¹ xeme tɨri, yu yeyeuma xe kene wa enieka ta Ukiyaritsie, paɨmɨ aixɨ ti anekɨ. ² ''A YAU META A TEI KE NE WAREU'ENIEKA'' (matɨari ɨkitsika raya'axe ka hɨkɨtɨni) ³ AIXɨ XETE ANAYEKɨNE XEME, MɨTA XETEHAUTERE XE U'UWATɨ ANA KWIEPA.'' ⁴ Mɨta xeme yaukate. yu niwema xekwawamaitɨweni haxɨatsie. Ta'aurie mawetse, xewawaweriyani xewakumari 'itawatɨ Kakaɨyari 'ɨkitsikayakɨ. ⁵ Xemakuwɨ, yukutsiyarima xewareu'enieka 'anaií kuepa waɨkawame mete'aye'arɨkame xewarayeitɨaka mɨta xehaumamatɨ, hasunimekɨ yu'iyatsie. xewareu'enieka mɨkɨmexi Cristo xetehau'enie hapaɨ. ⁶ Xeu'enanaka tsiepa'kepauku xekutsima mexexeiyanitsie xeikɨa hawaikɨ. mɨkɨ xewareu'eniekakeyu, pɨta xeu'enanaka Cristotsie memayukuwɨtɨ wahapaɨ. pɨxetenekahuni kereuyehɨwa Kakaɨyari yu'iyaritsie. ⁷ Xetene'uximayaka yu'iyari ye'anemekɨ, wa'atɨ Kakaɨyari xete'uximayatsirie hapaɨ hawaikɨ teɨteri. ⁸ Xeme xete'akumaikakeyu tsepa tita uximayatsika keranyɨnemetsie aixɨ ti'aneme yuxexuitɨ kexeteyurie, mɨkɨ xete'ankwewieni Kakaɨyari 'imikerieyaya, tsepa ke'ane makuwie yakatixaɨ xɨni. ⁹ Mɨta xeme kutsikate. wahapaɨ xeteneyurieka kementeyurie xenɨ'arima. xekawa'unietɨ. Xeme xete'akumate kename mɨkɨ hɨkɨ ke'ane waɨkawa xehauyehɨwa hapaɨnata mɨkɨmexi, taheima kayukanieritɨaka. xemeri xetenakumaika kename xeime raye'arɨkame ka'ayeitɨa yuhamatɨa. ¹⁰ Kwinatɨrieka, xeyutse'iriyani Kakaɨyaritsie xetewiyatɨ meta kentitɨrɨkaɨyekɨ. ¹¹ Xetenanakapini tinaime kakaɨyari piniteya, xeyɨwekaxɨanikɨ xeheima mekwa'uyekɨkani 'iya kehate tɨkakametsie mete'awiyatɨ niuki mewewie. ¹² Waɨriyarika tekwatapitɨa waiyaritsie hapaɨna xuriyatsie. Pɨta'itsɨkatari meta ta'tuwanitsixi espirituales meta tatuwanitsixi meyuxata tsiranyɨnetsie hapaɨna muyɨwitsie, espiritutsixi tsimete'uka'iyayaritsie. ¹³ Ya'umieme, 'aixɨ teu'apinitɨa Kakaɨyari piniteyakɨ, xeyɨwekaxɨanikɨ yuheima kehapaɨ xetenuani hapaɨnata kwi'xetehauwiyani xekwa'aiwarɨwanikɨ kepaku 'iniatsika tixuaweretsie. Mɨta kepauku yexetekakɨnetsie naimekɨ, xeme 'aixɨ xetene'ukakuni. ¹⁴ Ya'umieme, kwixetenewiyani, yuri hɨayamekɨ xanayuhɨatɨkani yuhukatsie tse'ikɨ hapaɨnata aixɨ 'anekɨ meta ¹⁵ Xehauti'utɨ kakai 'aixɨ'anenemetsie 'iya Kakaɨyari uxipiya mexeiya hapaɨ. ¹⁶ Naimetsie xemuweiyarietsie tiyunarɨmame xeuti'ɨi hasuni kexente'erie, paɨmɨmɨ xeyɨwekaxɨakuni tɨkakame irɨteya keha'paɨ xetenani. ¹⁷ Meta yumamatsie xeuhɨi casco wikwestɨarika mexeiya meta Espiritu kutsirayari. ke'ane hɨkɨkɨ Kakaɨyari niukeya. ¹⁸ Ne'newierikɨ meta ke'ane ne'newieri waɨkawa mauyewetsekɨ, tukarikɨ xeyunenewieka Espiritukɨ. 'ikɨkɨ hɨawiya, tukarikɨ xeyuta'ɨwiyani naimekɨ mexi yunenewieri xeyexata meyunaimekɨ aixɨ me'anene. ¹⁹ Meta nekɨmana xeyunenewieka, neyɨwekaxɨanikɨ kepauku neteni nemantayepienitsie nekeyetuiriyerieni niuki. Xeyune'newieka neyɨwekaxɨanikɨ heyuti'enieriɨkɨmekɨ netaniuni ²⁰ Kakaɨyari niukieyakɨ ne nehɨkɨ ne mikuxatani kaxariyari ne ayewetɨ, ne yɨwenikɨ ikɨtsie ne tikuxatatɨ ne kamatɨ, kenrekanake hapaɨ. ²¹ Tíquico, ta iwa te meinake'erie meta sasunikɨ ti uximaya ta Ukiyari hetsie mieme, naime xe ti hekɨatsirieni, xe te hetimanikɨ kentiane ana ne manyeikatsie. ²² Ya anyɨnemekɨ ne xe henɨari, xe te hetimanikɨ ke tetehau'erie tame meta xetsi tawaɨritɨanikɨ. ²³ Iwarixi wa tsata aixɨ anetɨ ke ranyahanetɨkani, meta nake'eriya ke xuaweni sasunimekɨ, aku Kakaɨyari ta Yau meta ta Ukiyari Jesucristo mi yatua. ²⁴ Imikieri waɨkawa ke tixuaweni ke hate ta Ukiyari Jesucristo me maunake'erie wa hepaɨsta nake'eriya kwa xɨwekɨ.