¹ Pablo Cristo Jesusi nɨ'arieya Kakaɨyari kentinake'erie, meta Timoteo ta'iwa, ta'hetsie mieme Kakaɨyari teyupanieya Corinto mewe yu'naitɨ yuri mete'erie, auriena Acaya. ² Kakaɨyari uxipiyaya siere imikierieya ta'Yau Ukiyari Jesucristo xeme xe'hetsie hɨkɨtɨni. ³ Mɨkɨ Kakaɨyari Ta'Yau ta'hetsie mieme Jesucristo ketikwitɨarieka. Mɨkɨ Ta'Yau nenimayatsika mexeiya Kakaɨyari ta'naime tatsinɨtɨwame. ⁴ Kakaɨyari tatsi paritɨani naimekɨ titakɨ tenteyu heiwerie mɨta tame teyɨwawetɨ tepakɨne tewa paritɨani hipame aku ke'ane meyuheiwerietɨka. Ke'ane mete uka'eniwa tame tewatinɨtɨani aku Kakaɨyari kehapaɨ anemekɨ tatsuti paritɨa. ⁵ Mɨkɨ hapaɨ kentiuka'eniwa Cristo ranayuhayawa ta'hetsie miemekɨ, ya'xeikɨa tame tanɨtɨarika panayuhayawa Cristo hepaɨsta. ⁶ Mɨkɨ xɨka tame tete ukakukuineni, teparitɨarienikɨ mɨta siere wikwestɨarika xehetsie, xɨka'ta te'utinɨtɨareini, hapaɨna siere xeme xehetsie nɨtɨarika. Mɨkɨ nɨtɨarika xe'hetsie aixɨ anemkɨ tiyɨane kepauku xeme xekayumexɨitɨatɨ xeyumikwa aku hamuwieyarieka tame'ta siere aku ya'xeikɨa tete ukwinixɨ. ⁷ Yuri tete'erie waɨkawa xeme xe'hetsie tete akumate xɨka hikɨ xete ukakukuineni, yaxeikɨa nɨtɨarika xepitipine tanaimetsie. ⁸ Mɨkɨ tame pɨtekwatehauyuyahɨwa xeme xete tawe'erieka, ne iwama, mɨkɨ tsiranyinetsie aku keteme'iɨarie aku Asia reyetewatsie. Tame mɨkɨ ta'hetsie waɨkawa tiuyɨ akaxewimekɨ tete ukwinixɨ tekwa yɨwawekairi tete'unewieni, pɨtete ha'eriwakai kenameri tekakuwikenikekai. ⁹ Pɨ'tete yumatekai teyatuiyatɨ tekwi iwakekai mɨkɨ hɨkɨtɨkai yuri tekwate eriekakɨ pɨta Kakaɨyaritsie, aku mɨkɨ mɨkite waranku uitɨwa. ¹⁰ Mɨkɨ tatsukuwikwestɨa mɨkiriyatsie, mɨkɨ tatsi anayahapa tawari'ta tame hetsiena tepiti'pine mɨkɨ xeikɨa tatsi anayahapani tawari. ¹¹ Mɨkɨ tiyurieni kentiyɨwe xeme siere xeketaneparewieka yu nenewierikɨ. Mɨ'ta hipatɨ papariusi meyatuani Kakaɨyari hetsiemieme nenimayatsika yatuiyata ta'hatsɨa hipatɨ aku meyunennewiekɨ. ¹² Tame tepauta'ɨ ikɨ yenti anekɨ: aku kenteka'hu ta iyaritsie. Mɨkɨ yateyɨa tekate'itatɨ teyɨa xeme xe'hepaɨsta Kakaɨyari tiutayuruwa ana kwiepa. Tame yateyɨa ikɨ xeme xe'hepaɨsta, hawaikɨ tame teɨteri keteteku'eriwa, pɨta Kakaɨyari imierieyakɨ. ¹³ Tame tekwatewaruta utɨiri aku xeme hawaikɨ xekwateterɨwawe ni siere xemeiti enietɨyani. Pɨnetiku'eriwa, ¹⁴ waniu xeme xetatsiku'eniwa yapamekɨ, tame tete akumaika ke'titakɨ xeme xete hexeiyani ɨ'rika tukaritsie hepaɨsta ta'Kakaɨyari Jesusi, xeme xehapaɨ paka hekɨaka titakɨ tetehauta'ɨka. ¹⁵ Akaxewimekɨ yenti anekɨ ne iyari yapuyɨ nexe iwatamie xeme'meri xeme yu'mamatsie xemihɨnikɨ xehetsie hutakɨ nemaumienikɨ. ¹⁶ Pɨ anyitɨ panyine newa iwatamie yenereumietɨ Macedonia. Nexe'xeiyata nemakunuanitsie muwa Macedonia, mexi'ta xeme Judea xenetsi heteɨtaxɨ. ¹⁷ Kepauku pɨnetiku eriwakai, ¿heitseriemekɨ pɨnetinemaikai? ¿Ne yenetiku eriwa tewi ketiuka iyari hapaɨ hawaikɨ, aku neyɨtɨ nemaynikɨ ''Hɨ, hɨ'' yata ''Hawaikɨ, ¿hawaikɨ axeikɨa?'' ¹⁸ Mɨta, hapaɨna siere aku Kakaɨyari kwati itawa, tame pɨtekwa haitɨka ''hɨ'' yata ''hawaikɨ'' axeikɨa. ¹⁹ Mɨkɨ Kakaɨyari nu'aya Jesucristo, mɨkɨ aku Silvano, Timoteo siere ne matɨa tete uti'xa xe'hɨxie, hawaikɨ ''hɨ'' yata hawaikɨ. Ta'aurie mawetse ''hɨ''. Mɨkɨ naitɨ Kakaɨyari imierieya ''hɨ'' panyine Hetsiena. ²⁰ Ya umieme siere Hetsiena hakunena pɨtepaitɨka ''pɨke'aneni'' Kakaɨyari'tsie tei'tipitɨ. ²¹ Hikɨ'ta Kakaɨyari tatsi akaxewiririe xe'hatsɨa Cristo'tsie, mɨta Mɨkɨ tatsutanɨ'a. ²² Mɨkɨri tame tastitepɨatɨa tatsi yatuiri yu'Espiritu ta'iyaritsie heyemekɨ akaxewimekɨ kepauku Mɨkɨ tatiyatuiriniekekai. ²³ Hetsienamieme ne Kakaɨyari nehɨawe mɨkɨ ketiuhekɨata ne'hetsie mieme, mɨkɨ makaxewi ya'umieme nekwanua Corinto nekwaxetaxɨrɨwanikɨ. ²⁴ Ikɨ kwahɨkɨ, kementekahuni kehapaɨ meyɨatɨ yuri mete'eriekakɨ. ta aurie awekamekɨ tepu uwa tete parewietɨ xe'hamatɨa temawiya xemexeiyanikɨ mexi yuri xete'erie.