¹ Yesu ahoorwaa 0mwako wo Olivera. ² Owitjusu tjinene, ahorwaa thothoni Okapela; ni aathu othene yahon'wela yena; yena ahonkoma ni ahopatjera wasomiha. ³ Anamalepa ni ma fariseu yahon'wana nthiyana mmotja aphwanhiye ethaka oluva; amwesatjaka eryari ya athu othene. ⁴ Ni ahomwirelatja: Mwithutjihi, ola nthiyanola onophwanheriya aluvaka. ⁵ Eworti ya Moises ennihimerya wira yayo athiyanayo ahana ovonhakatjiya ni maluku; vano we onira tjani? ⁶ Ayena yolumatja nnho wira anthehe ni akalane ethu yo motherya, masi Yesu ooromaka, ahopatjera olepa vathi ni nikokho. ⁷ Maana yanankanhereriha onkohan'wo, Yena ahon'wa ni aheera: ''Ole ohirina etampi akale onrwaa opatjera onvonha ni nluku''. ⁸ Vano ahohokolela wooroma ni ahoturuwela olepa vathi ni nikokhonawe. ⁹ Win'watjalyaya eyoyahokumatja mmotja mmotja, yapatjeratjaka asulupalyayayo; ni ahohin'ya vekawe ni nthiyanole onahanle eriyari. ¹⁰ Yesu ahon'wa ni ahomwirela: Nthiyana, arii vayi ale awontherya? kavo ohukumwale? ¹¹ Yena ahaakula: ''Kavo Pwiya''. Yesu aheera: ''hata minnhano akinohukumu.Orweke masi ohitheketho. ¹² ThothoYesuaheerelatja: Minnhano kinthuko weelapo. Ole onkithara kanrwaa weetha wiipiphini, masi onrwaa okalana nthuko weekumi''. ¹³ Mafariseu yahomwirelatja: ''We ononvaha namoni awaa; namonyaa kahiyena eekheli'' ¹⁴ Yesu ahowakulatja: ''Hataa minnhaano kinvahaka namoni awaka, Namonyaka teekhweli. Minnhaano kinnotjuwela onkumaaka ni onrwaka, masi kamwintjuwela onkumaka hataa onrwaka. ¹⁵ Nhu nnolamula mwiruthuni, Minnhaano khavo nonlamulaka. ¹⁶ Ni minnhaano kalamula, olamulawaka tiweekweli, kontha nkirii vekha, masi minnhaano kirii na papa akirumale. ¹⁷ Ni n'wortiniwinhu woolepiya wira namoni aathu eli teekhweli. ¹⁸ Minnhano kinonvaha namoni awaka, ni Apapa akirumale ananvaha namonyaka. ¹⁹ Ayena yaheeratja: ''Arivayi apapaayo?'' Yesu ahowakulatja: nhu Kamwinkitjuwelatja minnhano, hataa apapaka ; mwaakitjuwelatjale, mwanawatjuwelatja apapa. ²⁰ Yena oolumatja ala molumwala wathamela nipuro naavahiya tjovahiya, wasomihawe nkapela, ni khavo anthukale kontha okatyawe waari ohinaphiya. ²¹ Ni ahowirelatja ekwaha ekhwawe: ''Kinarwaa, ni munrwaa okitholathola, masi munrwaa okhwa ntampiniwinhu. Onrwaka nhu kamunkitiri orwaa''. ²² Ni ma judewayo yeera: Pooti onrwaa wiitjiva? mana neera: Onrwaka, nhu kamunkitiri orwaa. ²³ Ni eerelatja: ''nhu ovava vathiva, Minnhano on'wo otjulun'wo. Nhu owatuniya yeela, Minnhano akihiyena oyeela etuniyela. ²⁴ Pimana minnhano kiwerenlyakani wira mwinrwaa okhwatja npampini winhu, mana mwaahikupali wira MINNHANO TI MI, mwinrwaa okhwa ntampiniwinhu. ²⁵ Vano pamwirelatjaya: ''We tipani?''. Yesu ahoowakulatja: ''Enohimeryakani minnhano ekumelo wopatjera. ²⁶ Kihana tjithu tjintji tjowula ni wira kulamuleni nhu. Masi ole okirumale minnhano teekhweli, ni tjithu kimwiwalyaka, tjennho tinohimeryakani. ²⁷ Ayena kayatjuwelela wira yena oolumela Apapawe. ²⁸ Yesu aheerelatja, vano: ''Mwanvusaka mwana nthu, vavaa nnahala otjuwela wira MINNHANO TI MI, ni kivo empankaka veekaka; mai kimpanka ntoko apapa tjikisomihalyaya. ²⁹ Ni yoole okirimalyole orii ni mi ni yena kankihiya veekaka, mana minnhano kinpanka tjithu tjinontjivela''. ³⁰ Yesu ahimyaka