¹ Lela leti u leyil leu siibalil siipil. Leti u jach quilichil. ² Letioobe kabét u quinsicoo le u siibalil siipil tee tu cuchil tux cu quinsaalo, letioobe kabét u wedxcoo u kikel yokol jujuntzelil u multunil kulta. ³ Tu lacal le tzaatz yan tio kabét u kuubul : u tzatzel le nejo le tzaatz yan ichil u jobnelo. ⁴ Le caap’el riñon yetel u tzatzelo, le tian nadz tu puucho le pixmil u taamnel, yetel u riñonoo tu lacal lelo kabét u peecsaal. ⁵ Le yunkino kabét u tooquic jujumpayil tee tu multunil kulta bey un p’el siibal meyajaan yetel kak tial Yuntzil. Lela un p’el siibal tial siipil . ⁶ Jujuntul mac ichil le yunkinoobo juubeytal u jaantic un xeet le ya-siibaloo, kabét u jaantaal ti un p’el cuchil quilich men leti u jach quiliichi . ⁷ U siibalil le neko bey u siibalil siipile. Laili leti le ley cu dzaabal ti tu caap’elil. Letioobe cu tialtic yunkin meetic pixkeban yeteloo. ⁸ Le yunkin kubic le toocbil siibalo u tial jeen maxo, juubeytal u yantal u tialte u keulel le siibalo. ⁹ Jujump’el u siibal nek cu ta-saal ti chuucab , beytuno jujump’el siibal cu ta-saal ti un p’el sarten tux cu yuchul tzajal waa ti un p’el sarten tial chuucab u tial yunkin kubic. ¹⁰ Jujump’el siibal de nek wa tiquín wa xaakaan yetel aceite yan u tialtic xan u palaloo Aaron. ¹¹ Lela leti u leyil u ya-siibalil leu u siibalil jeetzel , lelooba le maacoobo cu kubcoo ti Yuntzil. ¹² Wa yan mac cu kubic tial u dzic niibolal, leti-tune kabét u kubic yetel un p’el ya-siibal yetel wa meyajaan xma cuxumil, baale xaakaan yetel aceite yetel wa meyajaan yetel harina mamayquil xaakaan yetel aceite. ¹³ Beyxan yetel u tuculil u dzic niibolal, letie kabét u kubic yetel u siibalil jeetzel yetel u xeet’el waa meyajaan xma cuxumil. ¹⁴ Leti cun kubic un p’el ti jujump’el u jejelasil ya-siibal bey un p’el siibal cu kuubul ti Yuntzil. Leti u tiiloo le yunkino cu wetzcoo u kikel ti u siibalil le jeetzelo tee altaro. ¹⁵ Le mac kubic un p’el siibal jeetzel tial u tuc lil u dzic niibolal kabét u jaantic u bakel u siibal tu kinil u ya-siibal . Letie ma kabét u paatic mix baa ti lela ti u jaadzca kinil samal ¹⁶ Baale wau ya-siibaal u siibal yo-lal u meetic un p’el voto,wa yolal un p’el siibal cu siijil tu pucsiikal, le bako kabét u jaantaal ti u kinil chun u kubic le ya-siibalo, baale le cun p’aatalo caa beyac u jaantaal tu laa kin . ¹⁷ Chen baale , jeen baax bakil caa p’aatac ti le ya-siibalo tu oxp’el kine kabét u tocaal . ¹⁸ Wa yan un p’it le bakel leu ya-siibal ti u siibalil jeetzelo wa max cu jant tu oxp’el kin muun kamal mix tun yilal utzi le bax kuubo. Buytuno un p’el baa tu-u, le max cun jantique cu cuchic u siipilil le kebano. ¹⁹ Jeen baax bakil caa cojoc ti un p’el baa kaase ma kaabet u jaantaali. Kanaan u toocal. Caliquil u yala le bako jeen maaxac