¹ Bey uchic ti le kinoobo le filisteoso tu much' u huachoo' tial bateil yetel u cajil Israel Aquis tu yaala ti David, "yanac tech u jajil yan a jokol tin wetel ichil le huachoobo, tech yetel le maacoo yantecho'. ² David tu yaala' ti Aquis, "Bey can a wojelt bax juu beytal u meetic aj-meyaje'". Aquis tu yaala' ti David, "Beytuno quin meetquech in canampach mantadz". ³ Le kin jeela' Samuele dzuu quimil tu lacal Israel tu yaolta', tu muca' xan tee Ramajo', tu cajal. Beytuno', saul tu joosa' tee luumo le cu t'aano yetel quimenoo wa' pixanoo'. ⁴ Beytuno' le filisteoso tu much'ubao caa tu meet u jeeleboo sunen; Saule' tu much'aa tu lacal Israel, letioobe tu meet u jeeleboo Gilboa. ⁵ Caa tu yiila' Saul u huachoo le filisteoso, saajacchaji u pucsikale' pecna' yaab. ⁶ Saul payalchina ti yuntzil tial antajil, baale yuntzile' ma' tu nuucaji, mix nayil, mix yetel Urim, mix bobatiloo. ⁷ Beytuno' Saule caa tu yaala ti uj meyajoo, "Caxteex tun untul coolel cu t'an yetel quimenoo, tial caa xiqueen yicnal cuu tzol in xiquin leti. "U meyajoobe tu yaalo, "Pacte, yan un tul coolel Endor cu yaique cu t'an yetel quimenoo". ⁸ Saule caa tu jelbesuba, jelaan nok tu dzaa', caa bin caatul xiboob yetel; letioobe binoo yicnal le coolelo' tee akabo. Letie' tu yaala ti, "Naat in tial, quin kat oltic, yetel un tul pixan, tasten jeen maxac quin wateche'. ⁹ Le coolelo' tu yaala', "Teche' a wojel baax tu meeto Saul, bix dzuu wetic tee caja' le maxoo cu t'anoo yetel quimenoo wa pixanoo. Beytuno' ¿Baaxten caa tabsic in cuxtal, tial caa quinsaquen?". ¹⁰ Saul ch'aa chi' na ti leti yo-sal tuntzil caatu yaala', "Bey jeebix cuxan yuntzil, mix un p'el jadz cun uchul ti tech, yo-lal lelo'". ¹¹ Beytuno' le coolelo' tu yaala', " ¿Max kinil tas tech?" Saule tu yaala', "Tasten Samuel in tial". ¹² Le coolel caa tu yila' Samuel, letie' kancach okolnaji caa tu t'ana Saul beya', ¿Baaxten ta tusen? Teche' Saulech". ¹³ Le ajawo tu yaala ti leti', "Maa ch'ic saaquilil. ¿Baax ca wilic? Lee coolelo' tu yaala ti Saul, "Tin wilic un tul dios cu naacal tee luumo". ¹⁴ Letie' tu yaala' ti leti', " ¿bix u yilal leti? Letie tu yaala', "Un tul nuxi cu naacal; u buquintma' juupus nok". Saul tu naataje Samuel lelo', caa noclaji u yiche' luum yan caa tu tziica'. ¹⁵ Samuel tu yaala ti Saul, " ¿Baen caa chichnacunsquen yetel dzaa tasquen caanal? Saul tu nuuca', "Jach in p'eelt minba, men le filisteoso tun baatetqueno', Diose dzuu p'atquen maun nuucten un puli' mix yetel bobat, mix naitbil. Leolale' dzin t'anqueech tech, yo-sal a waic bax kanik meetic". ¹⁶ Samuel tu yaala', " ¿Baaxten tun caa katic ti ten, wa' yuntzil dzuu p'aatquech, yetel letie' dzuu kuchul u meet aj ch'ap'eec?. ¹⁷ Yuntzile' dzu meetic ti tech leu yaalma' yan u meetique. Yuntzile dzuu toquic tech le ajau ta kabo caa tu dzaa ti u jel maac ti David". ¹⁸ Men teche' ta ma' uuymat'antil u t'an yuntzil ma'xan ta bisa' u venganza yok Amalec, leti tune dzuu meetic lelo' bejlae'. ¹⁹ U chen tiip'ee yuntzile' cu kubic Israel tac tech tu kab le filisteoso. Samale tech yetel a palal yan a taleex tin wicnal. Yuntzil xane cu kubic leu huachil Israel tu kabo le filisteoso". ²⁰ Beytuno' Saule tu seeblaquil luub luum jach saajac caach yo-lal u t'an Samuel. Minaan u muuk, men ma' janac tu lis le kino, mix xan tee akabo. ²¹ Le coolela tal yicnal saul caa tu yiile' jach tun p'eelcuba, letie' tu yaala' ti, "pacte, aj meyaja dzuu yuubic a t'an; dzooc xan in dzic in cuxta ti talamil, ten xane' dzin wuuyic le t'anoo dzooc a wacteno. ²² Bejlae' quin kaat oltic ti tech, caa wuy xan u t'an aj xmeyaja', chain dzic un p'iit janal ta taan. Janen caa ch'aa muuk yo-sal a bin ta bel. ²³ Baale Saul ma' tu yooti caa tu yaala', "Tene main janal". Baale u meyajoo, yetel le coolelo', tu caa aalooti, letitune' tu yuuba u t'anoo. Beyo' caa liik tee luumo' caa culji tec tux cu ch'italoo. ²⁴ Le coolelo' yan caachti un tul chan wacax poloc tu yotoch; letie' tu lep'uu yol caa tu quinsa; tu ch'aa harina, caa tu yaach'ta, caa tu ta'-sa' un pel wa' x ma' levadura. ²⁵ Letie' tu tasa' tu tan Saul yetel uj meyajoo, letioobe tu jaantoo. Beytuno' letioone liikoo caa binoo ti le akabo.