¹ Yuntzil tu t’anaa Moices yetel tun yaati , ² ”T’an u cajil Israel caa waati:Lela leti le baalo cuxaano le juubeytal a jantiquexe ichil tu lacal le baalcheoo le yanoo yóó luumo. ³ Teexe juubeytal a jantquex jeebax balchei bujul u maye le xan cu walajach’tic u yooch. ⁴ Baale yan wa jaytul baacheo,quex cu walak jach’cuyoochoobe, wa bujul u mayoobe, maa kabét a jantiqueexi, baalcheo jeebix le camelloo, men cu walak jach’tic u yooch baale maa bujul u mayi. Beytuno le camello maa jant bil u bili. ⁵ Beyxan le chi-ic cu cajal ich tunichoobo , men cu walak jach’tic u yooch baale maa bujul u maayi maa kabét a jantiqueexi. ⁶ Le t’uulo, cu wala jach’tic u yooch,baale ma bujul u mayi, maa maalo caa a janteexi. ⁷ Le kekeno quex wa bujul u may, ma un walakjach’tic u yooch, kas tial a jantqueex. ⁸ Teexe maa kabét a jantiquex mix un p’iit u bakeli, mix caa macheex u quimen wincililoo. Letioobe kas u tial a jantex teex. ⁹ Le baalcheo cuxaanoo ichil jaa le jubeytal a jantiquexo leti tu lacal le yan u aletas yetel u escamas, wa ti kaanaab u tal wa ti alcajaaoo. ¹⁰ Baale tu lacal le baalcheoo cuxaanoo minaan u aletas wa minaan u escamas tee kaanaabo wa ichil alcajaaoo. Taacpajaan tu lacal le cu peecoobo ichil le jaao yeel tu lacal le baacheoo cuxaanoo le yanoo ichil le jaaoo letioobe kabet a ch’aap’ec queex teex. ¹¹ Jeebix kabét a ch’aa peecqueexo, teexe maa kabét a jantiqueex u bakeli, beyxan u quimen wincililoo kabét a ch’aa peecqueex. ¹² Tu lacal le minaan u aletas wa u escamas tee ichil le jaao, kabét a ch’aa pecqueex teex. ¹³ Le ch’iich’oo kabét a ch’aa pectico le xan maun beytal a jantico letioo lela; le aguilao,, le buitreo, ¹⁴ le milanoo, jeen baax falconile, ¹⁵ jeebax cuervoile, ¹⁶ le buhoo yan u baaco yetel le lechuza kaax u taalo, le gaviotao, yetel jeenbaax jejelas alconile. ¹⁷ Teex xane kabét a cha’pecqueex le chan buhoo beyxan le nojocho, beyxan le cormorán, ¹⁸ Le sac buhoo yetel xan le chen lechuzao le cachic baacoobo, ¹⁹ le sigueñao, jeen baax garzaile, le abubillao, beyxan le soodzo. ²⁰ Tu lacal le mejen baalcheo yan u xiikoobo cu ximbaloo yetel camp’el ooc kabét a ch’aapecqueex teex. ²¹ Quex beyo teexe juubeytaal a jantquex le mejeen baaloo cu mano xiiknali wa cu mano yetel camp’el ooc wau yocoob yan u paajtalil u siit-t’oo yo luum. ²² Jeexan u beytal a jantiqueex jeen bax sakile, saakoo, maasoo , waa sit-kaaxoo. ²³ Baale tu lacal le p’ayan baaloo cu xiknaloobo le yan camp’el u yokcoobo kabet a ch’aapecquex teex. ²⁴ Teexe caa kastaleex caliquil u t’uubul kin yolal le mejen p’ayan baalcheooba wa caa cooquex ti u quimen wincililo. ²⁵ Jeen maxac cu mol un tul u quimen winquilioobe kabét u p’oo cu nook cu p’aatal kasil caliquil u yocol kin. ²⁶ Jeenqueen baalche bujul u maye baale maa jach bujuli wa maa un wala jach’tic u yooch, kas a tiileex. Jeen max cu mache cu kastal. ²⁷ Tu lacal le cu xiimbal yokol u yiich’ac ichil tu lacal balcheoo cu ximbaloo yetel u camp’el ooc , letioobe kas a tiileex. Jeen maxac cu mach u quimen winquilile cu p’aatal kasil caliquil u chinil kin. ²⁸ Jeen maaxac cu ch’aa le quimen wincililo kabét u p’oo cu nookoo