echi niwame jopona ichirume ju uva ? binoi ku nawaka kajunamire echi ichame mina ama chujare uva. ¹⁰ Kie leyeritmo echi usuli:' JENA RITE, JOPI ECHI NIWAME KIE NAQUILI, NIWARAME JU ECHI RITE CHUPILAME. ¹¹ JENA RIOSI JITRI NIRAKA NAWALI, MINA JU WE SUWETY TAMUJE BUSILA.'' ¹² Abonika Jesusi chapinarika nokuali, we nali majaka nokuali li wika muchularia, li echi machika nokualaria echi jitri nira ra'ichalta. Li pi chirika riweka nokuali na ku simibili. ¹³ Na julka nokuali echi jare Fariseos li echi Herodianos, jopi rika siwi ilutame nima pi raichika bi. ¹⁴ Ma sisa, je aneli: '' Binerame, tamuje machi kie niraria mapu chu jare raichala anime, mina neka choiri ju echi ralamuli. Muje ne bichiuli niraka kala bineri echi Riosi raichara. ¿ A ala ju echi aba jopi César niula ju o kie tasi kala ju ?'' ¹⁵ Binoi Jesusi machili charika niraa raicha ichula, li je aneli:'' ¿ Chorikaria tami wikasa naquitmo ? kinato bile onomi biwarame jopi rika nije inema.'' ¹⁶ Aboniko toli bile bile echi Jesusi. Ecji jeaneli :'' ¿ Chikalia ju jopi echona chuku na choiri ju ?'' Li echi je ane: César .'' ¹⁷ Jesusi je aneli :'' Li a echi jopi César niula ju, na Riosi niula Riosi ku a .' Li echi ne kanilka ripili echi Niraa. ¹⁸ Echi Saduceos,echi jopi ani kie tasi niruria ku owinuame, nokoka nokuali Echi yuka simibia. Na rukueka nokuali, je anika:'' ¹⁹ Binerame,Moises osoka sili tamuje niraka:' LI MUKUSA ECHI BILE RIJIMARA LI RIWESA ECHI UPILA JUBAKA, KIE TASI BILE RANALA YUKA , LI ECHI RIJOWI A ALA NISARE JOPI ECHI CHUBILELA RIJIMARA YUKA UPESA NA BILE RANELMA BINOI RIJIMARA NIRAKA.' ²⁰ Li niruli kichao rijimara; echi bacha juli binoi upila li muki echi mukuli, kie tasi bile ranelka. ²¹ Li chubile juli lii mukuli , ke tasi riweka bile ranala. Li echi ma ne jubaula chikorika. ²² Li echirika kie tasi riweka nokuali jare najiremika. Li ma ne juba rawe echi muki ma mukuli. ²³ Li echi ku mochussa, li ma ne chesine ku muchussa, choiri nimire echi upila? Li karka ne upila niraka nilapa. ²⁴ Jesusi je anili: ke je na ju mapurica tiemi ke ala niraga nili, japirika ke machime niraga ju tiemi echi binoi Riosi raichala ali binio Riosi omerrola? ²⁵ Mapuli echi jarre ku jawasarrame ju echona suwime niraga jonsa, ke sine kuneme niraga nima, ali ke sine kunertame nira arrame nima; a pirika abowi ga ju mapirika riosi capitanuala echona riwigachi. ²⁶ Suwime niraga rraichaga ga, mapu ku jawasarrame ju, ke leeritumo echi osuli Moises niwala, mapo na raichiga ani echi sawa rajiname, mapurika Riosi raichiga anili na aneli: 'NIJE JU NE WALUBELA RIOSI ABRAM NIWALA, NE WALUBELA RIOSI ISAAC NIWALA ALI NE WALUBELA RIOSI JACOBO NIWALA.'