utze jubeytal u jaantique. ²⁰ Quex beyo un tul maac kas cu jant jeebax u bakil ya-siibale u p’el u siibalil jeetzel leu tiil Yuntzil le maaca kabét u tzelel ichil u cajal. ²¹ Wa yan cu mach jeen bax kase wau kasil winic , wa ti baalche kas, wa ti u jeel baa kas wa túú wa leti tun cu jant un p’iit u bakel ya-siibal wau siibalil jeetzel u tial Yuntzil, le maaca kabét u tzeelel ichil u cajal” ²² Beytuno Yuntzile tu ‘ana Moices, caa tu yaati: ²³ “T”an u winiquilo Israel aatioo:Teexe ma kabét a jantquex u tzatzel wacax capartaan wa taman wa chiva. ²⁴ U tzazel un tul baalche quim ma quinsbilaqui, wau tzatzel un tul baalche xexet’aan men un tul kaxil baalche, juubeytal u ch’aabal ti u lak baaloobe, baale teexe ma kabét u jajil a jantiquexi. ²⁵ Jeen maxac cu jant u tzatzel un tul baalche juubeytal u kaytaal men winic bey un p’el yaa-siibal yetel kak tial Yuntzil le maaca kabet u tzeelel ichil u cajal. ²⁶ Teexe ma kabét a jantiquex mix un p’iit kiki mix ti un p’el najoo , wa ch’iich wa baalche. ²⁷ Jeen maxac cu jant wa bax kikele le maaca kabét u tzeelel ichil u cajal”. ²⁸ Beytuno Yuntzile tu t’ana Moices caa tu yaati: ²⁹ “T’an u maaquilo Israel aatioo: Le max cun kubic u ya-siibal u siibalil jeetzel ti Yuntzil kabét u tasic un xeet le ya-siibalo tial Yuntzil ³⁰ Le siibal tial Yuntzilo kabét u metal yetel kak, yetel u kab kabét u tasic . Letie kabét u tasic u tzatzel yetel u tzeem , yolal le tzemo u yuntaal bey un p’el siibal cu yuuntaal tu tan Yuntzil. ³¹ Le yunkino kabét u tooquic u tzatzel tee tu multunil kulta, baale le tzeemo u tial Aaron yetel u palaloo. ³² Teexe kabét a dziquex u bakel u muuk yook u noo ti yunkin bey un p’el siibal kubaan ma ichil leu yasiibalo u siibalil jeetzel. ³³ Le yunkin un tul u palal Aaron , le max kubic u kikelil leu siibalil jeetzel yetel le tzatzo leti cun ch’iic u noo muk yok u tialte tial le siibaalo.- ³⁴ Men tene dziin ch’ic ti u winiquilo Israel u tzeem le siibal cu yuntaal , yetel u muk yok le cu dzabal , letioobe dzuu kuubulo ti Aaron le yunkino yetel ti u palaloo tial u tiilintoo sansamal ³⁵ Lela leti leu tial Aaron yetel u palaloo ti le siibaloo u tial Yuntzil meyajaan yetel kak, tu kinil le ca tu kuba Moices tial meyatic Yuntzil ti u meyajil yunkini. ³⁶ Lela letiu tial Yunzil tu tuchita caa kubuc tioo men u cajil Israel u kinil leti tu dzaa aceite tu pol le yunkinoobo . Lela u tial mantadz u bin kin ichil u ch’iibaloo ³⁷ Lela leti u leyil toocbil siibal, ti u siibalil nek u siibalil yolal keban , u siibalil siipil , u siibalil quiliichil, beyxan u ya-siibalil le jeetzelo, ³⁸ Yokol lelooba Yuntzile tu dzaa tuchit’an ti Moices tee tu wiitzil Sinai , u kinil le leti caa tu tuchita ti u maaquiloo Israel cu kuboo u ya-siibalo ti Yuntzil tee tu tocoy luumi Sinai..