¹ Yuntzil Tu t’ana Moices caa tu yaati: ² “Ch’aa Aaron yetel u palaloo yetel leti, le buucoobo yetel le aceite tial dzaabil ti le polo, le wacaxo tial u siibalil keban, le caatul tamano,yetel u xaquil le wa xma cuximilo. ³ Much tu lacal le cu much’taloo tu jol u najil much’tal”. ⁴ Beytuno Moices tu meta tu lacal le tu yaala Yuntzil, le u much’uloobo taloo muuch tu jol u najil much’tal . ⁵ Beytuno Moices tu yaala ti u much’ulo:Lela leti dzuu yaalic Yuntzil caa meetaac ⁶ Moices tu tasa ti Aaron yetel ti u palaloo caa tu p’oo yetel jaa. ⁷ Tu dzaa ti Aaron le tunica caa tu kaxa u kaxnakil , caa tu dzaa u buquint u manto caa tu dzaa le efod yokol leti , cu dzoocole caa tu kaxa le efod tu suutu leti yetil le kaxnak jit’aano caa tu joka ti leti. ⁸ Caa tu dzaa le pectoral ti leti, ti le pectoralo tu dzaa le Urim yetel Tumin. ⁹ Letie tu dzaa u kaxpol tu pol , ti le kaxpolo , pach yich tu dzaa le plato chacjoopeeno le quilich petjoolo, jeebix Yuntzil tu jalach t’anta caachile. ¹⁰ Moices tu ch’aa le aceite cu dzabal ti poloo , caa tu cho- a tee tabernaculoo yetel le tu lacal le tio caa tu dzaa tu tzelilu tial Yuntzilo . ¹¹ Leti tu wedza le aceite yokol u multunil kulta siete u tenel, caa tu cho- a tee altaro yetel tu lacal u nuuculoo , le tux cu p’oobol kab tac tu chuun , tial jumpaycunsaac tial Yuntzil. ¹² Leti wec un p’iit le aceite tu pol Aaron tial u quilichcuntic. ¹³ Moices tu tasa u palal Aaron caa tu dza u buquint túnicas . Leti kax tu nakoo yeel un p’el kaxnak caa tu to-a nok lino yokol u pol jeebix Yuntzil tu tuchita caacho.- ¹⁴ Moices tu tasa u wacaxil tial siibal yolal le kebano, Aaron yetel u palal tu tzolu kaboo yokol u pol le wacax dzuu taascoobo tial u siibalil yolal le kebano. ¹⁵ Leti quince caa u ch’au kikel caa tu dzaa yokol le baaco yan tee altaro yetel u ch’ilbil u kab tu yudzquinta le altaro , caa tu weca le kik tu chuun le altaro caa tu quilichcunta tial Dios tial cu meet pixkeban yolaloo. ¹⁶ Leti mach tu lacal le tzaadz yan caach tee Ichilo , pixic le tamano , yetel le caap’el riñono yetel u tzazel. Moices tu tooca tu lacal yokol u multunil kulta. ¹⁷ Baale le wacaxo , u keulel yetel u bakel yetel u taa tu tooca paachil le campamento , jeebix Yuntzil u tuchimá caache . ¹⁸ Moices tu kuba le carnero tial le toocbil siibalo, Aaron yetel u palal tu tzol u kaboo yokol u pol le tamano. ¹⁹ Leti tu quinsa tu wedzá u kikel tu jujuntzelil le altaro . ²⁰ Letie tu xota le carnero xet-lemac caa tu tooca u pol yetel u xeet’el yetel u tzatzel. ²¹ Tu p’oa jujunjaatzil le u tal tu jobnelo beyxan u yok yetel ja-a, letie caa tu tooca tu lacal le carnero yokol le altaro. Lelo un p’el caach toocbil siibal caa tu tasa un p’el quiboc un p’el siibal meyajaan yetel kak u tial Yuntzil, jeebix Yuntzil tu tuchitá caach ti Moices. ²² Beytuno Moices tu kuba u jel taman, leu tamani le quilichil, Aaron yetel u palaloo tu dzau kaboo yokol u pol le tamano . ²³ Aaron quince , Moices tu ch’a un pit leu kikel caa tu dzaa yokol u paach u noo xiquinil Aaron yokol u poloc noo u ch’iilbil u kab yetel u poloc noo u ch’ilbil u yok . ²⁴ Tu tasa ti u palal Aaron , caa tu dzaa le un pit le kik yokol u xuul u noo xiquin yokol u poloc noo ch’ilbil u kab yetel u poloc noo ch’iilbil u yook ti jujun tul tioo. Beytuno Moices tu wedzá le kik tu jujuntzelil leu multunil kulta. ²⁵ Moices tu ch’aa le tzaatzo , u polquil le nejo , tu lacal le tsaadz yokol le xeet’eloo u tal ichil jobnelo , le pixmil le tamano , le caap’el riñono yeel u tzatzel yetel u bakel u noo muk yook. ²⁶ Ti u xaaquil le waa xmaacuxumil le yan tu tan Yuntzil leti mach un xeet’ u waajil xmacuxumil yetel un p’el waa xakaan yetel tzaadz yetel un p’el pakach , caa tu tzola yokol le tzaatzo yetel yokol u muuk yook nojaan . ²⁷ Letie tu dza tu lacal tu kaba Aaron yetel tu kaba u palaloo caa tu Yuntoo tu tan Yuntzil bey un p’el siibal cu yuntaale ²⁸ Beytuno Moices tu ch’aa tu kaba letioo caa tu tooca tee tu multunil kulta ti le toocbil siibalo. Lelo un p’el siibal quilich-taan cu tasic un p’el quiboc . Lela un p’el siibal cu metal yetel kak ti Yuntzil. ²⁹ Moices mach u tzeem caa tu yunta bey un p’el siibal cu yuntaal ti Yuntzil. Lela leti u tiil le carnero le tu t’oxa Moices tial u dzabal u luuch yunkinoo jeebix Yuntzil u yaalmaje. ³⁰ Moices tu ch’aa un p’it kik ti le unciono yetel ti le kik yan tee tu multunil kulta ;caa tu wedzá yok Aaron , yokol u nookoo , yokol u palaloo yetel yokol u nook u palaloo . Bey uchic u quilichcunsaal Aaron yetel u nook yetel u palal yetel u nooko u tial Yuntzil. ³¹ Beytuno Moices tu yaala ti Aaron yetel ti u palal, “locanseex le bako tu jol u najil le much’talo, tee caa jaanteexo le waa yan tee tu xaaquil quilicho , jeebix in tuchimile” caa tin waale Aaron yetel u palalo cun jaantic . ³² U yaala le baako yeel le waajo teex kabét a tooquex . ³³ Teexe maan jokoleex tee tu jol u najil much’tal siete kinoo caliquil ma chucpajac u kinil u dzabal u luuch . Men Yuntzile yan u quilichcunsiquex tee siete kinoo. ³⁴ Le dzuu metal tee kina Yuntzil dzuu tuchitic caa meetaac pixkeban ta wo-laleex . ³⁵ Siete kin yetel siete akab caan yantaleex tu jol u najil much’tal caa meetqueex u tuchit’an Yuntzil. Yolal maa quimileex men letie dzuu tuchitaal tena”. ³⁶ Beyo Aaron yetel u palaloo tu meetoo tu lacal le baaloo tu yalaa Yuntzil tu chi Moices.