yetel cu p’aatal kasil caliquil u chiinil kin. Le baalcheoo jeelo kas a tiileex teex. ²⁹ Le baalcheoo cu jiitcubaoo luumo, lela leti le baalcheoo kastaco ti teex: le topoo, le ch’oo, tu lacal jejelas nucuch lagartos , ³⁰ le geco, le lagarto monitor, le lagarto, canoo yetel camaleón. ³¹ Ti tu lacal le baalcheoo cu jiitcubaoo, lelo leti le baalcheoo le kastcoo a tialeex. Jeen maaxac cu mach wa quimene cu p’aatal kasil tac tial u chini kin. ³² Wa yan ichiloo cu quimile yeel cu luubul yokol jeenbaaxaque, le baalo cu p’aatal kasil, wa meyajaan yetel chee,xeet nok, keuel, wa chachal. Jeembaaxaque wa jeen baax u biile, kabet u dzaabal ich jaa; lelo cu paatal kasil tac tial u chinil kin. Beytuno cu yudz tal. ³³ Tial tu lacal nuucul de kaat ichil wa yokol ti le jeen baax baalcheil kas caa luubque, jeebaaxaque jeen baax yan ichil le vasijao cu kastal, teexe kabét a xixcuns queex le vasijao. ³⁴ Tu lacal jaanal juubeytal u jaantaale, baale le tux u jail un p’el vasija kas weeque, beytuno cu p’aatal kasil. Tu lacal le juubeytal u yuukulo ti e vasijao kaschaji . ³⁵ Tu lacal le tux u wincilil quimen baalche kas caa luubque , beytuno cu kastal, wa ti un p’el chuucab wa u nuuculil chacal. Kabét a paaqueex xet’lemac. Kas kabét kas ti teex. ³⁶ Un p’el sayab wa jaltun tux cu joosaal jaa ma un kastal wa le baalche caa luubuc Ichilo. Baalee wa yan mac caa cojoc ti e quimen wincilil le baalche tee ichil le jao, leetie cu kastal. ³⁷ Wa jeen baax ti un p’el quimen caa luubuc yokol wa baax tial pakbile, le pakalbi baala maun kastal. ³⁸ Baale wa cu dzaabal jaa ichil le pakalbil baalo wa jeen baax ti u xeet’el un p’el quimen wincilil baalche kase caa luubuquee, beytuno kas a tialeex ³⁹ Wa un tul baalche juubeytal a jaantic cu quimil, beytuno jeen maaxac cu mach u wincilil quimeno cu p’aatal kaasi caliquil u yocol kin. ⁴⁰ Jeen max cu jaant le quimen wincililo kabét u p’oic u nook cu p’aatal kasil caliquil u yaakatal. Max cun liisic quimen wincililo cu p’oic u nook cu p’aatal kasi tac tial u yaakatal. ⁴¹ Tu lacal baalche cu jiit cuba yoo luume ch’aa-pecbil; maun beytal u jantaal. ⁴² jeen baaxac cu jiituba yokol u naak yetel jeenbaaxac caa ximbanac yokol u camp’el ooque, wa le yan yaab u yookoobe- tu lacal le baalcheoo le cu jiit-cubaoo tee luumo lelooba ma kabét a jantiqueexi, men tial ch’aap’ec bil ⁴³ Teexe maa kabét a kascabaeexi ta junal a baeexi yetel tu laca baache cuxaanoo cu jiitcuba ; Teexe maa meetcabaex kaaseex ti leetioo, teexe leetioo cun kascunt queexoo. ⁴⁴ Men teen Yuntzil a Dios . Teexe ca p’aataleex quilichil, le oolale , quilich chaqueex, men tene quiliichen Teexe ma kabét a kascabaaex yetel jeen baaxac baalcheil cu maan yok luum. ⁴⁵ Men teen Yuntzil , max taseex naach tac tu luumil Egipto tial caa Diosinteneex. Teex tune quilich chaqueex , men tene quiliichen. ⁴⁶ Lela leti u leyil tial baalcheoo, ch’iich’oo, tu lacal baalche cuxaan cu maan yok jaa , yetel tu lacal baalche cu jiitcuba yok luum. ⁴⁷ Tial caa chiicpajac ichil le kaso yetel le utzoo, yetel ichil le baaloo cuxaanoo cu beytal u jantaaal yetel le baaloo le ma un beytal u jantaalo”.