¹ Ahalelaka mahuku meli wowira ephieere pascoa ni essukuhuulu yo phau tjo hi miiropo. Anamukutho ni anamalepa ekano yahokhuma emphelatjaka manan'na ophela onthuka nu mwiva. ² Ni yeera: "Ohikhale nihuku no pascoa, wira hikhumeen'le nokwa eriari ya athu". ³ Yesu ari o Betania owan'nhawe Simao, namakuttula, owakathi woromelawe wa metja, ahomwattameen'la athiana amotja ni n'tiita wo makhura onukhela. yahopuessa n'tiitooyo ni yahonttikithela wa muru wa Yesu, ⁴ Vano akhuawe yanatikhinihiya. Yerelana tjo: "amwarissatjelani eperfumeela? ⁵ Eperfumeela yanatumihiya n'surukhu muin'tji ni yanavahia amassikhini". Ni yanawavanhiha. ⁶ Vano Yesu hira: "Muin'hiye ni n'rettele. N'nohuviherani? Yena hokipakela ethu yorera. ⁷ Eriarin'nhu anaahala okhala amassikhini ni muaphela poti wapanka yorera, vano, khan'notho ni mi. ⁸ Yena pankalee eela yaphela, hottikithela eruuthuaka ehinaya ossikhiya. ⁹ Vee khueli kina wuuhimeriani, nipuro nin'phela oruaa olaaleia etuniya yotene, enahala ohimia ethu epan'kale nthianola, upuweliaka". ¹⁰ Vano Judas Iscariotes, horua n'paka wa namukutho okowatumihera Yesu. ¹¹ Anamukutho winwaliaya, yahotteliya ni yahon'khkuluveliha on'vaha n'surukhu. Ni yena ahantjera opheelatja manan'na ophela wavaha Yesu. ¹² Nihuku no patjera no sukuhulu tjo phau tjoo himiropo, owakathi ayena wapankaia kutho epuittipuithi yoo pascoa, arun'muawe yahira: "Nathenkatje vaii eyoolia yo pascoa?". ¹³ Yena aharuma arun'muawe eeli ni howirela: "N'rue opooma n'naapuanha n'lopuana nakussale n'ttoka no matji. muinthare. ¹⁴ Nipuro nin'halaawe okeela, muinthare ni n'mwirele muanene enupooyo: "A pwiya yirale: Kinkolha vaii eyolia yo pascoa na run'mweaka?". ¹⁵ Ni yena nahala wuthonherani esaala yothenkatjiya erri n'tjulu. Mwathenkatje wonwo. ¹⁶ Arun'mwe yahokhumatja ni orua n'paka opooma; ahopuanha tjotene Yena tja himaliawe ni yahothenka eyolia yoo pascoa. ¹⁷ Vano winlaliaya, Yena howa ni yale khumi neeli. ¹⁸ Vano wantjeraliaya olia, Yesu hira: "Vee kueli kinauuhimeriani, m'motja m'motja vaa, nolia ni mii, narua okitumiiha". ¹⁹ Yahotjukulatja otene na m'motja m'motja ahomuirela: "Thi mii?" ²⁰ Yesu, akhulaka, howirela: "M'motja wa nhuuva, yoole noonaniha ephau n'tigelani. ²¹ Kontha muana nthu noorua ntoko tjantikhiyaya mwaha wa Yena; yole N'kontumiha!. vaala hiyariye". ²² Owakathi waliaya, Yesu hokussa ephau, horeriha, homia ni havaha. Ni hera: "Kussani, eela erutuhuaaka". ²³ Yena hokussa e kalice, hossukhuru, havaha otene owuria. ²⁴ Vano howirela: "Eela ephomiaka yowataniha, ephome emuarissiye muaha wa athu entji. ²⁵ Kweli kinohimeeriani, Akin'vriatho n'nhee tjowinma tjoo n'mattanin'paka nihiku Nin'ruaka ovuria evinhu yonanao wo mweneni wa Muluku". ²⁶ Wipaliaya ntjio, yahorua Omuako wo Oliveras. ²⁷ Yesu howirela: "Nhu otene N'nahala okithiawa, kontha ehantikhiya: "Kinahaala on'rakaliha Makamputji ni epuithipuithi tji nahala ovavariatja". ²⁸ Kinavuwenlale, kinahala oholela o Galileia". ²⁹ Pedro homuirela: "Hataa wahalaaia wuthiawani, mi akinuuhiyani". ³⁰ Yesu homuirela: "Vekhueli Mi kinawuhimeria, ohiyu yoola, hinaya wiipa nthupi emaara piili, wee onahala okikhotta emaara thaaru". ³¹ Pedro hira: "Haata kikhuaka ni nhuu, akinokhottani". Otene aale yahokhuluveliha yeeyo. ³² Ayena ahoruatja nipuro wihaniaka Getsemani, ni Yesu howirela arumeiawe: "Monkomatje vaa Mi kivekelaka". ³³ Yena honkussa Pedro, Tiago ni Joao, ahantja ohuva nussaankatja. ³⁴ Yesu howirela: "Erohoaka eri yotjukula, kiphelaka okua. Nkaleva vaa ni n'wehawehe". ³⁵ Yesu ahorua ohoolo vakani, homorela vathi, avekelaka, wira, wanonaniaale, owakathiula onan'vireen'le. ³⁶ Yena hira: "Aba, papa, tjotene tjiri tjokueya muanhu, nkumihe ekaliciila waa mii. Vano, ohikhale othuna waka, okhale othuna winhu". ³⁷ Yena