¹ Jubami aliko echi Jesusi suhuenli karka ane chukili echi pakotami bakili echona Capernaum. ² Jipi bile sontarsi winilil bile anochartami, mapu binoi nili bile we kalierami echi jiti asali we nayuka mina ma mulupo mukumé riweli. ³ echali echi sontarsi anamali echi Jesusi nira, julali echi pakotami we ocherami echi Juriosi, tanika ki nawanla bina ku sawanla echi anochartami. ⁴ echali echi isili Jesusi yuwa tanali we risua anika, jeanika:¨binoi ayena risens ju mapurika muje ku´wirma jena jerika oloka ⁵ mapujiti binoi kalie tamuje mapu iki juriosi ju ali ayenacho niwali e echi kali mapona nawajibo tamuje¨. ⁶ echirika Jesusi simili echi yuwa. chopi ma mulube iniark echi bitelchi, echi sontarsi juli jare mapu iki yuk kanilami nili mapurika anesia: ¨Wa´lula Jesusi , kie mukumuenlin, mapujiti nije kie kalil kie kala ju mapirika muje nawama akina. ⁷ jena jiti kie omerkin nawa ni kala nira mapona muje ati, chopi bilepi ra´ichali ani ali nije yuka onochami ku sawerami nima. ⁸ mapujiti nije ayenacho jare jiti nulekuami ju, auche jare sontarsi tami nijewika ola. jerika ane nije jena: ¨simikia¨, echi binoi simi, ali auche bile, ¨akina simi¨, ali binoi akina simi , ali tami yuwa nochami, ¨jena ola¨, ali echirika ola binoi¨. ⁹ Mapali Jesusi namsa jena jiti, we kanili echi jiti ali mina jeaneli eci wika pakotami mapu najatsia isirli jeaneli: ¨nije jeane yem, kie sine riwuakin echona Israelchi bile rijoi jerika bichiwami¨. ¹⁰ Ali echi mapu juluarami nili ku ro´wili, aboni riwali echi nochami ma ku sawarami. ¹¹ Jonsa sine rawe Jesusi simili echomi Nainchi aniliwachi, a li echi bineami ali echi wikabe pakotami simibli echi Binoi yuk. ¹² Binoi echi nira inarli mulubemi iyechi mapu echona jare rijoachi, jena´i, bile rijoi mukukami apertami nili, echi binel nili mapu echi muki raneli (mapu inili bile muki kie kunuem), ali echona muchuli echi wikabe pakotami echona pireami. ¹³ Mapali echi Wa´lula Jesusi riwisa,wabe simirra natimaka o´monali echi muki jiti, mina jeaneli: ¨Ketasi nala.¨ ¹⁴ Ali binoi muwenali mina chapili echi kajoni mapona iniarli echi mukuami ropokala, ali echi mapu mutuka isirli kili jabli. Binoi anili: ¨Ra´mali, muje mi ane, iliska¨ ¹⁵ echi rijoi mukuami ku asisali ali mina owinali raicha ali Jesusi ma ku iyali binoi eyela. ¹⁶ echali jonsa sineami we majali, waminabi owinali nawajina Riosi, jeanika: ¨Bile walubela Nawesami nawali akina tamuje yuwa¨, mina ¨Riosi ayena tibuli mapu iki najati¨ ¹⁷ wikabe pakotami waminabi auche jare ruweli Jesusi jiti mina chijali karka buchuwina echomi Jureachi mina echomi mulube ipireami. ¹⁸ Echi mapu iki Juani yuwa bineami nili kara ruweli echi binoi kara su´waba jena namuti jiti. ¹⁹ ali Juani bayeli okua binoi yuwa bineami mina julali bbino jeanika: "¿muje ju mapu nawamare, o buwebore auche bile?" ²⁰ mapali aboni mulubesa Jesusi, echi pakotami jeanili: " Juani echi pakoami, tamuje jularamiju mi anesia: ¿muje ju mapu nawamare o buwebore auche bile?" ²¹ echali hor inarachi Binoi saweli wika ralamuli nayukami mina mapu iki we risúa inilka pirieli ali mina kie kala aliweami, ali mina wika ralamuli kie machilami iyali ku machilta. ²² Jesusi ku nijewali ali jeaneli: " ali inarsa waminabi echona binoi buwelchi, ruwebsi echi Juani mapu riwali mina namli. ralamuli kie machilami ku machilami ju, ralamuli kie omerami jasia ku owini simiba, echi buwa aname ku bi´wiami ju, ralamuli kie namami ku anamami ju, ralamuli mapu iki suwika biti auche sine ku iwinli, ali ralamuli mapu iki we risuati ju, we simati raichali yarami ju. ²³ kala ku´wirtami ju mapu iki kala tami bichiwi mapu iki oloa nije. ²⁴ minami nira mapu ra´ichali towami ali Juani ku simili: Jesusi owinali ane ali ke wikabe ralamuli mulubemi juani nira: ¿pir inesia simibkitm echona akicheachi?¿bile waka we iwek asaprami echi ikia jiti? ²⁵ chopi ¿pir inesia buwakitm? ¿bile rejoi napachali we suwet? inesi, echi mapu we nateami ali we nateachi piriem, echona wal kali niruachi echi walubeala pirelchi niru ²⁶ chopi ¿pir asia simibkitm?