¹ Wa yan max kubic ya-siibal lela u siibalil jeedzel un tul baalche cu tal ti un muuch’, wa xiib wa ch’uup, kabét u kubic untul baalche mix baa uchul ti tu tan Yuntzil. ² Letie cu dzic u kab yokol u pol le siibalo cu quinsic tee tu najil much’tal. Cu dzoocole u palal Aaron le yunkino cu t’oo-t’ic u kikel yokol u multunil le kultajo ³ Lemaaco cun kubic le ya-siibala u siibalil jeetzel yetel kak u tial Yuntzil. Leu tzaatzel pixic wa le cu cojol ichil u jobnelo, ⁴ Le caap’el riñono yetel le tzaatz yan yokoloobo tac tu caap le higadoo yetel le riñonoobo leti cun peecsic tu lacal lelo. ⁵ U Palaloo Aaron letio cun tooc-coo lelo yokol u multunil kulta yetel le siibal toocaano, lela tian yokol le sii- le yan yokol le kako. Lela cu yan cunsic un p’el quiboc ch’ujuc tial yuntzil ; un p’el siibal meyajaan tial leti yetel kak. ⁶ Wau ya-siibal le maaca u siibalil jeetzel tial Yuntzil ti much’taman u tal; xiib waa ch’uup letie kabét u kubic un p’el ya-siibal mix baal uchulti. ⁷ Wa leti cu kubic un tul cordero bey u ya-siibale, leti tune kabét u kubic actan ti Yuntzil. ⁸ Letie kabét u dzac u kaab yokol u pol u ya-siibal cu quinsic actaan ti u najil le much’talo . Cu dzoocole u palaaloo Aaron cun wedzcu kikel tu tzel le altaro. ⁹ Le maaco cu kubic u ya-siibal u ya-siibalil le jeetzelo bey u metal un p’el siibal cu meetal yetel kik tial Yuntzil. Le tzatz tu lacal u tzatzel u nee kabét u xootol naadz ti u sibin, le tzadz pixic tu lacal le jobnelo , yetel tu lacal le tzaatz yan tu lacal le jobneloobo. ¹⁰ Le cap’el riñono yetel le tzaatz yan yeteloobo, lela tian le tux yan le pachcabo yetel hígado, yetel riñono cun peecsic tu lacal lelo. ¹¹ Cu dzoocole le yunkino cu tooquic tu lacal yokol u multunil kulta bey un p’el sibil jaantbil cu toocal tu tan Yuntzile ¹² Wa u siibaal le maaca un tul chiva , bey tuno leti cun kubic tu tan Yuntzil. ¹³ Leti kabét u dzic u kaab yokol u pol le chivao cu quinsic actaan tu najil much’tal. Cu dzoocole u palal Aaron cun wequic u kikel tu tzel u multunil kulta. ¹⁴ Le maaca cu kubic u siibal meyaajaan yetel kik ti Yuntzil. Leti cun pecsic u tzaatzel le pixmil le yan tee jobnelo, tu lacal le tzaatzel le yan naadz tee jobnelo. ¹⁵ Letixan cun peecsic le caap’el riñonobo yeel le tzatz yan yokoloobo, lela tian tu tojil pachcabe le higadoo yetel le riñonoobo. ¹⁶ Le yun Kino cu laa tooquic yokol u multunil kulta bey un p’el u siibalil janal toocaane, tl cu tas un p’el ch’ujuc quiboc. Tu lacal le tzatzo u tial Yuntzil. ¹⁷ Lela un p’el kalt’an tial mantadz tial cuxtal wa u quimbal maac tia cajal jeentux caa meet a wotocheexe, teexe muun beytal a jantquex tzaadz wa kik.