¹ Samuel quimi. Tu lacal Israel tu much'uba caa okol yo-sal leti, letioobe tu mucoo tu yotoch Rama'. Cu dzoocole David liiki caa em tu xtoyluumi Paran. ² Yancha' un tul xiib tee Maon, u ayikalile' tian caach tee Carmel. Le xiiba' jach ayikal. Letie' yan cach oxp'el mil taman yetel un p'el mil chibas. Letie' tan caach u kosic u tzotzel u taman, Carmel. ³ U kaba' le maaca Nabal caachi, u kaba u yatane Abigail caachi. Le coolela' chucaan u naat caachi jadz udz yilaa'. Baale' le maaco' dzuuy, kas-xan u luubul ti u jel maac . Letie' ti u ch'iibalil u yotoch Caleb. ⁴ David tu yuuba tee xtocoy luumo' Nabal bine' tun kosic u tzotzel u chivas. ⁵ Beyo' David tu tuxta lajub xiiboo tanquelemoo, "Naaqueneex tac Carmel, penenex yicnal Nabal, tziquex tin kaba'. ⁶ Teexe caa waquexti, "Udz cuxaanil. Jeetzel a tial jeetzel tial a wotoch xan, jeedzel xan caa yanac ti tu lacal ke yan techo'. ⁷ Tin wuya' yaalal yan bin tech kos tamanoo. A canan tamanoobe dzuu yantaloo tec yetel, ma' tee meeta loo' tioobi', letioobe ma' saat mixbaltioob tu lacal kin le yanchajoo tee Carmel. ⁸ Kaat tioob a meyajoo, letioobe cu yaacoo. Behoraa' cha in meyajoo caa luubcoo utzil ta wicheex, men dzooc ec kuchul ti un p'el kimbesa'. Yo-sal udz kayte le yan ta kabo' ti aj meyajoo beyxan ti a pal David". ⁹ Le caa kuchoo le xiiboo tanquelentacoo u tiiloo David, letioobe tu yaalo tu lacal lela' ti Nabal u tal ti David caa p'aatanacoo. ¹⁰ Nabal tu nuuca ti u meyajoo David, "¿Max David? ¿Max xan u pal Isai? yaa kooso tie' kinooba cu puudzlo ti u yumiloo. ¹¹ ¿U dza quin ch'a in wooch wa', in woch jaj, in woch bak le dzin quinsic tial in kostamanoo, quin dzaa ti maacoo main wojel tux u taloo?. ¹² Beytuno' le xiiboo tanquelemoobo u tiloo David sunajoo, tu yaaloo tu lacal le aalca tioobo. ¹³ David tu yaala ti u maaco, "jujuntul xiibe u kax u espada". Junjuntul xiibe tu caxu espada. David xane' tu kaxu espada. Min cuatroscientos xiiboo binoo tu pach David yetel doscientos p'atoo tux p'aat tu lacal le nuuculo'. ¹⁴ Un tul le xiiboo tanquelemoobo tu yaala ti Abigail, u yatan Nabal; letie' tu yaala', "David tu tuxta bisa' t'anoo tee xtocoy luumo' tial u tzic ec yumil, letie' tu pooch'aa. ¹⁵ Baale le maacoobo jach maalo' kuchicoo' tec icnal. Ma' tu meetoo toon loobi, mix baa saaltoon caliquil yanoon yeteloo le caach tianoon tee kaaxo'. ¹⁶ Letioobe tu laakintoon yetel kin wa yetel aka', caliquil yaniloon yeteloo canaantic ke tamanoobo. ¹⁷ Le olale' ojelte lelo caa tuculte' bax cana' meete', men kas dzuu yotal meetbil ti ec yuumil, tac xan tu lacal u yotoch. Letie' un tul maac ma' udz u luubuli maun beytal a t'an yetel". ¹⁸ Cu dzoocole Abigail tu dzaa seebti tu ch'aa doscientos wa', caap'el chuu vino', joop'el taman makantaan, joopel p'isaan nek kaktaan, cien u jeckel pasas, doscientos u wajil higos, caa tu dzaa yokol le chohuac xiquinoobo. ¹⁹ Letie' tu yaala ti u meyajoo, "Penenex tanil tin ten, tene' quin bin paachil ti teex". Baale letie' ma' tu yaala ti u yiichan Nabal. ²⁰ Caliquil leti' tu nata' u chohuac xiquin caa em ti le wiitzo', David yetel u xiibo emoo yicnal leti, letie' tu naactantoo'. ²¹ Bejlae' David dzuu yaic, "U jajile' chen culen in canantic tu lacal le yanti le maaca tee xtocoy luumo', yo-sal mix baa caa saatac tu lacal leu tiiloo, letie' dzuu sutic kas yo-lal udz. ²² Dios cuu meet ten, Davien, ma' chen lelo', wati le jaadzcakin cu p'aatal un tul xiib ti tu lacal le u til letio'". ²³ Caa tu yiila' Abigail Davie', letie' tu lep'u yol caa emti le chohuac xiquine' caa