¹ Le filisteoso' tu yoc-loo' u Arca Dios, caatuchaoobe' caa tu bisoo' Asdod. ² Le filisteosoo' tu ch'aoo' u Arca Dios, caa tu yooc-soo ichil u nai Dagon, caa tu tzao' tu tzel Dagon. ³ U cajil Asdod liikoo' tun sasatl u jel kin, jetuna', Dagon luub yook luum actan ti' u Arca yuntzil. Beytuuno' letioobe' tu maachoo' Dagon caa tu caa dzaoo' tu cuchil tu caaten. ⁴ Baale letioob caa liikoo' ja'atz caa' k'in tu jel kine', jeetunA', Dagone' dzuu luubul nococbal luum tu taan u Arca yuntzil. U pol Dagon yetel u caap'elil u kabe' tiaxan caachtee luumo' xo'otoloo yanal u xiik. Cheen u winquilil ma' pol, ma k'aab, ma' oc p'aatic. ⁵ Le olale'. tac bejlae', u yunkiinoo' Dagone' yetel jeen maxac caa ococ tu nai Dagon, maun yaachetcoo u jool Dagon tee Asdod. ⁶ Ukaa yuntzile yajcha' yokol u caajil Asdod. Lti loobito' caa tu xek'a yetel chuchumoo'. Te Asdodo yetel u noj luumil. ⁷ Le maaco tee' Asdodo caa tu ch'anuuctoo le baax cu yuuchul caacho', letioobe' tu yaa'loo':"U Arcail u Diosi Israel ma' najmal u p'aatal ichilooni', men u kaabe loo' ti to'on yetel ti' Dagon ec Dios". ⁸ Beytuno letiobe' tu tuxtoo ch'aabil le nucuch jalachoo ti' le filisteoso'; Letiobe' tu yaaloo';"¿Baaxtun coon meet ti u Arca-il u Dios Israel?", Letioobe tu nuucoo:"Chaex leu Arca u Diosil Israele' caa bisaac tac Gat. ⁹ Baale' le caa tu bisoo' Gaate', u kaa yuntzile' tian yook le caajoo', tun meetic un p'el nojoch xaaknatil tu baatziloo, letie' tu loobita' le maacoo' tee caajo', le chichnoobo' beyxan le nuuctacoobo', caa joooktioob chuchumoo'. ¹⁰ Beytuno tu tuctoo' u Arca Dios tac Ecron. Baale' tu seblaquil jeebix oquic u Arca Dios Ecrone', le ecroniloobo' tu kancach aaloo:"Dzuu taasal ti' to'on u Arcail u Diosil Israel tial cuu quinsoon to'on yetel xan ec caajal". ¹¹ Beytuno' letioobe' tu tuxtoo ch'aabi tu laacal le noj jalachoob ti le filisteoso'; letioobe tu yaaloo':"Jooseex waye' leu Arcail u Diosil Israel, suteec tu cuchil, yo-lal muuquinsicoon toon yetel ec caajal". Men yanchaji' un p'el che' saaquilil ti tu laacal le cajo', u kaab Diose jach loobna' teelo'. ¹² Le maacoo ma' quimoobo meetaab lootioo men le chuchumoo, u yookol le caajo' nac tac tee caanoobo.