¹ Pedro xewitɨ Jesúcristo nɨ'arieya, tewa kiekatari ma'hautaxiraxɨaka, mamanaye'xeiyariekai naitsarie muya'hane Ponto, Galacia Capadocia, Asia, hapɨna Bitania, ² ekaxewiriya'kaku rakumaikaku Kakaɨyari hepɨsta ta Yau, aixɨ meyuyurietɨ espritusanto'kɨ, yemeteka'hutɨ Jesucristo hepɨsta yu xuriya mutaxɨrikɨ. Pamapariyusi nenimayatsika ke xuaweni xe hetsie hapaɨna caiwatɨ'tiumatɨ keti'mɨireni. ³ Kakaɨyari ta ukiyari Jeucirsto Yauya, aixɨ ke itɨarieka. waɨka nenimayatsika mexeiyakɨ, Mɨkɨ tatsi'yatuiri hekuakamekɨ temutinunuiwaxɨ te mekaxewiriyanikɨ ta imikieri hepɨsta mɨkɨ mankukekɨ Jesucristo mɨkite watsata ⁴ mɨkɨ imikieri ta hetsie mieme kwakumawere kuatiti'kwiemare, ya xekɨa kwatikumawere. Xe'utsiyarie ta heima yuawitsie xehetsie mieme. ⁵ Kakaɨyari tɨrɨkariyayakɨ xeme siere xe'ɨwiyarie Kakaɨyari'tsie yuri tete'eriekɨ wikestɨarika hepɨsta paya aximeri xe'hekɨatsiyarieni kuinatɨrieka tukaritsie. ⁶ Xeme xeke'neyutemamawieka ikɨtsie, tsepa hɨkɨ pɨreu'yewetse pɨxetemate xete uka'kukuine waɨkawamekɨ yutsata inɨatsika'tsie. ⁷ Ikɨ hɨkɨ yuri kepenti'erie xɨka aku yuritɨni, yuri peti'erietɨ mɨkɨ masi wichi'tiane kahɨkɨtɨni keyuri akuxi oro, Ikɨ pɨkati'kuyineni yu hekɨare'kɨ yuri petieriekɨ, pɨtikuyine tsepa meteukaeniwa me'inɨatsietɨwe taikɨ, meke ekaxewiriyani me kwikatɨ, raya'arɨkamekɨ mehei'texietɨ ke'pauku yuhekɨata jesucristo. ⁸ Xeme xekwa ixeiya'we Mɨkɨ, mɨta yatɨtɨ xeme xepeiyahɨwa, Xeme xekwa ixexiya hikɨ, xemeta yuri xete'erie Hetsiena Mɨta xeme xeyutemamawie waɨkawa temawiya katiyuxatsinɨakame ti waɨkakwatu raya'atɨ. ⁹ xeme xepen'wiyá aixɨ tianeme yuri xete'eriekɨ, wikestɨarika xemupitɨariekɨ yu kɨpuri hepɨsta. ¹⁰ temaikate mepitiwau maputa'iwau reka'nakemekɨ mɨkɨ yamanyine wikestɨarikakɨ hepɨstakɨ, nenimayatsika keti anenike xe'hepɨstakɨ. ¹¹ Mɨkɨ me'pitiwau meteheti'manikɨ tita tihɨkɨtɨkai wikestɨarika makamiekai. Mɨkɨ siere mepi wautɨwekai metehetimanikɨ kepauku espiritu de cristo wara'hɨawekai mɨkɨ mexi. Ikɨ yeti'yɨanekaikɨ mexita Mɨkɨ ye ti warahɨawekai anyakaimekɨ kentiyinike'kaikɨ kentikuineke'kai cristo rexeiyakai raya'arɨkame. ¹² Waru hekɨatsiri te'maikate mɨkɨ mete parewiekai mɨkɨ yeti anetise, mɨkɨ waetsiekɨ hawaikɨ kuatimiemetɨkai paɨta xe'hetsie timieme'tɨkai, ikɨ ɨxatsitɨarika yen'tiane'kɨ iya wahepɨsta memi atɨwa kakaɨyari niukieya xeme xehetsie mieme espiritu hepɨsta manɨ'arie ta heima paitɨ, yeranyitɨ'kakɨ akeritsixi pɨmete'hauyahɨwa keti waru'hekɨatsirienike. ¹³ Yeti'naekɨ xekena'yuhɨatɨkani yuwarita ketete'etimaitɨkɨka. Xekeneyu'hɨtɨ yu iyaritɨarika'tsie. xe hauyu'waɨriyatɨ nenimayatsika peti'atɨiyarieni xeme kepauku jesucristo yuhekɨata . ¹⁴ Iya tɨri wa'hapaɨ pa'hau'enatɨ, tsepatsɨri pakwara'eriwani kepeuyahɨwa meripai tita petiu weiyakay perakumaikaitsie. ¹⁵ Masitá keane xe uta'hɨawixɨ xeme santo hɨkɨ, xeme, siere, xekene'hɨkɨtɨni santo naimetsie kexenteyiurie yu tukaritsie. ¹⁶ Mɨkɨ pɨreuku'utɨarieri: SATO XEKENE'HɨTɨNI, SANTO NÉ NEHɨKɨKɨ. ¹⁷ Xɨka xeme pɨxete'ihɨaweni ¨Neyau¨ iyá warantaxɨrɨwa karanka'wekamekɨ rekanakemekɨ uximayatsikakɨ teɨteri kemetekakɨ yu xexuitɨ, tukari me'mié xemuhú, xekena'yexeiyatɨ. ¹⁸ Xeme xete akumate oro ni'hapaɨna plata'kɨ kuatiuyɨ , tixaɨtɨ timuriwaweme'kɨ, xeme xemuku'wikestɨarie aixɨ xekate'uhutɨ xe'uerietɨ tita xeteh'etima yu yeyauma'watsie. ¹⁹ mɨkɨmasi xuriya wichiane cristo xuriyaya, muxa nunutsi hapaɨ kamayɨiyatɨ tatakuri karexeiyatɨ. ²⁰ Cristo panayexeiyarie akuxi kwie kayutawewi'wekaku, mɨkɨta hɨkɨ kuinatɨrieka tukaritsie, Mɨkɨ hikɨ hekɨa'tsie xe hetsie, ²¹ Xeme yuri xete erie kakaɨyari'tise kɨmanakɨ Mɨkɨ, ke'ane Kakaɨyari manku'há, mɨkite watsata hapaɨna tiya tuiriyarie rayaarɨkame ke'ane yuri mete'erié memeka'xewiriyani etsiena me nieretɨ Kakaɨyaritsie. ²² Xeme xemeyei'tia yukɨpuri aixɨ'aneme mɨkɨ yexeteka'hukɨ titá tisasunikɨ yetiyinikɨ yukɨ katikueriwatɨ aixɨ eriyarika xeyupitɨatɨ, ya'umieme aixɨ tete hauyueriyani ta iyaritsie. ²³ xeme xeputi nunuiwaxɨ tawarita, atsi hapaɨ hawaikɨ hatsi kwa'hauyaxɨrɨwe'tsie, masipɨtá hatsi kwawewekɨ, niuki mayeniere'kɨ Kakaɨyari kemaine. ²⁴ IYA NAITɨ WAIYARI TUPIRIYA HAPAɨ ANETɨ'HɨKɨ YA'XEKɨA'TA TITA RAYA'ARɨKAME METE'AYEITɨA TEɨTERI TUPIRIYA TUTUYARI HAPAɨ ANETɨ HɨKɨ. TUPIRIYA TIWANI TUTÚ KAWIWIENI, ²⁵ ¨mɨkɨ kakaɨyari niukieya kuakumawere tukari mautihane¨ ikɨ niuki menyatuiriyarie kakaɨyari niukieya xeme.