¹ Mwaakhenleke oohilipa mowaaminini, masi mwaahiihaka. ² Mthu m´motja nawaamini wira alye tjithu tjooteene, ni mkwaawe oohilipa, mlya tjowiima. ³ Yoole mlya hyitanhifu hyimlya, ni ole hyimlya hyim´hukhumwe ole mlya, kontha mluku honthuna. ⁴ We opani oopwanela omphukela nanteko? Apwiya yaayo yena wankhalaawe oweemela wala omora. ni yena naahala okhala oolipa, kontha apwiya tokuru wira amlipihe. ⁵ Mthu naavirikaniha nihuku nimotja ni nikwaaya; mkwaawe naalikaniha mahuku ooteene. khula mthu akhalihe ekweeli muupuwenlwaawe. ⁶ Enkhaliha ovirikana mahuku, apwiya anaavara. Ole mlya, mlya waapwia, kontha nvaha mahala wamluku; ni yoole himlya, naahiya olya waapwiya, ni naanvaha mahala mluku. ⁷ khaavo wahi niikhala; ni khaavo niikwela. ⁸ nakhalakavale, naapwiya nin´nokhala, ni nakwakavale, waapwiya nin´nokwa, phimaana, okhala, okwa, niri waapwiya. ⁹ woyeeyo kristu hokwa, ni haakulelatho okhala, wira akhale pwiya aathu akwale naathu akumi. ¹⁰ Nhu esiyani omlamulaka mun´ninhu? Wala nhu, esiyani ontanhifuku mun´ninhu? Maana hyi ooteene nin´hala orweehiya omphukiya milathu wamluku. ¹¹ Kontha eri yowantikhiya: okhalawaka wokweeli, yiiraka pwiya, wira makutta ooteene an´hala okikokhorela, ni malimi ooteene anaahala onlaphulula mluku ¹² Tjitjon´mo, khula mthu wa hyi n´hala otthoonhera mwaneene wamluku. ¹³ Phimaana, nihihukhumwaneke mkina ninkwaawe; ohiyatthovaa, kiholakela hikhale mun´na n´hala okusa mluku amrihelaka mun´nawe. ¹⁴ Mi kinaatjuwela, kiri oohikossa waapwiya yesu, wira khiivo eri yootankuwa mwaneenyaaya, woovirikana woo yoole niirela khula ethu yootakhala, woohikhala yoole niirela khula ethu yootakhala. ¹⁵ Wakhalaka, wira mwaha wo yoolya, mun´nenhu naatjukulatja, khan´neethatto mun´fentoni. M´aakwanhule niyoolyeenhu yoole kristu mkwenlyaawe. ¹⁶ Vano, n´hithuniheke wa yeele eniirelenhu yooreera ekhalaka yootarawiya. ¹⁷ Kontha omwene wanluku khunakhala woyoolya wala yoowuriya, masi mwaha wosariya, mrethele nuutheeliya mun´nepani nthakathiifu. ¹⁸ Maana yoole mvara nteko mwa kristu naathuniya ninluku nii nakupaliya naathu. ¹⁹ Nithareke, tjithu tjonretheleni tjinonteka nthu nimkwaawe. ²⁰ M´hitankule nteko wamluku mwaha woyoolya.Tjithu tjooteene tjiri tjooreera, maana pinaatamo phikhanle oolya nuutarawa. ²¹ Wanaareera ohilya enama, wala ohiwurya nipha, wala ethu ekwaawe enonthekiha mun´nenhu. ²² Wiisunke we nimluku enthunaa mwaha woyeeyo. Ooreriya tiyoolehimphuka yeele enlawihiyaawe. ²³ Yoole naanhihera naathukeliya alyavale, kontha kharwaale ni waamini; ni yooteene ehim´mwa mowaamini enkhala yootheka.