¹ Samuel tu yaala' ti Saul:"Yuntzil tuxtan tial in teetech ajawi yokol u cajil Israel. Behora uy u t'an yuntzil. ² Lela' leti le cu yaalic u yuntzil le huachoobo:"Tene' dzooquin ch'anuctic le tu meta Amalec ti Israel tun xachcuba ti in cajal ti u bin, le caa luukoo Egipto. ³ Bejlae' penen jadz Amalec chucaan xixcunt tu lacal le baa yaantioobo'. Ma' ch'aaje otzilil, baale quins tu lacal, xiib wa xch'uup mejen palal yetel le cu chuchoobo', caparbi huacax wa taman, camello wa chohuac xiquin. ⁴ Saul tu much'quinsa le cajo' ca tu xoca' tu noj cajil Telaim:Doscientos mil xiiboo cu maanoo yetel diez mil xiiboo Judajiloo'. ⁵ Beytuno', Saul k'uch tu cajil Amalec caa jeel paat'an tee kancabilo. ⁶ Beytuno' Saul tu yaala' ti le Quenitasi':"Jookenex naach cha'queex ti le Amalecito', yo-sal main xixcuntquex yetel ketioob. Men teche' dzaa' wesic udzil ti tu lacal u cajil Israel, caa kuchoo ta wichaleex luk'icoo Egipto". Beytuno' le quenitasoobo jookoo caa naach chajoo' ti l Amalecitaso'. ⁷ Beytuno' Saule' tu chun u jadzic le Amalecitaso' tu cajsa Havila tac Shur, le yan tu laakin Egipto. ⁸ saul tu macha' cuxaan leti' Agag, ajau ti le Malecistaso' tu cajsa xixcunt tu chucaanu tu lacal le cajo' tu yee' u mascaboo'. ⁹ Saul yetel le cajo' ma' tu quinsoo Agagui, beyxan tu meetoo ti u maalobil le tamanoobo', ti le caparbil huacaxoobo, le poloc huacaxo' yetel le xibil tamanoobo'. Tu lacal le udz-taco', ma/ tu xixcuntoobi'. Baale' tu laa' xixcuntoo tu lacal le k'astaco' yetel mix bal u bil. ¹⁰ Beytuno' u t'an yuntzile tal ti' Samuel, tun yaic: ¹¹ "Quim yaoltic uchic in meetic ajawi Saul, men dzooc u nachtal ti ten mau' uuymant'amt im tzol t'aanoobi". Samuel jach peecna yol, okolna' ti yuntzil tu lacal le ak'abo'. ¹² Samuele' liik akab u sastal tial cuu nactant Saul ti le jdzcakino. Ti Samuele' aalaabi:"Saule' tal Carmel tu liisa un p'el monumento u tial, cu dzoocole sunaj caa em tac Gilgal". ¹³ Beytuno' Samuele' tal yicnal Saul, Saule' tu yaati'"¡Quiquit'an bilech yo-sal yuntzil! tene' dziin meetic u noj t'an yuntzil. ¹⁴ Samuele' tu yaala':¿Baaxtun bey in wole tun suuncal tamanoo' tin xiquin, yetel u jeencaloo le huacax quin wuyico'?" ¹⁵ Saule' tu nuucaj: Letioob taase tu ch'aoo ti le Amalecitaso'. Men le cajo' tu ch'aoo u maalobil le tamanoobo yetel le huacxoobo tial u yasibaloo ti yuntzil u Dios, u yalabo' tec xixcunta tu lacal". ¹⁶ Beytuno' Samuele' tu yaala' ti Sayl:"Paatiquui, quin waaten baac dzuu yaic ten yuntzil ti le akaba'."Saule' tu yaala':T'anen. ¹⁷ Samuele' tu yaala':"¿Quex chichnech caachi ta pacat, ma wa dzabech pali yokol u ch'ibal Israel? yuntzile' dzooc u dzac aceite ta pol tial caa ajaucha queech yok Israel. ¹⁸ Yuntzile' dzuu tuxqueen caatu yaala:"penen