¹ Iyaa aku ke'ane hɨkɨ maukahaitɨapaitɨ, tepi'enie niukeya, tepixexeiya tatahɨxitekɨ, 'ixɨkai tepixei tepixei meta tepimayɨa tamamakɨ, hɨkɨtɨtɨ niuki tukari yetuaa. ² Hapaɨanata, mɨkɨtukari puhekɨarixɨ, tameta'tepixei , meta nierekate tametehɨkɨ hapaɨstana. Tame texekuxaxatɨwa tukari kwaxɨwe, ke'ane aku Yuyau hamatɨa mukatei, mɨta Iyaa tatsata pukaya. ³ Iya ke'ane temuxei meta tita tete'ueni yaxeikɨa texetehahɨawe, hurateyuhɨawetɨ temakɨnekɨ. Tame tewahamiku Iyaa aku ke'ane hɨkɨ Yaukame meta nu'aya meme JesuCrsto. ⁴ Hapaɨnata ikɨ texeteha utsiriwa temawiya aya'akame temexeiyanikɨ. ⁵ Ikɨ niuki tepu'eni tetana ayenekame mɨta tame texehaxaxatɨwa; Kakaɨya kekarieya hɨkɨ meta hetsiena yuwiriya pumawi. ⁶ Xɨkate tehaitɨkani kename tehamikumama mɨta yɨwirikɨpa te'uuwatɨ, tete'itatɨ teyɨa meta yetekatekahutɨ niuki temikuxata. ⁷ Xɨkateta hekɨariyatsie te'uhuni, 'Iyaa hekɨariyayatsie yukanieritɨa hapaɨ, hamikutsixi tehɨkɨ hipame wahamatɨa, mɨta Jesús xuriyaya 'aku nu'aya naime tatakuri tatsehaukuyeitɨiri. ⁸ Xɨkateta pɨtehaitɨkani kename tatakuri tekatehexeiya, tame teteyu'itaiya meta nuki tiyuri tahamatɨa kwuayukanieritɨa. ⁹ Xɨkatete te'uyutamurukwitɨni tatakuri temexeiyakɨ, Iyaa kwaratixane'erieni hapaɨna aixɨ tiuka'iyari, tareuyehɨwirie tatakuri temexeiyakɨ meta tatsiti'itieni tita tsiti'anetsie. ¹⁰ Xɨkate pɨtehaitɨkani kename tatakuri tekate hexeiya, ti'tawame tepayeitɨa, meta niukeya tahamatɨa tahamatɨakwayukanieritɨa.