¹ ¡Matsia pacapa njaji pitsapatoni pjipa naco, pjia talricanati yenipe íito! matsiadalrica jliajipiiwalre, cayoji pacapan apada idejicada owirro sho inaitja capisho. ² Matsia matojledaca jliaji pimotsi cayoji pairra carroapa sho pakjandalri jaicotjeda iana matsiajai sho; Matsiadalrica wawa icapacana njite matojledani cayoji trigo inaná napapinda panacope. ³ Njite njaji píini, cayocana yamana nérri yenipe sho, yamana nérri iñjacape potirapji ricó. ⁴ Matsia jalripaca jliaji pinorro cayoji njerrenta yenon jiipada marfil sho; njite njaji cayoca njaji pitji nacayosho njaji ooni yárronape Hesbón Iricope, Bat Rabim ipananoma icodapiperri. Njite cayoca jliaji pjitaco jiipada njerretanda yenon Líbano Iricoda, jliaji icapalri Damasco ikjaolre. ⁵ Cayoca jliaji pjiwida jiipada Carmelo sho; matsia íitaca njaji pitsicolre pjiwida nacope. Matsiaperrica njaji pitsicolre niini corrin yami talricati icapajica narso. ⁶ ¡Matsia pinaikica njite picapacana tsakja, pjia noyarroma cayoji pinaitja capisho! ⁷ Iricoa jliaji pjiwalripaca njite mayacan piemacawa cayoji manakjepi iema capisho, njite cayoca pacapaca njaji píini nainaco shotsa. ⁸ Niini noaco nowaopiaca:"Noma njorraca jliaji manakjepi; njopacawatsa matsia Irinanapi naco." Npmantsa cayoca nja píini uva inaca papocoperri sho, njite pomenica pjitaco íitan cayoji jémalri íitan sho. ⁹ Njite pinoma ijoica cayoji jaicotjeda iana sho, imotocadawa tacalricotsa nomanda nomanda irso, njite narrocawa wanoma naco njite wetsa naco tsakja. Caaco rsoaji inarro romanda irso. ¹⁰ Nomanda iyarromaca njoa, njite Irioma matsina njoa. ¹¹ Pino noinai nomanda, pino waawemaji awacada Iricojle; wácarro wemáa nirse. ¹² Depi toatsa wacafiawa wácarro wapaniapji Iricojle; wacapaotsa coaje kena kewicana, namjecoaca cadawa njaji neewi, njite wacapacarro tsakja kewi kena njaji patilla. Icatsa nirse nocada pipeyo njoa. ¹³ Jliaji jaico pomenidalri mandrágora-dalri íipitana Iricadaotsa; njite Iripananoma irico jliaji waalri nirse niini aima paniati ioyawaca paiñjanipe, matsiaperri noniwaji, walripe njite opiperrina, nomanda irso.