xixcunt tu juut lacal ke quebanoobo, le Amalecitaso', baatetoo' letioo tac quen a xixcuntoo'. ¹⁹ Baanten ma' a uuymat'ant u t'an yuntzili, men ma' ta' meetelo', teche' dzaa ch'ic tu lacal baa tioo caa ta meta le jach man kas tu tan u yich yuntzil". ²⁰ Beytuno' Saul tu yaala ti Samuel:"tene' dzim uuymat'antic u t'an yuntzil, dzooc in ximbatic le bej tux tu tuxten yuntzilo'. Tene' dzin chuquic Agag, u ajawi Amalec, dzooc xan in la xixcuntic le Amalecitaso'. ²¹ Baale' le cajo' tu ch'aa wa baax tioo, taman, huacaxoo u jadz udztaquil le aalan u xixcuntaaloo, tial caac kub ya sibal ti yuntzil a Dios tee Gilgalo'. ²² Samuele' tu nuuca:¿yuntzile' jea u jach quimactayol yo-lal sibal toocaan wa yasibal quet caa uuymat'antac u t'an yuntzil? uuyma't'ane' ti p'aan utzil quet ya-sibal;, a uuyic tip'aan utzil quet u tzatzel le xibi tamanoobo'. ²³ U joop'ol le p'uulo' bey u kebanil Joosa naate, le ma uuymat'anilo' len kas bey a kul tic tanxel diosiloo', men dzaa jaadzkatic u t'an yuntzil letixane dzooc u len ch'intquex yo-sal maa meetca ajawil". ²⁴ Beytuno' Saule' tu yaala' ti Samuele':"Ten dziin kebantal, men dziin ma'uuyma t'antic u t'an yuntzil yetel xan a t'an, men saaquencaach ti le cajo' caa tin uuymi t'anta u taanoo, Bejlae' meet udz a saatsic u keban. ²⁵ Yetel sunen tin wicnal yo-lal u beytal in kultic yundzil". ²⁶ Samuel, tu' yaala' ti Saul:"Tene' main caa suut ta wetel; men teche' dzooc a dzic un taclil u t'an yuntzil, yuntzil tun xane' dzooc xan u dziquech un tzelil tech yo-lal mau xictubin a ajawi yok Israel". ²⁷ Tu seeblaquil jeebix Samuel tu sutuba tial u bine', Saul caa tu chan-mach tu nook, le nooko' jaati. ²⁸ Samuele' tu yaala ti:"yuntzile' dzuu dzelic ti tech bejlae' y ajawil Israel yan u dzic ti u laak maac, un tul mas maalo' quet tech. ²⁹ U jach jalile' u muuk Israel maun tus ma xan jeelpajal; men letie' maa winic tial cuu kex u tuculil. ³⁰ Beytuno' Samuel tu yaala':"Dzin meetic keban, baale meet udz a tzicquen bejlaa' tu tan lu nuxibilo' le cajo beyxan tu tan Israel, Sunen tin wicnal tial quin kult yuntzil a Dios. ³¹ Samuele' suna pachilti' Saul, Saul tune' tu kulta yuntzil. ³² Samuele' tu yaala':"Tas Agag u ajau le Amalecitasoob tin wicnal" Agag kuch yicnal jijich' kaxtaan caa tu yaala:"Jach in huaque' kaacil le quimilo' dzuu maan". ³³ Samuele' tu nuuca:"jeenbix a masca' tu p'ata coolelo' ma' palalo', beyxan tech najmal a quimil caa p'aatac ma' pal a mama". Beytuno' Samuel tu xota Agag yaab u xeet'el tu tan yuntzil tee Gilgalo'. ³⁴ Samuele', bin Rama', Saule' naac tu yotoch tee Guibeao' utial Saul. ³⁵ Samuele' ma caa suna' u yil Sauli' tac tu kinil quimic, men kaan u kaatchi' yo-lal Saul. Yuntzile' tu maan yaol ta uchic u dzic Saul Ajawi yok Israel.