¹ Njoeweninawa nopaniapji ricó, nokitsidoa, noyarroma;opina nokewita jliaji nopomenica mirra pipomenica sho. Noiñjenina nomapan Iriarroda fie, njite norrenina jliaji jaicotjeda iana noyadape íniati fie. Caacoca njaji nakitsiñapeji narso: iñjena, nokitsinda; írra idewanácaerro ipeyokjeti sho. caacoca rsoaji inarro yempeti toa rorsowaacatsa. ² Nomaa cádanaco, mitsa nocafiacawa njotapon ricó. Njomi coajica noomanada iwanaca, iriaco:"Pimjeco noicao, nokitsidoa, noyarroma, pjia nópirra tsotsobo, noyarroma imatsiaca, ima potsiaca njowida tiñajlí sho, niini potsiaca pjiomi notsicolre dépi jipeca sho". ³ "Njotaca noyawao notsayan jalripadalri.¿Corri noma njoetaca tsenacana?. Nocotsoenina njoipa; ¿corrinatsa noma nocaopitjatana?" ⁴ Jliaji noomanda Iripataca Iricapi sho pantinoma ipecolrico jlitácarro jliaji Iridana njite catima nocaolre yanjiacacawa irikjaote. ⁵ Njite njonico noemawa nomjecócarro pantinoma nomanda irso; nocaapi njite nocapjiwida nakjoite mirra pomeniajaipe itopjiawa nomjeco cádanaco pantinoma. ⁶ Njomjeco pantinoma nomanda irso, mitsa jliaji nomanda oopi iricabocoa irida nooya. Icamitsa inonaca njoa; corritsa kjaidaca njoa. Noatja nomani, mitsa corrinatsa noketani; nowanani, mitsa corrin jliepa njoa. ⁷ Njaji iwapacape yacalre irioketa njoa; nainoeta njoa njite nanaitja noyaoniwa; njite njaji iwapacape yacaare iwai naco nadee jliaji notsayanalre. Caaco rsoaji inarro narso njaji inaitjepe yacaalre iricope irso. ⁸ Nooma icaiteca norsso yácoti ajádalri sho, sha Jerosalén Iricoperri itonaipe; icapa cadaotsa jliaji nomanda, icaiteotsa irirso caifiaca njoa ipeyokjeti naco irikjaote. Caacoca njaji inaitjepe Jerosalén Iricope rorso rsoaji yempeti. ⁹ ¿Cocao Irimatsiaca jliaji piomanda naoya njaji apjetsida, capja matsiadarro pjaca pjia naoya njaji apana inaitjepe? ¿Coadao matsia pjaca jliaji piomanda naoya njaji apjetsida atsianai, caicarro pioma wanaitjaca yacoti ajádalri piinai irikjaote? Caacoca rsoaji inarro narso njaji inaitjepe yacaalre iricoperri. ¹⁰ Catjinadalrica iridada imatsiaca, irsaine, catjinaca irimatsiaca napecolrico njaji die mil atsianai. ¹¹ Owirro matsiadalri shoca jliwida, njite molratodalrica itsicolre, itadalri matsia orroma ipje shoperri. ¹² Tsotsobo shoca njaji iritji naofa cádanaco ooni itarraca icodapi, napiteji íniati sho, namatsietanda patjepi cacoadaperri sho. ¹³ Joiwipwrrica itan njaji Iricacoda, pomeniperri imoto naoya. Potira shoperrica njaji Irinomaya, mirra pomeniperri itsakjawa njitewa. ¹⁴ Matojledaperrica njaji Irinapa njite nacada owirro iyofieta Irinapa naco; njite Iriwarrodalre naco naitani jalrete sho marsfildalri ípitana nacadanda inaco jípada cacoadaperri safiro-perri ipitana. ¹⁵ taimiperrica njaji tsicotsipa jiipada marmol-perri ipitinata njerretanda, nemetanda owirro matsiaperri naco; Líbano sho Iricapacana, naomanda pjiomi cayiji naoma capisho cedro narsowao. ¹⁶ Lrimotoeta yacoti matsiaperri irinoma Irikjoite; matsiadalrica pjiomi jliaji atsia. Icatsa cayoca jliaji nomanda, jliaji nokitsindaji; nocaiteca jimi sha Jerosalén Iricoperri itonaipe.