¹ YUNTZILE- tu t’ana Moices tun yaic ² ”Tan u cajil Israel aati:” ten Yuntzil a Dios. ³ Teche matan a meetic le baaloo cu meetic u maaquiloo Egipto tux cajeex caacho. Teexe maa kabét a meetiqueex le baaloo cu meetic u maaquiloo Canaan, le luum tux quin bisqueexo, maa t’uulpach-quex le suuctioobo. ⁴ In leyese leti kabét a meetquex yetel in tuchit’aanoo leti teex kabét a meetquex, tial caa ximbanaquex tioo, men ten YUNTZIL a Dios. ⁵ Le oolale, teexe yan a meetquex in tuchit’an yetel in leyes. Wa un tul mac cu uuymat’antique, letie cu cuxtal tu yo-laloo.Ten YUNTZIL. ⁶ Mix mac kabét u chital yetel wa max u lactzil naadzti. Ten YUNTZIL. ⁷ Maa pajquex u suutal a tataex ca chilaquex yetel a na aex. ¡ letie a naa! Teche ma kabét a pajic u suutali. ⁸ Ma chital yetel mix un tul u yatan a tata; teche ma kabét a pajic u suutal a tatai ti le beya. ⁹ Ma chital yetel mix un tul a kikoo, wau ch’up pal a tata, wau u ch’up pal a naa, wau xkosil a wotoch wa nach u tal ti teech. Ma kabét a chital yetel a widzinoobi. ¹⁰ Ma chital yetel u palal a palal wau u ch’upupalal a palal. Lelo a pajsuutalcabaa. ¹¹ Ma chital yetel u pal u yatan a tata, sii yanil yetel a tata. Letie a witzin teche ma kabét a chital yeteli. ¹² Ma chital yetel u kik a tata. Lela a laktzil nadz ti a tata. ¹³ Ma chital yetel u kik a naa. Letie a laktzil nadz ti a naa. ¹⁴ Ma pajcusuutal u sucuun a tata caa xiiquech chital yetel u yatan. Ma nadzcaba ti yetel le tucul jeelo; letie a xdze naa. ¹⁵ Ma chital yetel a wiliboo. Letie u yantan a pal; ma chital yetel. ¹⁶ Ma chital yetel u sucuun a watan; ma pajic u suutal beyo. ¹⁷ Ma chital yetel un tul coolel yetel u ch’uup-pal mix u xchupal u xipal leti mix yetel u xch’uupal u ch’uupal leti. Letioobe u laakubaao nadz tu bao ti leti wa caa chilaquech yétele jach kas. ¹⁸ Teche maun dzoocol a beel yetel u yidzin a watan bey u caatul a watane caa wenquech yetel caliquil a yax atane cuxaan. ¹⁹ Ma chital yetel un tul coolel wa tun yic u “mes”.-Letie kas ichil le kinoo jeelo. ²⁰ Ma chital yetel u yatan le mac cajaan ta tzelilo caa kasaba ta juunal yetel leti jeen bix lela. ²¹ Teexe ma kabét a dziqueex mix un tul a palalex tial dzaabil kak,tial teexe caa ya-siibaltex ti Moloc, men teexe ma kabét a xananchetquex u kava DIOS. Ten YUNTZIL. ²² Ma chital yetel u laak xiiboo jeebix u chital mac yetel coolele. Lelo min jach kas. ²³ Ma chital mix yetel un tul baalche caa kascuntaba beyo. Mix un tul coolel kabét u tuclic u chital yetel mix un tul baalche. Lelo tial u kascuntcu baa mac. ²⁴ Ma kascunt caa baex teex ti mix un p’el le baaloo beya, men ti tu lacal le baaloo beya le p’enquex cajoobo kaschajoo le cajoo quin in walcach’int ta taaneex. ²⁵ Le luumo suuna kaasil, beytuno ten quin jadzic yetel u keban, le luumo tu xea u cajnalilo. ²⁶ teech tune, kabét a teetic in tuchit’aanoo yeel in tzolt’aanoo, teeche ma kabét a meetic mix un p’el le baalooba cu ch’aap’ectaala, mix le Israelitaso, mix le tanxel luumilo cajaanoo ichileex. ²⁷ Men letie baa kas tu meta le maacoo tee luumo, le maxoo cajoo waye cach maa taquexo behora tuna le luumo dzuu kastal. ²⁸ Beytuno canantabaex yo-lal le luumo muu xeequex teex xan wa teex caa kascunteex, jeebix tu xeejil le maaco yanoo cach teelo cach ma kuchqueexo. ²⁹ Jeen maaxac cu meet wa jayp’el le baalooba ch’a-p’ecbila, le maaco cu meetoo le baalo bey cun tzelel ichil u cajal. ³⁰ Beytuno teexe kabét a meetqueex u tuchit’aan tial maa meetquex mix le baal suuctac kastaca, le baalooba meta cach waye le cach ma kuchqueexo, yo-lal teexe maa kastaleex yetel le baa cu metal kastaco.Ten a YUNTZIL a DIOS”