chinla' tu tan David caa tu t'alcunsu pol tee luumo'. ²⁴ Letie' tu dzauba tu yooc caa tu yaala':"Chentiin wokol, in yumil, leu siipilil. Meet udz cha' u t'an a meyaja', uuy u t'an a xmeyaja'. ²⁵ Ma' chaic in yumile' cuu taanolt le maax mix bal u bil, Nabal, men jecbix u kabae' bey leti'. Nabal u kaba', le chocopolilo' tian ti letie'. Baale' ten ax meyaj ma' tin eila xiiboo tanquelemoo a tial tech, le maxoo ta tuxtoobo. ²⁶ Bejla tuna', in yumil, jeebix yuntzil cuxaano', techxane' cuxaanech, yuntzile dzuu wetic caa wee kik, tial xan caa vengartabaa yetel a kab, behoraa chaa a ch'aapecoo, le maxoo cuu caxcoo kas ti in yuumile, paatcoo bey Nabale'. ²⁷ Le sibaloo le a xmeyaj dzuu tasic ti in yumila' caa kuubic ti le meyajoobo le cu binoo tu pach in yumil. ²⁸ Met udz a saatsic u keban a meyaj, men yuntzile', u jajile' yan u meetic un p'el maj maalo' ti in yumil, men in yuumile tun baatetic u bateil yuntzil; kase muun bin ilbi titech caliquil cuxaanech. ²⁹ Quex le maacoo caa liikcoo u yaalcapach teche' cu tzel a cuxtale' quex beyo' u cuxtal in yuumile' cu canaantal tux yan le cu cuxtaloo' u tial yuntzil a Dios; letie' yan u pulic naachil u cuxtaloo a ch'ap'eecoobo, bey tu yuntunil yuntune'. ³⁰ Le chen dzoococ u meetic ti in yuumil yuntzil tu lacal le baalo u seechitmao', chen u meetech u nojchil yok Israel. ³¹ Le bal jeela' muun tasic tech okonolil, mix poochil ti in yuumil, men maa wee kik chen cuneli', ma'-xan a vengartabai. Le chen u meet yuntzil le udz ti in yumilo', kaa-se a xmeyaja'. ³² David tu yaala ti Abigail, "le yuntzil u Diosil Israel, quiquitantbil, leti max tuxtech a wilen. ³³ Quiquitanbil a naat, teche' quiquitanbilech xan, men maa chain wequik kik cuneli', cain vengartin baa yetel in kab. ³⁴ U jajile' jeebix yuntzil, u Diosil Israel, cuxaan, le max wet main meetic tech loo, chen men ta lep'awol a wilen, u jajil maun p'aatal caach xiib wa palal ti Nabal ti u saastal. ³⁵ Beytuno' David tu kama' tu kab le tu taasa caacho'; leti aal ti leti, naaquen ta nai ti jetetzel; tene dziin wuuyic a tan, dzooc xan in kamquech tech". ³⁶ Abigail suna' yicnal Nabal, ilex, ketie' tun meetic un p'el banqueta tu yotoch, bey un p'el banquete cu meetic ajawe''; u pucsikal Nabal jach quimac u yol tu ba, men letie' jach callan. beytuno' letie' mix baa tu yaati p'isiac u saastale. ³⁷ Tial le jaadz caa kino', le caa dzooc u maan u caalanile Nabale', u yatane' tu yaala' le baaloo tioo; u pucsikale' bey quim tie', letie' p'aat bey tuunche'. ³⁸ Min tu lajun kine yuntzile' tu meeta' loo' ti Nabal caa quimi. ³⁹ David caa tu yojelyta dzuu quimil Nabal, letie' tu yaala' "yuntzile' caa quiquit'an taac, max tan olt uchin pooch'ool tu kan Nabal, dzuu canantic u meyaj ti kas. Leti sut le baa kas tu meeta' Nabal ti u ba". Cu dzoocole Davie' tu tuxta t'ambil Abigail, tial u ch'aa u yatante. ⁴⁰ Le caa kuchoo u meyajoo David tux yan Abigail tee Carmel, letioobe tu t'anoo leti caa tu yaaloo, "David tuxtoon ta wicnal tial quec ch'aech u tial leti u yatante". ⁴¹ Letie' caa liiki, caa chin polnaji luum, caa tu yaala:"ileex aj meyaje un tul xmeyaj tial u p'oo u yook le meyajoobo ti in yuumil. ⁴² Abigail tu lep'uu yol caa liiki, caa tu naata u chohuac xiquin yetel joop'el u xmeyajoo le tzaypachtoobo; letie' bi tu pachoo u tasa' t'anoo' David bey uchic u sut atantzililo'. ⁴³ David xane tu ch'aa Ahinoam Jezreelil u yatante, tu caatulil atantaaboo'. ⁴⁴ Beyxan, Saul uchili' u kub Mical u ch'up pal u yatan caach David, ti palti, u pal Lais, Galimi caachi.