¹ Saul tu yaala ti Jonatan u pal yetel tu lacal u meyajoo letioo u naj u quinscoo David. Baaleti Jonatane' u pal Saul u yabima' David. ² Beytuno Jonatane tu yaala ti David, "Saul in tata tun caxtic bix u quinsquech. Leo'lale' canantaba ti le jaadzcakina, taacaba ti un p'el cuchil ma' kaotaani. ³ Tene' yan in jookol tancab quin watal tu tzel in tata tee kax tux yanecho', tene quin t'an yetel in tata ta wo-lal. Wa ten quin wojel un p'iit baale, tene' quin wactech". ⁴ Jonatan ta'na udz yo-lal David ti Saul u tata caa tu yaala ti leti' "ma' chaic u luubul ti keban le ajawo' ti u meyaj David. Men ;letie' ma' kebanchajac ti techi, le baalo tu meeto' tu taasa udz tech. ⁵ Men leti quins le filisteoo. yuntzile tu tasa un p'el nojoch najmal tial tu lacal Israel. teche' ta wila' yetel quimaccha a wol. ¿Baxten coon kebanta' ti kik mix baa yo-jel le coon quins David mix bal yo-sal? ⁶ Saule' tu yuuba Jonatan. saule' jalach t'anaji:"Cuxaan yuntzil maun quimi". ⁷ Beytuno Jonatan tu t'ana David, Jonatane' tu yaati tu lacal le baalooba. Jonatan tu tasa' David ti saul, letie' yancha tu tan jeebix caache'. ⁸ Yancha' bateil tu caaten, Davie' jooki batena yetel filisteoso caa tu jaadza' yetel yaacach quimenoo. Letioobe puudzoo tu tan leti'. ⁹ Un tul pixan kas tal ti yuntzil yok Saul leti caach culucbal tu nai yan un p'el lanza tu k'ab, caliquil David tun paxic u pax. ¹⁰ Saul tu yoota u baj David tee pako' yetel u lanza, baale letie' luuk tu tan Saul, beytuno' Saule tu baj u lanza ti le pak'o. David aalcanajji caa puudz ti le aabilo'. ¹¹ Saule' tu tuxta bisa' t'anoo tu yotoch David tial cuu ch'uucte yosal beyo' caa patchajac u quinscoo tial u sastal. Mical u yatan David, tu yaala ti leti, "Watech maa toccaba bejlae' ti le akabila', Samale' ca quinsal". ¹² Beytuno' Mical tu chau yemel David tee ventana. Letie' jooki aalcanaji caa p'uudzi. ¹³ Mical tu ch'aa u tu meetbil dios ta naj caa tu chicuntaj tux cu chital David. Beytuno' letie' tu dzaa un p'el kampol u tzotzel chiva tu pol, caa tu pixa' yetel nok. ¹⁴ Le caa tu tuxta Saul bisa tanoo tial chiic David, letie' tu yaala':"Letie' kojaan yani". ¹⁵ Beytuno' Saule tu tuxta bisa' t'anoo tial ilic David; leti' tu yaala':"Taseex tin wicnal tux chilicbalena tial ten quin quinse. ¹⁶ Le caa oc le bisa' t'anoobo, tu yiloo, leu idoloil le najo' chilicbal u kanjolma' u tzotzel chiva tu pol. ¹⁷ Saul tu yaala' ti Mical:"¿Baaxten dzaa tusquen, dzooc a ch'aic u biin in cha-p'eekcaa puudzu Mical tu nuuca ti Saul:"Leti' aaten:"cha'-in bin, wa mae' quin quinsqueech". ¹⁸ David aalcana naachi, puudzi caa bin yicnal Samuel tac Rama' caatu yaala tu lacal bal dzuu meetic Saul ti leti'. Beytuno' leti' yetel samuel binoo' caa p'aatoo Naioth. ¹⁹ Lelo aalaa' ti Saul, beya':"Pactex, Davie' tian Naioth te Rama'. ²⁰ Beytuno' Saul tu tuxta bisa' t'anoo tial chuquic David. Le caa tu yiloo le yaacach bobatoo tun ajbobatoo, Samuele tanil yan tioob, u pixan Diose tal yokol u bisa' t'anoo Saul letioo xane ajbobatnajoo. ²¹ Le caa aalati Saul lelo', letie tu tuxta u jeel bisa' taanoo, letioo xane' ajbobatnajoo. Beytuno' Saule tu tuxta bisa' t'anoo tu oxten, letioo xane ajbobatnajoo. ²² Beytuno' letixane bin Rama' caa tal yicnal le ch'e-en tam le yan Secu'. Letie' tu kaata', "¿Tuux yan Samuel yetel David?" yan max aale, "ileex, letioob tiaanoo tee Naiot tee Rama'". ²³ Saul bin tac Naiot tee Rama', u pixan Dios tal yokolxan caliquil tunn bin, letie' tun ajbobat tac kuchic tee Naiot ti Rama'. ²⁴ Letixane tu tzela u nook, letixane' ajbobatnaji tu tan Samuel caa moch'la ma' nokil tulis kin yetel tu lacal le a kabo'. Le olale' letioobe cuu yaacoo, "Tian Saul xan ichil le ajbobatoo?".