¹ Vano nin´hala wira tjani, Abrahamu, athuyiihu omwiiruthuni , n´haapwanha? ² Vano wakhalaka wira Abrahamu aahohimyakatjiya womitekotjawe, aahaana esariya yowaarya, masi masi ohikhnle wameethoni wamluku. ³ En´himiya esyaani yowantikiya? "Abrahamu aahomwaamini mluku, ni yeeyo aaovahiya toko esariya. ⁴ Munvarelani nteko n´hiliviyaka toko yoopwanela, masi toko yoolokihiya. ⁵ Vano wayoole hinvara nteko, masi, ohiya yeeyo, namwaamini yoole nonkhavihera oohaamini, waaminiwawe nrwaa ovahiya niisariya. ⁶ Tjiton´mo Davi aahohimya ankhviheraka nlopwana yoole mluku nvahalyaawe esariya nimwaneene miteko. ⁷ Yena hiira: ooreeriya phiyaale akhanle ooleveliya mwa tjithu tjootakhala, ni etanpitjaya tjookhala tjookhuneeliya. ⁸ Ooreeriya tiyoole apwiya hinvahayaaya etampi. ⁹ Tjitjon´mo oreerihiyan´wo waari pasi waathu owuula wala naale ahuulale? Kontha hiivano ninawuuluma. ¹⁰ "Vano, ayena arwaale ovahiyatjani? Owakathi Abrahamu waaryaawe nuulale wala hinuula? Khaari owuula, masi hinuula. ¹¹ Abrahamu haakhela nthoonhero wowuula, yoole nthoonhero waari othukeliya wosariya wowaamini nthoonheron´na yaakhalihiya athumwaane yaale yaawaamini, ahinakhale owuula. Yeeyo enhimya wira esariya aahovahiya. ¹² Ni tootho Abrahamu aahokhala athumwaane owuula, khunakhala pasi ale yuulihiye, masi, weenan´na emotja, aathara nthala wowaamini athumwanihu Abrahamu ahinaaya aynani wuula. ¹³ Kontha khawaari nlathu wokethelo okhuluvelihiya ovahiyaawe Abrahamu naathwaawe, okhuuvelihiya wira ayena ahokhaa ovahiya elapo. Ohiya vaa, yaavahiye nisariya yowaamini. ¹⁴ Kontha yaale ankhala nikethelo ankhala oovahiya waamini, okhala womahala, nimroromelo womahala. ¹⁵ Kontha ekethelo tjinawaana orusiya, masi opuro ohiri ekethelo, khuuvo ohiwemla. ¹⁶ Woyeesariyeeyo, eri yowaamini, wowiira okhuluvelihiya okhale womahala, ni okhala woororomelihiya nikhoto naabrahamu. ni yaala makhotwaala anaatakaneela naale ahirina ekethelo, masi naale arina waamini naabrahamu, kontha ayena ankhala athumwanihu. ¹⁷ Mwanaka tjantikiyaaya: Mi kihookhaliha thumwaane eelapo tjooteene. Abrahamu aari wakhiviru wayoole nomkhuluvelaawe, wala mluku, yooe naavaha ekumi ookwa, ni nawiihana tjithu tjihirivo tjinarivo. ¹⁸ Ohiya etafaauti tjowariyariwawe, Abrahamu niwaaminiwawe ahonvaha ohoolowawe mluku, ni tootho okhala thuwaane aathu entji, mwanaka tjihimiyaaya: Tjitjon´mo anrwaa okhala athuaa. ¹⁹ Yena khaari oothiyathiyatja m´mwaaminini. Abrahamu aahotjuwela wira eruthuaweeyo khayaapanka asaana kontha aarina eyaakha emiya. Yena tootho aahotjuwela wira mrupo nasaara khanaahala waayara asaana. ²⁰ Masi, mlathu wookhuluvelihiya nimluku, Abrahamu khakhanle oohaamini ohiiwa yeeyo, aahokhala aaminiki, aahovaha wariyari wamluku. ²¹ Yena aari owaamini wira mluku aari thayaari nunvarela nteko waakhuluvelihiyaawe. ²² Phimaana yena aavahiye niisariya. ²³ Khayaari wofayitaawe wira phivahiyaawe esariya nimluku. ²⁴ Masi tootho ehantikhiya wofayiteehu, kontha mluku naanipanka n´nema, hyiivano, ninamwaamini yoole umn´wemlale yesu, apwiyeehu, waathu ookwa. ²⁵ Yoole aavahemriye wonlathu wotampitjihu ni ohunwenlihiya wira nihimeeriye.