¹ Yuntzil tu t’ana Moices , caa tu yaati: ² Wa yan maax cu kebantal cu mambaal cunsic un p’el aalmat’an ti Yuntzil, jeebix cuu tus le cajaan naadz tio, yolal baal dzaanti, waa cu dzaa le-ech ti wa cu yocolte , wa cuu yaadz le maax cajaan naadz tio . ³ Wa cuu caxtic wa bax saat-ti le naadz cajaan tio, cuu yaale ma tu caxti, cu ch’aachit tial u tus, wa ti baaloo jeebix lelooba tux cu kebantal mac. ⁴ Beytuno wa dzuu kebantale dzuu siipil , kabét u ca sutic le tu yocolto wa chen tu janjampayta wa tu ch’a u tialte le chen dzabaan tio wa le baa tu caxanta saatalo. ⁵ Wa quex tusna ti jeembaaxaque, leti kanuun sutic tu chucaanil yetel kabét u tip’ic u joo’pel u xet’el ti le max kabét u bootco, le chen ilaac u siipilmajo. ⁶ Cu dzoocole kabét u taasic u siibalil u siipil ti Yuntzil: un tul taman mix baal uchulti u tal ichil u tamano u tojol leti le bejlae bey un p’el u siibalil siipil ti Yuntzil. ⁷ Le yunkino cu meetic pixkeban tu yoolal leti actan ti Yuntzil letie cu saat saal u siipil tu yolal le baa tu meta u cuchic kebano”. ⁸ Cu dzoocole Yuntzile tu t’ana Moices, caa tu yaati: ⁹ Tuchite ti Aaron yetel ti u palal ,aati: Lela leti u leyil le siibal toocbil u bilo: Le siibal toocbilo kabét u yantal yokol u multunil kulta tu laacal le akabo tac ti u sastal, u kakil le u multunil kulta yan a wiquex muu tuupul u tooch’bal. ¹⁰ Le yunkino yan u dzic nook de lino, cu dzicxan u yalal u nok de lino. Leti cun molic u taanil cun p’aatal le chen dzoococ u jaabal le siibal cun elel yokol u multunil kulta, leti cun dzic u taanil tu tzeel le altaro. ¹¹ Letie cu tzelic u nok cu dzac u lak nok tial u bisic le taan tancabo ti le campamento tux mistaan minaan sojol . ¹² U kakil leu multunil kulta mantadz cu tooch’bal, ma kabét u tupili, le yunkino yan u toquic che laili teelo, sansamal jatz-ca kin . Leti cun nuucbesic le toocbil siibal ti leti, jeebix kaabeto, cu tooquic ti leti u tzaatzel leu siibalil jeedzel. ¹³ Le kak kabét muu p’aat cu tooch’bal mantadz . Ma kabét u tuupili. ¹⁴ Lela leti u leyil siibal de neek . U palal Aaron cun kubic tu tan Yuntzil, tu tan u multunil kulta. ¹⁵ Le yunkino cu wolchaachtic le harina mamayquilo ti u sibalil le neeko yetel le aceiteo yetel le incienso , lela tian yicnal u sibalil le neko , cu tooquic tu multunil kulta tial cuu tas un p’el ch’ujuc bok bey un p’el siibal yoolaloobe. ¹⁶ Aaron yetel u palaloo cu janticoo le cu p’aatal ti le siibalo. Kabét u jaantal xma cuxumil tee cuchil quilicho. Letioobe cu jantico tu solaril u najil muuch’tal. ¹⁷ Ma kabét u dzaabal ich chuucab yetel cuxun. Dzin dzic bey un p’iit u sibaloo cu metal yetel . Jach quilich jeebix u siibalil keban yetel u siibalil siipil. ¹⁸ Yolal tu lacal le cu tal u Kino ichil tu lacal ch’iibalil a cajal, tu lacal xiib u ch’iibal Aaron ca beyac u janticoo bey u tiiloobe, cu ch’aabal ti le siibalti YUNTZIL cu metal yetel kak . Jeen maaxac cu mache cu suut quilichil. ¹⁹ Beytuno Yuntzil tu t’ana Moices tu caaten , tun ya-ic: ²⁰ Lela leti u siibal Aaron yetel u palaloo , lela letio cun kubic ti YUNTZIL tu kinil chen laa dzaabac aceite tu pol u palal: min 3.7 kg. Harina mamayquil bey un p’el siibal sucaane chumuque tial jaadzcakin chumuque tial u chinil kin. ²¹ Cu metal yetel aceite ti un p’el sarten tial chuucatbil . Le chen t’uuque tech can tasic ichil . Jujunxeet’il takantac ti un p’el chuucab ca kubic bey un p’el u siibalil tial tasic qui bok tial Yuntzil. ²² Un tul u pal le canal yunkino le max cu suut ti untul canal tunben yunkinil ichi u palaloo cu kubic. Men jeembix mantadz aalaanilo, tu lacal kabét u toocal tial Yuntzil. ²³ Jujump’el u siibal yunkin de nek kabét u laa toocal . Ma kaabet u jaantaali. ²⁴ Yuntzile tu t’aana Moices tu caaten caa tu yaati. ²⁵ T’an Aaron yetel u palal aatioo: Lela leti u leyil le u siibalil le kebano: u siibalil le kebano kabét u quinsaal tux cu toocal le siibal tu tan Yuntzil. Jach quilich. ²⁶ Le yun kin cun kubic yolal kebano yan u jaantic. Kabét u jaantaal ti un p’el cuchil quilich tu solari u najil muuch’tal. ²⁷ Jeenbaaxac caa cojoc tu bakele cu suut quilichil, wa u kikel cu wetzel ti jeebaax buuquile, kanaan u p’ooic le tux weedzo, yicnal un p’el cuchil quilich. ²⁸ Baale le olla de kat le tux locansaabo kabét u oop’ol. Wa cu locansaal ti un p’el olla de bronce , kabét u joochaal cu t’ii sal cu choobol p’oan yetel ja-a. ²⁹ Jeenquen xiib ichil le yunkinoobo juu beytal u jaantic un p’iite, men jach quilich. ³⁰ Baale jeenquen u siibalil keban , u kikel cu tasaal tux t’inaan u nookil much’tal tial u metal pixkeban ti un p’el cuchil quilich, ma kabét u jaantaali. Kaabét u toocal.