hohokolia, apwanhale erupaka, homuirela Pedro: "Simao, wee onarupa? khu wehaweha onakhala ewora emotja? ³⁸ N'vekele ni N'wehawehe wira n'hittehatehie. N'nepooyo ori thayari, massi eruthu eyotjiatjia". ³⁹ Yena hokhumatho ni hovekela, huluma yaayo mulumo yaaya. ⁴⁰ Yesu howatho hapwanhatho arumwawe erupatjaka; menthoawe yaholemelia ni ayena khayatjuwela yo Wa himeeria. ⁴¹ Yena howatho ekuaha yo natharu howirela: "N'narupatja nlelo ni n'mumulaka? Paassi! Owakathi ohophiya. Muana anthu neera avahiaka n'matatani wanamatheka. ⁴² N'vuwatje, nttue! Oole nokitumiha hophiya". ⁴³ Wowakuviawene, Yena ulumakaan'no, Judas, howa, ni athu entji yari ni yena; anari ni catana hata ni miri, nphanthi wanamukutho, nii anamalepa ekano ni ma huumu. ⁴⁴ Namatumiha havaha n'thonhero, iiraka: "Yoole n'kelaka om'petjari". Muin'thuke ni Muin'kusse" ⁴⁵ Judas waphiyaliawe, wowakuviawene howa npaka nipuro narin Yesu ni Homuirela: "Rabi" Hon'petjari. ⁴⁶ Ni ayena ahonkussa ni ahonthuka. ⁴⁷ N'motja wa yaale arivo nipuro nen'no ahokumiha ecatanawe, ahon'rakaliha nan'teco anamukutho ni ahon'thikila n'nharu. ⁴⁸ Yesu ahomuirela: "ohokhuma wira awikithuke n'toko latarau, ni catana ni mi kopo? ⁴⁹ Owakathi kariaka ni nhu kussomihakani khuta nihuku n'kapela, khan'kithukale. Ila epakeliye wira tjowan'tikhiya tjiiraniee". ⁵⁰ Ni yale yari ni Yesu yahon'hiya ni yahothiawatja. ⁵¹ Muavano m'motja anan'thara, awarale ekuwo yoo linho yanonrukureria, ayena yahonvara, ⁵² muavanoole ahohiya ekuele ni ahothiawa mata mata. ^{53 54} Yesu ahookusiya wa namukuthoo. Anamukutho oteene, mahumo ni akhulupale anamukhuthoo yahookumana. ⁵⁴ Yoyo owakathiyo, Pedro aneera avirianaca nari othai, n'paka n'luwani wanamukutho. Yena ahokuma ni ma kuaarta, yathamelale mooro, yeera yooraka. ⁵⁵ Akhulupale anamukutho ni aholeli otene yanaphelatja manan'na ophela omotheria Yesu, wira amwinve. Ayena khayaphuanhale ethu, ⁵⁶ vano entji yahomananiha omotheria Yena, hataa tjen'nho tjahimiiyanho tjakhala tjowothiya. ⁵⁷ Hahokhumen'la akhuawe yahomotheriatja ; yera tjoo: ⁵⁸ "Nihomuin'wa iiraka tjoo: "Mi kinahala okuanhula ekapela etekiye ni matata apinaatamu yavira mahuku mararu kinateka ekhuaawe, yohitekiya ni matata apinaatamu". ⁵⁹ Hata tjon'mo tjohimiatjaya yana mootha. ⁶⁰ Vano, namukutho ahovuwa eriiariaya honkoha Yesu: "Wee khunakhula ethu? Athuala en'himiaya muaha wa wee?" ⁶¹ Yena ahomaala ni khakhulale ethu. Namukutho honkohatho: "Wee o Cristo, Muana a Muluku Oreera?" ⁶² Yesu hira: "Aayo thi mii. Ni n'nahala omoona Muana An'thu nookomale moono welopuana Okuru ni awaaka ni mahutte owirimo". ⁶³ Yeeyo, namukutho ahahuula ekuwo tjawe hiira: "Ninamuapheelatho athu? ⁶⁴ N'hiwa yowothieelava. Vano n'nohimiani?". Oteene yahon'thukela Yesu on'phuanelaka win'viya. ⁶⁵ Akhawe ahantjera onsuwela ni enthiyenlaka witho wawe, omuatha Yena ni phiraka: "Ohimie" Ma kuarta Yaa honkussa ni yahouatha Yena. ⁶⁶ Pedro narieyene n'phanthi woo vathi, va puwani, nan'teko m'motja anamukutho ahowa n'paka nipuro naariawe. ⁶⁷ Yena, wamonaliawe Pedro, ooraka, hon'mueheha saneene ni homuirela: "Wee wari ni Nazareno, Yesu". ⁶⁸ Yena ahokhotha, iiraka "Mi akin'tjuwela waala akinowin'wa en'himiaa". Vano yena hokhumela wapuwani. ⁶⁹ Wonwo, nantekole homona ahantja wiratho ahimerialka yaale yarivo nipuron'ne: "Nlopuanoola rii niyooyo!" ⁷⁰ Yena ahokhotta tho. Vano, yaale yari nipuron'ne yanan'phuanha Pedro amuirelaka: "Khueli wee ori ni yooyo, ninowona n'toko weyova o n'galileu. ⁷¹ Yena ahan'tja wananariha ni aluphelaka: "Mi akinon'tjuwela yooyo n'lopuana n'nohimien'nhuu yo". ⁷² Vano, wowakuviawene, n'thupi ahipa ekuaha yoo na piili. Pedro ahupuwela mulumo a Yesu yamuiren'liawe: "N'thupi hinipa emaara piili, onahala okikhotta ekwaha thaaru". Yena ahotjukula ni ahan'tjera wun'la.