¹ Athamenlalene o Jerusalem, wakivirwaya o Betfage ni o Betania, omwako wo Oliveiras, Yesu haruma arumeyawe eeli, ² ni herelatja: "Nrwatje onthetheni ori oholowinhu. Mwaphiyavale, n,napwanha enama yohithenkatjiya. Mwathukule mmwane. ³ Akhala nthu owukohani: kontha esiyani mpankaka ela?, Mwakule:Apwiya anaphela ela ni anahokolosera wonno." ⁴ Ayena yahorwatja ni yahopwanha enamele enathukenliye wankora, nphanthi woota mwinthalani ni yahothukula. ⁵ Athu akina yarii nenne nipuronne yahaakoha wira: "Mwinpanka essani nthukulaka enamela?" ⁶ Ayena yahakula ntoko Yesu tjahimeralyawe, ni athwale yahahiyatja arwatjaka. ⁷ Arumeyi elyale yahokusa enamele wa Yesu, yahowapihatjiya wa yeyo, ni Yesu ahothenka yeyo. ⁸ Athu entji yanawatala ekuwotjaya mwinthalani ni akina yatala miritha tjakalaya othikila nmamathani. ⁹ Ale yarwaa oholowawe ni ale yanthara yanakuwela: "Hosana! Yorerihiya tile emmwaa mwantjina na apwiya! ¹⁰ Worerihiya okale ophewe onmwaa wapapehu Davi! Hosana wiirimun wo" ¹¹ Vano Yesu ahokela o Jerusalem ahorwaa okaphela ni ahona tjotene tjarii nenne nipuronne. Onari otjotjilo ohiywaya ahorwaa o Betania ni arumeyawe kumi neeli. ¹² Nihuku nowakulela wahokolelatjalyaya o Betania yahonvola etala. ¹³ Ononale nri mmotja withonhiheraka matakurwaya nthayi nthayi, ahorwaa wona kampa tjihavo mihokoroko. Onathamelale kaaphwanhale ethu wahukala mataakuru,, mana kawaari owakati oninmaya. ¹⁴ Yena ahirela nryule:"Kavo tho onrwaa olya n'hokorokwaa totho". Ni arumeyawe yahin'wa yahimalyawe yena. ¹⁵ Ni yahowa mpaka o Jerusalem.ni Yesu akelaka nkapela, ahopatjera owomolatja athu nmwe yatumiha ni yathuma. Ahokwanhulatja metja anamaturukari misuruku ni ihitje tjaale yatumiha ikuntha. ¹⁶ Ni kakupanli on'hiya hata nthu aviraka onakusale ethu yotumihiya. ¹⁷ Yena anawasomiha eraka: ''kava lepiye: Enupaka enrwaa wihaniya enupa yoswaliya wa elapo yothene?'Vano nhu munpanka nipuro nomavatinhu''. ¹⁸ Aholeli anamukutho ni anamalepa ekethelo ahomwin'wa yahimalyawe ni yaphavelatja mananna omwinva. Vano yanamovatja, mana athu otene yaari osanka osomihawawe. ¹⁹ Onaryene otjotjilo, ayena yahokumatja npomammwe. ²⁰ Ni owitjiswene, yethakanno, ahona wira nryule wahumma nimiritathinnhe. ²¹ Vano Pedro, ahupuwela, eraka:''Rabi, nri onanarihalennhule ohumma''. ²² Yesu ahowakulatja: nkalane wamini eriyari ya Nluku. ²³ Wekweli kinawuhimerani wira mmotja tjiritjinnhuvaa onrwaa wirela ola mwakola: 'Wivuse vaa ni witipele mpahari, ni nohanhihera vanrimaniwawe, ni akupalelaka wira enakumenla yulumalyawe tjommo nluku onapanka. ²⁴ Timana mi kinawuhimeryani tjinlepelen'nhu nuuswali, mkupaliki wira nnawakela, n'nahala nvahiya. ²⁵ Mwakalaka nswaliki, nhu n'hana n'levaka tjotene tjikanlennhu opankiya ninthu, wo wira apapennhu ari wirimu na ayena yolevelelekeni tjothekatjinhu. ²⁶ Mana mwahileveleleke, tjitjammo apapennhu owirimu kanrwaa wolevelelani tjothekatjinhu. ²⁷ Ayena yahihokolelatja o Jerusalem, Yesu ethelaka okapela, aholeli anamukutho, ni anamalepa ekethelo ni aholeli ommathinini yahorwatja wa Yesu. ²⁸ Ni yahonkohatja wira: Niikuru tjosiyani opankelaa nnha ethunnha? Ni tupani ovahale ekuru wo wira opankatje? ²⁹ Ni Yesu ahahimerya: Kinrwaa wokohani, nkakule ni kinrwaa wohimeryani owerya wo siyani mi kinpankelaka nnha ethunnha: ³⁰ Npatiso wa Joao nrapiha waari wo wirimu wari wathu? Nkakulatje'' ³¹ Ayena yolumatja yayoru yiraka: Neeraka: Ya Nluku, yena nrwaa wira: Vano mwahankupalelani? ³² Ni neraka yaari yathu' '' Ayena yanawova athwale kontha otene yanakupali wira tjuwawu ari namallalya a nluku ekweli: ³³ Vano yahomwakulatja Yesu: ''Kanintjuwela'''. Ni Yesu ahoweratja: ''Hata vakani nimi akinohimeryani niikuru tjo siyani kinpankelaka nnha ethunnha''.