nnha tjithunnha, entji yanonkupalela. ³¹ Yesu ahahimerya ma Judeu yankupanli. Nyuu mwaakala nnulumoniwaka weekhelikhweli nnahala okala arumeyaka. ³² Ni nnahala otjuwela ekhweli ni yeyo enahala wutaphulatjani. ³³ Ayena yahotjipwa. Ayena yahaakulatja: ''Naasana a Abrao, ni kaninatoka okala epotha ya nthu, vano oninrelaa tjani we: ''Nnahala othaphulatjiya'?'' ³⁴ Yesu ahoowakulatja: ''weekhweli, weekhweli, kinawuhimeryani onpamka etampi onkala epotha yo tampi. ³⁵ Epotha kinkala okati woothene wapuwani, masi mwana onkala okati wothene. ³⁶ Pimana mwana othukulatjani, weekhweli mwinrwaa okala otaphuwatja. ³⁷ Minnhano kinatjuwela wira mwaasana a Abrao; Nyuu mwimphela okiva kontha molumwaaka kamphwanha opuro wa nyu. ³⁸ Minnhano kinoluma yonalyaka wa papa, ni nyu mwimpamka mwawiwalennhyu apapennyu. ³⁹ Ayena yahaakulatja: ''Apapehu ti Abrao'' Yesu aheerelatja: ''Nnari asana a Abrao, mwaraa ovara miteko tja Abrao. ⁴⁰ Mothemmo mwinphela okiva, kinohimerakani ekhweeli kiwalyaka wa Nluku, masi Abrao kapankale eyo. ⁴¹ Nyuu mwimpanka miteko tjapapennyu''. Ayena yaheeratja: ''Hi kaniyariye muuraruwani; Hinnyano nihana apapehu amotja, Nluku''. ⁴² Yesu aheera: ''Onari apapennyu Nluku, nyu mwanaha ofenta, mana kinkuma wa Nluku, ni vaa kirii; kontha akinkuma wa minnhano, masi yena tikirumale. ⁴³ Kontha esiyani nyu kamwintjuwelela molumwaka? nlathu wohikitiri win'weeha nulumonaka. ⁴⁴ Nyu mwaathu papennyu, sotwani, ni nyu mwimpanka oyhuna wa papennyu. Yena namwiiva nenne ekumelo, ni kakhanle muukhwelini, kontha ekhweli kayaari mwa yena. Yena oothaka, onuluma ekalelwawe, kontha namootha ni apapaaya wootha. ⁴⁵ Masi, mana minnyano kihinmya ekhweeli, nyu kamwinkikupali mi. ⁴⁶ Tipani tjirinnyuvaa onrwaa okotherya etampi? Kooluma ekhweeli, muhinkikupalelani? ⁴⁷ Ole orii a Nluku onamwinwelela molumwawe; pimana nyu kanin'wa, kontha kan'hiyena a Nluku''. ⁴⁸ Ma judeu yahoomwakulatja: ''Poti kanirina esariya neeraka wira we nsamaria ni ohana sotwani?''. ⁴⁹ Yesu ahoowakulatja: ''Mi nkirina sotwani; masi minnyano kinonthithimiha papaaka, vano nyu kannothithimiha. ⁵⁰ Minnyano akinthola waryawaka; ohavo omphelatja ni ohukumu. ⁵¹ Weekhweli, weekhweli, kinawuhimeryani, ole onsunka nuulumonaka kanrwaa woona okhwa''. ⁵² Ma judeu yahoomwirelatja: ''Vano ninatjuwela wira ohana sotwani. Abrao na namalalyaa ahokhwatja, masi we oniira: 'Ole onrwaa osunka nulumonaka kanrwaa woona okhwa'. ⁵³ Manaaya we omulupale onvikana Abrao okhwale? Anamalalya tjitjammo aakhwatja. We omphela okala pani?'''. ⁵⁴ Yesu ahoowakulatja: ''Kineevuwihale kimwanene, waaryawaka kowarwaa okala ethu; Apapaka tankivuwiha, Yoyo oneratjennyu pha papennyu. Nyu kannontjuwela yena, masi mi kinnontjuwela. ⁵⁵ Vano kineerale akinontjuwela, karwaa okala namootha ntokoo nyuu. Vano kinaantjuwela ni kinasunka nuulumonawe. ⁵⁶ Apapennyu Abrao ahhotheliya woonalyawe nihukunaka; Yena ahoona ni ahootheliya. ⁵⁷ Ma judeu yaheeratja: ''We kurina hataa myaka hansiini tjeeyarelo, ni ohomona Abrao?'' . ⁵⁸ Yesu ahoowakulatja: ''Weekhweli, weekhweli, kinawuhimeryani wira ohinakala Abrao, MINNHANO TI MI''. ⁵⁹ Vano, phaakusatjaya maluku wira anvonhakatje, masi Yesu aheepitha ni ahookuma nkapele.