? ²⁷ Echi ka ke ju Riosi mukume nira echi ka ne akame nira ju. mapurika tiemi ka ke ala niraka ichuwa. ²⁸ Ali bile osame nawali na akeli na'awa anika jarrame; ali binowi ka riwali jesusi ala nijewaka ani'me. ali binowi ka rukuga anili: " ¿Chu wirri nularame ne wabe nateme niraga ju?" ²⁹ Jesusi ku nijewaka anili: "ne wabe nateme niraka ka ju: AKEE, ISRAEL, BINOWI RIOSI KA, NE WALUBELA RIOSI, BINOWI RIOSI KA NE BILEPI NIRAKA JU. ³⁰ TI'EMI KA NE ALA KALESI ECHI NE WALUBELA RIOSI NE SULALCHI NIRAKA A LI NE ALIWALACHI NIRAKA NE ALA NATILI JUTIRI ALI NE WALOLA JUTIRI. ³¹ Okona chokeame nololiwame je na ju: ' TIEMI KA KALEBARRE CHO JARRE MAPURIKA ABOWI NIRAKA JU.' ke te chu bile nolaliwame ne wabe nateme niraka mapurika jena." ³² Mapo osame ju je anili: "ala ju, mujue binerrame! ne bichiwa niraka animo echi RIOSI NE BILEPI NIRAKA JU ALI KE CHU BILE TE MAPURIKA ECHI BINOWI JU. ³³ NE SULALCHI NIRAGA KALEBARIA ALI NE ALA MACHIGA ALI MINA NE WALO'LATI ALI CHE JARRE KALEBARIA MAPURIKA TAMUKUE ABOWI NIRAKA, ne wabe nateme niraka ju mapurika bile namuti akame miliga olaya ichulitumo." ³⁴ Mapu li Jesusi akeli ne ala niraka nijewalaria, je aneli: "mujue ke mika mi ati mapurika mi sabama echona Riosi bitelchi." ali echona jonsa, ke uche bile rukuka anili. ³⁵ Ali Jesusi nijewali, mapuli binerika jarili echona Ruisi kalachi , ali je aneli: " chorikaria echi osame je anika eni echi Cristo echi Davi ranala ju? ³⁶ Davi binowi abe, ne riosi iwigala niraga, je anili: 'ALI BINOWI KA ANIKA ANELI KU BINOWI: ASIBI NIJE SIKALACHI MAPU OTONA JU, ECHALI JONSA MAPU LI MUJUE SALLELA MA RONOCHI NIRA ICHUWA.' ³⁷ Davi riwaga ani echi Cristo riwala "ne walubela Riosi", chorika niraga ju echi Davi ranala nira ju? eli echi wikabe ralamuli ne ala kanilika nira akeli. ³⁸ Mapu ali Jesusi binerika sili je anili: "a la naka echi osame jitiri, mapu ne ala ka'riweka inanlame ali mapu naqui ne ala sucuirtame niraka nima mapu mi illena re, ³⁹ Ali ne ala asilchi niraka nakime echona ro'obachi karre, ali mapu mi ne ala welpala muchuware. ⁴⁰ Ali abowi ka wika niraka tana ichule mapomi echi mukui ma ke kune'eme pirre ali ne karika nirraga chikolla ichuli mapu niru echona calirli, ali abowi ka ne ala niraga olame niraka ju mapurika ne wili niraka tani. je na ralamuli ju mapu ne olu kastiko niraga narema. ⁴¹ Ali Jesusi asibili echona bachami mapona echi muchuwakuwi echi mapu Riosi niraka akuame ju echona pacha Riosi calilachi; binowi ka inena asali mapuli echi ralamuli muchuwi echi mapu riosi akuame ju. wikabe ralamuli mapu we niwame ju ne wikabe niraka muchuwi. ⁴² Ali che bile mukui nawali na muchuwili okua onomi biwarrame mapu okuaniga pi kua nateme nira nili. ⁴³ Jesusi bellega sili mapu lluga lleni na je anili: "ne bichiwa niraka jene'ani, je na mukui ne wikabe niraka muchuwili ke jopirika echi wika niwame. ⁴⁴ Mapurika echi wika niwame pi kua niraka muchuwili ke nopirika echi mukui ne karika muchuwili mapu pi kua niraga niwili.