2
2 Istamama anmunsha anmusha mapiruch tamama anmusha yanpata chinama. 3 3 Zuwanche, nachgorgina yuwapat waritaru anpata yandamama tuwaimaru iya tapachdaru anotsi ichingroma, No yandakna siyam tuwizpurtamam zurmari tapachdamama mangini tateruni. In watacha Apanll zurmari tayapstarayanllu ano ichingromis Isuschichimis.4 4 Ashpatamsha tpus mak tamapri ashru pshirakiya siyapi shanikis ambi. Ushtisin tayapstaknaya ingizetsi . watatsincha an tpus yutritna, chakaja iyam istach Apanlle pantsakni anotsi yutritshishpata.Chakaja ngichich iya minamri chinakni anotsi Apanlletsi, Isukiritotsi. 5 5 Nasha siya chinamam tachichpa, si yasargitatesa ichingro, Apanllsha tapachdargiya minamta tpusts tashitgoyro Ijiptush watsapni, anmusha wanergiya yuwa nda Apanlle tachikana anotsi. 6 6 kanich wanasrimshetsha watatam wanerginya yuwamad nda tuminrangna uwa Apanll kamachtargo anotsi,Apansha kadentayru tumanrangiya yuwash kizpor tuneru anshu, wanimama yuwash kuskachu anush zari . 7 Gomorra tamapare ashirusi tpus tarangnaya yaktashu, yuwshtisin yakak watsri tarana anshtisin yutrishishush mantsimshishu tarangnaya. Ushtisin aran yutrishish mantsimshe nachgorgania yuwa nda Apanll kamachtako anotsi. Apanllsha yaktarnetsi wanergiya sumaspata urutamri waneshish tachu anshu. 8 8 Tpus yutrit Usha ashritam, wanastatam tupastakiya wanutsetsi. ushtisin ngatrangnaya yuwa kurak atu anotsi, ushtisin tsiyatrannaya ngizetsi tayutritkusna kanich wanasrimshetsi. 9 Kanich wanasrimisha Miguel, yashingpa nambrangnaya anmusha nambrangnaya Moisesmam wanutsi, anmunri kasarganniya kamasmatsi anmusha tayutritmama; Itru Migueisha mangutri targiya: " ¡Apanll shiya wanichiya! 10 10 " Itru insha tpus kamasrangiya yuwa machi nda istaro anotsi. 11 11 Apanll kizpur wanichiya Watam ushtisin kainrinshini wanung tachitrangnawa , ashriya mamarparsin chinarganniya Balaam istachpri atusna. ushtisin tachitrangnaya koreush chinashi. 12 12 Watasincha tpus yutrita ano patumich tamapri ashru kungush wantsush takiya.Tpustisin washnan shaniersin nda paziksin, wanitri katunkanaya tuwizportaksi wanasta.Anshticin kanint tapri ashru nda sinakiya, kambusrumun nakiya. Ansha tpus yasin tamapri ashriya nda yusikya wanusi, tsimnorni tsipatsi, waxixpre xpuma. 13 13 Anshtisin waras tamapri ashru kizpor warastakiya marshu kapotkiya. Ansha tpus ashku an tupastakiya minomsha tputsi wanatsi pazri. Ashtisin tsangach tamapri ashru nda anotsri tamama yuwash wayaku anshu kaninshu Apanll wayargiya urutamrita. 14 14 Enokarini tsimbunorni kuwiz ipdaru an tputsi Atangarinchicha nllurangu ano Apanll Enokarinesni mag ptseeku tarkiya : "Maznantsa mangiptsis Apanll tiptsirpa wazapanpa kuschiya kanich wasrimpshta.15 15 Anshtisin wanichnllniya tpus yutri takna atsi anmusha yuwa Apanlle ngichrangna anotsi anmusha Apanlle tsiyatrankna anotsi."16 16 An tpus wakurcha, ngillmapni, natsampani.Anstisin tpus ungirtaknaya yuwatsimi yuwa ungirtanda tuwapchinspa atu anutsimrita. 17 17 Sisa, zuwanche, chinangis kuz yu tushiranllu tsiyatsi anotsi Aparmunich Isukritumno. 18 18 Isussha wipnash targiya siyatsi:" Minusha zar tachiya tayutritmapanshta, chakawaa kuzizmun tachichka wantatam yutritush tachitkanya." 19 19 Watasincha in tpus xarashe wayakna ano; tsapornasshichi, Uwasha kanich wanasrimish nduni. 20 20 Itru sisa , zuwanche, sanpata chinangis wanasrimshipta Apanllpa tsiyatangis kanich wanasrimshino. 21 21 Anmuri chinashish payungis Apanchmunu itrusha kutangis istamama iyamun Aparni isukiritumuno, siyam yushdachiya tarashish urutamrita. 22 22 Sanpata istantsa yuwa nda tpus Apanlle mag tatkana anotsi. 23 23 ksarintspa inllitritastati sumasip narusnapa urutamri waneshish taru ambi. Sanpata chinantsa chinashpatis , Itrusha punintsa ipunmam tpus yutritpata . 24 24 Apanll shiya ksutakcha uwamun mangish tatkush Apanllmuno. Apanll shiya machchiya uwap tarashi yuwash tuwasneru kurakurtru anshu. Shi mangish kizpor ksakush yutrishetsish tachingasha. 25 25 Watacha an minamri Apanlli iya tapachdaku ano, chakmuno Isukristumno iyamun Aparni, mang ksargiya,kapungo,uwamri kasiru anmusha wizporcha ,ichingromsha zar kuraka kinargiya urutamrita tachu anoma . Wapre.