¹ Vaano, niirekeni? Nihaana nikhalaka ntampini wo wiira mahala yintjive? ² Mena! Hi nikwa wetampini, nikhaleke tjani wa yeeyo? ³ Khan'notjuwela wiira, ntoko tjipattisiyeehu mwa Kristo Yesu, tjitjam'mo nihipattisiya Mookhwaniwawe? ⁴ Phimaana, nihosikhiya ni Yena nlatto wompattiso mookhwa. Iyo yiraniaale wo wiira, Kristo ntoko tjihihimusiyaawe mwanookhwa wo waaria wa papeehu, nihi nihaana neettaka wo makhalelo ekumi. ⁵ Kontha, nakhalaka owataana ni Yena wolikanatja Nukhwa wawe, ninaakhala owataana, Nuhihimuwa wawe. ⁶ Hi ninaatjuwela eyo, wa nlopwana owuuluva hokhomeliya ni Yena, wo wiira eruthu yotampi ekhale yokwanhuliya. Eyo yiraniaale wo wiira nihikhalihiye epotha wo taampi. ⁷ Yoole khwale nahimiya nasariya ovirikana ni tampi. ⁸ Massi, nakhalaka okhwa mwa Kristo, ninaakupalela wiira ninaakhala ni Yena. ⁹ Ninaatjuwela wiira Kristo hokhala ohihimusiyaeriyari ya nookhwa ni hikhanletho ookhwa. Nookhwa kharinatho ekuru wa Yena. ¹⁰ Vano, niikhwaka ntampini, Yena khwale nkwaha m'motja. Nikumi Yena en'mkhalaawe, nokhala wa Muluku. ¹¹ Womanan'na yaayo, mwaakhalihere tjitjam'mo anookhwa mwa nhuuva we tampi, massi akumi a Muluku mwa Kristo Yesu. ¹² Phimaana, n'hihiyenre etampi eholelaka eruthuin'nhu yookhwa, wo wiira mwinwelele tjithu tjotjivelatja. ¹³ N'hithonhihere miphantti tjoruthutjinhu ntampini, wiira nkhale ekaruma yowariya yohinassariya. Massi mwithoonhihere wa Muluku ntoko ookhwa wo wiira n'nava ankhala nlelo. Ni nthonhihere miphantti tjeruthutjinhu wa Muluku ntoko ekaruma wiira nkhale owariya wo sariya. ¹⁴ N'hithunihere wira etampi yuthemakani, kontha khankhanle vathi wo Kettelo, massi vathi wo mahala. ¹⁵ Ni, vano? Nihaana nithekaka kontha khaniri vathiwaya Ekettelo, massi vathi wo mahala? Mena! ¹⁶ Khan'notjuwela wira yoole nhu nuuthonhiherani ntoko ananteko thiyoole n'nomwinwelelen'nhu ni yoole n'nomwinwelelen'nhu? Ekweeli thileela: walaani mwananteko etampi enrwaana onookhwani, walaani ananteko owinwelela onkusa muhimiakatjiyani. ¹⁷ Massi mahala a Muluku! Kontha n'hokhala ananteko otampi, phimaana nkhale owinwelela ni nrima wo levenliya wo kettelo nvahiyen'nhu. ¹⁸ Nkhale othukuliya ntampini ni opankiya epotha osariya. ¹⁹ KInuluma ntoko nlopwana, mwaha wololovatja weruthutjinhu. Kontha, ntoko tjithonhiheralen'nhu miphantti tjoruthutjinhu ntoko epotha tjohiloka ni tjoonhala, womanan'na yaayo, n'nava, mwathonhihere ntoko epotha osariya wottakattifihiya. ²⁰ Woniakatho wiira, mwariinhu epotha oo tampi, nkhale othukuliy wosariya. ²¹ Owakathi yoole, n'hokorokhoni, vano, n'hokhalana tjithu tjen'nhe tjinoniha ehaaya? Kontha wumaleloni wa tjithu tjen'nha nookhwa. ²² Massi n'nava, nkhalalen'nhu othukuliya ntampini ni n'hopankiya epotha tja Muluku, nkhalane n'hokorokho wo ttakattifihiya, emaleloaaya okumi wohimala. ²³ Kontha ethuvelo yotampi nookhwa, massi evaheriyo yo mahala ya Muluku okumi wohimala mwa Kristo Yesu, Pwiyeehu.