¹ David luk teelo' puudzi caaa bin tu actun Adulan. Le caa tu yojeltoo u sucuunoobe yetel tu lacal u yotoch u tata, letioobe emoob teelo' caa binoo yicnal leti'. ² Tu lacal le yan olal tioob, tu lacal le p'aaxnajaanoob yete tu lacal le ma' jedzaanoobo' tu lacal letiobe tu much'ubao yicnal David caa tu meetu nojchil yokoloo. Yan caach min cuatroscientos xiiboob yetel leti. ³ Beytuno' Davie' bin tac Mispa tee Moabo. Letie' tu yaala ti u ajawi Maoab; meet udz u chacubin in tata yetel in nj ta wetel caliquil in wojetic bax cunu meet Dios ti wolal. ⁴ Letie' tu p'ata yicnal u ajawi Moab. U tata yetel u naj p'atoo yetel leti tu lacal le kinoo David tian tu tacumbae'. ⁵ Cu dzoocole bobat Gad tu yaala ti David:'Ma' p'atal ta taacumba. Jooken penen tu luumil Juda". Beytuno' Davie' luukteelo caa oc tu kaxil Haret. ⁶ Saul tu yuuba Davide' dzooc u caxtal, pa-ate yetel xiiboo yan yetelo. Behora culucbal Guibea, yan u cheil tamariscos Ramantu kab yan u julub tu lacal u kosoo tian tu suutul letie. ⁷ Saule tu yaala' ti u kosoo le huacbaloo tu sutuloo':"¡uuy yawuyeex bejlae' u maquileex Benjamin! ¿Le u pal Isai yanu dzic teex ti jujuntulil kaac yetel y coolil uvas? ¿Yan u meetic u polilex miles wa' u polilex cientos?. ⁸ Tial ta lacleex teexe' caa joop'oc a liik leex kas ti ten? mix un tul ichilex dzuu yaactan bax kinac in pale wa dzuu meetic nuuptan yetel. Mix untul ichilex wa tun ya-olal tin wosal. Mix un tul ichileex aacten wa' in pal dzuu liisic in kos David tial u jadzen. Bejlaa cu taacuuba cu paatquen tial u pajtal u jadzquin". ⁹ Beytuno' Doeg le edomiciloo, max yan tu tzel u kooso Saul, tu nuuca:"Tene' tin wila' u pal Isai u tal tac Nob yicnal Ahimelec u pal Ahitob. ¹⁰ Letie' payalchinaji ti yuntzil yo-sal letie' caa beyac u yantic tu dza u yooch beyxan u espada. Goliat filiosteoti". ¹¹ Beytuno' le ajawo tu tuxta wamax tial tanic le yunkin Ahimelec, u pal Ahitob yetel tu lacal u ch'ibal u tata, le yunkinoob yanoob caach tee Nobo. Tu lacal letioo taloo yicnal ajau. ¹² Saul tu yaala:"U ya wuy bejlae', u pal Ahitob". Letie' tu nuuca':"wayanene in yuntzil". ¹³ Saule tu yaala ti:"¿Baaxten liikech a met ten kas teech yetel u pal Isai, letie' uchic u dzic matie' yetel le espadae' dzooc xan u kaat oltic ti Dios caa antac, yo-sal u liikil tin wokol, tial xan cu tacuba jeebix tu tacuba bejlae'?". ¹⁴ Beytuno' Ahimelec tu nuuca ti le ajawo' caa tu yaala:"¿Max ichil tu lacal le meyajoob jach toj u meyaj jeebix David. Max u jaan le ajawo', u nojchil a cananoo, cu tziquil tu nail". ¹⁵ ¿Yaxila bejlaac in payalchi ti Dios tial caa antac? ¡nachac ti ten beya! ma chaic ti ajau u dzic siipil u meyaj mix ti untul u palal in tata. Men aj meyaje' ma' u yojel mix bal yokol le baala'". ¹⁶ Le ajawo tu nuuva':"Teche' maan jechic le quimilo', Ahimelec, tech tu lacal u ch'iibal a tata". ¹⁷ Le ajawo tu yaala ti' cu canan huacbaloo tu sutulo'. "Sutabaex quinseex le yunkinoob ti yuntzilo'. Men u kaboobe letiobe tiaxan yetel David, men letioobe u yojeloo pudz, baale ma tu yaalo' teni. "Baale, u meyajoo le ajawo ma' tu quinsoo le yunkinoob u til yuntzil. ¹⁸ Beytuno le ajawi tu yaala ti Doeg:"Sutaba tech quinse le yunkinoob". Beytuno' Doeg edomita tu sutuba caa bin yokol le yunkinoobo; letie' tu quinsa ochenta y cinco maacoo cu buquintcoo efod (u nok kinoo) de lino le kin jeelo. ¹⁹ Yetel u yee le espada tu xota Nob, u cajal yunkinoo, bey xiib wa xch'uup, mejen palaloo beyxan le cu chuchoob huacaxoo chohuac xiquinoo, yetel tamanoo. Letie tu quinsoo tu lacaloo yetel u yee le espada. ²⁰ Baale un tul u palal Ahimelec, u pal Ahitob, u kabae' Abiatar, puudzi caa bin tu pach David. ²¹ Abiatar tu yaala ti David Saule dzuu quinsic u yunkiniloo yuntzil. ²² David tu yaala ti Abiatar:"Le kin jeelo' tene' in wojel le chen yanac Doeg le edomita teelo yan u yaalic beya' ti Saul. ¡Ten cuchic jujuntul le quimenoo ti u xh'ibal a tata!. ²³ P'aaten tin wetel ma' ch'ic saaquilil. Men le max cun caxtic a cuxtale, cu caxtic xan le teno'. Teche' mix baa cuin uchultech tin wetel.