¿bile Nawesami? ayena, nije mi anema, bile nawesami waminan simirka. ²⁷ Jena ju mapu jiti osorutami: ¨"NIE, ATI NIJE BILE RA´ICHALI NAWESAMI BACHA JULA, ECHI MAPU KALARMA BACHAM ECHI BUWE." ²⁸ Mi ane, jare ibil mapu iki pirieli, kie wesi ju minian walula echi Juani yuk. kiecho ech mapu pe kuchipla ju echona mapona Riosi Walula ju, kie minian walu ju." ²⁹ echali echi karka echi ralamuli anamsa jena jiti, ayenacho echi wanomi nipiami, anili mapu Riosi we kala Ju, aboni ma pakotami nisa echi Juani jiti. ³⁰ chopi echi Bariseosi mina we natami kie nirali echi napu osiruta a ti echi Juriosi nulalali. ali kie nirali echi Riosi nulali aboni nira. Mapurika echi aboni kie pakotami nili echi Juani jiti. ³¹ Ali Jesusi jerika si anili: "¿chu rika muchuwi ti'emi mapurika jipe pire lluga? nije ti'emi je ane: ³² tiemi ka ju mapurika kuuchi kuruwi mapu ri eka echona mapona ala ri etere. Abowi ka ku riwaka ane abowi ku, je anika: "¡tamujue ka simegi bile nawoji bile baka'ti ne kala siweriame mapurika ti'emi kipupa, ali ti'emi ka pi ke tasi awi!. ali ta mujue ka nawajiki ne wabe siweriame, a li ti'emi ka ke bile chu binili ali pi ke nalalitumo." ³³ Echi Juan el Bautista ke pani ko'oga nawali ali ke uva bawila bajiga, na ti'emi ka je aniga ena: "Echi ga niwa bile aliwa chati." ³⁴ Riosi Ranala ka nawali ko'oga na bajisika na ti emi ka pi je ani: "¡naa, je na ju echi rijowi mapu ne walu niraka kowa ali pi bile rukuli ju, mapu echi namuti ne bacha jawame niwala napabume ju lluga napawime eli echi chati siti olame! ³⁵ Mapurika Riosi machi ga ne ala niraka riterrame ju mapu ne Riosi bichiwe jiti.'' ³⁶ jipi ka, bile fariseo balleka sile echi Jesusi mapurika lluga komeria. ma Jesusi bakisa echona pacha bitichi echi fariseo bitelichi, ali asibili echona mesachi ma komeria. ³⁷ Je nai, bile mukui niruli echona arialchi mapu ne welabe chati olame nili. mapuli echi machili Jesusi echona echi fariseo bitelichi atikaria, echi ka pali bile sokoli riteti niwarame wi'i ne suwerika jukame mani'ime. ³⁸ Mapuli jubaka okua ilibili mulube ronolichi, nalaka, ali echi owechili Jesusi ronola samechia binowi bukuwati. na ku wakichewili benowi ku kupalati na chumuli echi Jesusi ronola, ali wicheli echi wi'i ne wabe simati jukame. ³⁹ Mapuli echi fariseo mapu Jesusi balleli riwali je na, binowi ka natili binowi niraka jitiri ku, je anika: "je na rijowi nisa ka echi mapu ne Riosi jiti nulerame ju raichanala, li ka binowe ka machimeree chika na chu wiri mukui ju maputi nochakua, benowi ka machisatere echi mukui ne walabe chati olame ju." ⁴⁰ Jesusi nijewali na je aneli: " Simon, nije nimi bile namuti ni mi ruwemare." Echi ka je anili, "¡Ani, mujue Binerame!" ⁴¹ Jesusi je anili: "Bile rijowi namuti tanewika niraga nijame niwili okua mapu echi wikeli. bile ka wikali mali siento onomi biwarame na uche belela ka malisa makowi onomi biwarame. ⁴² Mapuli echi okua ke ompebili nateta, mapu tanewili ka ku okuanika ku wikawika olali. ali ru, ¿chu wiri ne wabe kaleka olama?" ⁴³ Ali Simon ku niwika je aneli: " nije ko malle mapu ne wikabe niraka wikeli ku wikawili ali." ali Jesusi je anili: "mujue ka ne la niraka ani.'' ⁴⁴ Ali Jesusi ta mukui niraka raichaka je aneli Simon: "Amo ritiwa je na mikui. nije ko simirriki pacha mujue bitelichi. Mujue ka ke tami bawi aka olalimo mapurika ni ronobakima, mapurika je na mukui ka binowi bukuwalati tami ronobaka olali ali kupalati ku wakichewili. ⁴⁵ Mujue ka ke tami chumili, mapurika japi jonsa nije nawali, jena mukui ka ne ke isabaka tami ronola chumi." ⁴⁶ "Mujue ka ke tami ro'oka olalimo nije mo'olachi echi wi'i mapu ne simarika jukame ju, mapurika je na mukui ka tami wicheka olali echona ronolachi echi wi'i mapu ne sima niraka jukame ju. ⁴⁷ Japurika jeni nimi ane, karika siti mamuti, mapu ne wikabe niraka ju, ku wikawarame nira'a ju, mapurika echi ka ne simarika nakili. Mapurika mapurika echi mapu pi kua niraka bikawarame ju ka, pi'taa niraka nakime ju." ⁴⁸ Ali Jesusi je aneli echi mukui: "karika siti namuti mapu olalimo ma ku wikawarame niraka ju." ⁴⁹ mapu echona si muchuli ka napawipika owechili je anisi'a abowi jiti ku: "¿Chika ju je na mapu abiji ku bikawika ola karika siti namuti?" ⁵⁰ Ali Jesusi je aneli echi mukui: "Mapurika mujue ne bichiwili Tami jitiri, kuwirtame niraka jumo Riosi jiti. we kanirika ku simika."