¹ Nadab yetel Abiu , u palal Aaron, jujuntuuli tu ch’ao u nuuculil tux cu tooc-co incienso tu dzaoo kaki yetel incienso. Cu dzoocole tu kuboo jeelaan kak tu taan Yuntzil, lela mau yaalmaji leetio tu dzao le siibal beya. ² Beytuno kak jook tu tan Yuntzil caa toocaab leetioo caa quimoo tu tan Yuntzil. ³ Beytuno Moices tu yaala ti Aaron: “Lela leti le tu yaala Yuntzil le caa tu yaa beya:”Ten quin eesic tioo in quilichil ti le maaxoo cu nadzcubaoo ti teen. Yan in noobeencunsaal tu tan le cajo. “Aaron mix baa tu yaala. ⁴ Moices tu t’ana Misael yetel Elzafan, u palal Usiel , u tzéé yun Aaron, caa tu yaatioo :” Cooteneex waye cuch a laakex caa biseexoo pachil ti le campamento actan ti le tabernaculoo”. ⁵ Beytuno letioobe tu nadz u baoo caa tu cuchoo , u buquint miloo u nokil u yunkiniloo, caa tu bisoo paachil ti le campamento jeebix Moices u tzoolmil tioobo. ⁶ Cu dzoocole , Moices tu yaala ti Aaron yetel ti Eleazar yetel ti Itamar, u palal: Maa chaaquex u tzotzel a poleex caa soosoobac, maa xan a tzitziquic a buuquex , yolal maa quimilex tial xan Yuntzile maa u kuxtal ti le much’talo. Baale chaex ti a laakex , tu lacal u cajnalil Israel, cu yootoo le quimoo men u kak Yuntzil le tu t’aaba leetioo. ⁷ Teexe maun beytal a jookolex tu jol u najil le much’tal yoolal maa a quimilex , men le aceite choan tex men Yuntzilo tian ta wokoleexe.”Beytuno tu meetoo jeebix tzoolic tioobe men Moices. ⁸ YUNTZILE tu t’ana Aaron beya : ⁹ ”Maa kubquex vino mix u yaquil, tech waa a palaloo, maaxoo p’aataloo ta wetel, chen ocquex tee tu najil much’tal, yolal beyo maa quimilex. Lelo un p’el tuchit’aan mantadz ichil a ch’iilencabeex ta cajal. ¹⁰ Tial caa chiicpajaac le quilicho ti le ma quilicho, ichil le kaaso yetel le ma kaaso. ¹¹ Tial caa beyac a cansic ti u cajil Israel tu lacal u tuchit’an Yuntzil le dzuu yaic tu chi Moices.” ¹² Moices tu t’ana Aaron yetel Eleazar yetel Itamar, u t’up palaloo:”Ch’aa u siibalil nek le cu p’aatal ti u siibalil Yuntzil meyajaan yetel kak, jaant xan cuxumil tu tzel u multunil kulta, men lela jach quilich. ¹³ Kabét a jantic ti un p’el cuchil quilich, men a tial yetel u tiil a palaloo ti le u siibalil Yuntzil meetaan yetel kak, men leeti le tuchitaan ten in waacteex. ¹⁴ U tzem yetel u chiu ch’alaatel le yuntaaboo yetel kuuboo ti Yuntzil, kabét a jaantic yicnal un p’el cuchiil udz kanbeen ti Dios . Teech yetel a palaloo bey le chupalaloobo kabét u jantcoo ta wetel xetlemac bey dziin waaco , men dzaabaan a tiaalte yeel a palaloo un paayil ti u ya-siibalil le siibal tial jeetzel ti u cajil Israel. ¹⁵ Le u chie ch’alat cu kuubul yetel le tzem cu yuntaalo kabét u taasaal yetel u siibalil le tzaatzo meyajan yeel kak, tial yuntbil tu tan Yuntzil. Lela leeti mantadz a tiil yetel a palal jeebix Yuntzil dzuu yaaque. ¹⁶ ”Beytuno Moices tu kaata yolal le xibichivoo tial u siibalil le kebano caa tu yile dzooc bacan u toocal. Beytuno kuxilna ti Eleazar yetel ti Itamar, leu caatul t’up palal Aaron caa tu yaala: ¹⁷ ¿Baanten maa jantex u siibalil le kebano tee tu cuchil le tabernaculoo men leti u jach quilichilo, men Yuntzile dzuu dzic ti teex tial caa tzeleex le kas tee much’talo. Tial cuu meet pixkeban tioo tu tan? ¹⁸ Ileex u kikele maa tasaab ichil u najil muuch’tal, beyo teexe u jajile kabét a jantiquex tee tux yan u najil le much’talo, jeebix tin waalile. ¹⁹ Beytuno Aaron tu nuuca ti Moices:”Tan , wilic letioobe dzuu meetico u siibaloo tial keban yetel u toocbil siibaloo tu tan Yuntzil, le baal jeela dzuu yuchul ten belaaca.Wa teen caach quin jant u siibalil keban belaaca, ¿Dzoocach u luubul utzil tu tan u yich Yuntzile? ²⁰ Le caa tu yuuba Moices lelo, leetie quimacchaa u yol.