¹ Minnyano kuhimeraleni nnya tjithunnya wira mwiikakathuwe. ² Ayena anahala owomolani mmasinagoga. Weekhweli, oneera ophiyaka okati wo wira yoole onrwaa owivani onrwaa woona ntoko onimlompa Nluku. ³ Ayena anrwaa opanka eyo kontha kaanatjuwela apapa hata minnyano. ⁴ Mi kuhimeraleni nnya tjitunnya, wo wira waphiya owakati, muupuwelele mananna tjuhimeralyakani mwaha wa tjennyo tjithunnyo. Minnyano akuhimeraleni woopatjera kontha karii ninyu. ⁵ Masi vano mi kinrwaa wayoole okirumale; ni nanlelo kavo wa nyennyuva onkikoha: 'Mwinrwaa vayi?' ⁶ Masi mana mi kohuhimeryani nnya tjithunna, otjukulatja ohoyjara wanrimaniwinyu. ⁷ Masi mothenenmo, mi kioohimeryani eekhweeli: Piwoorera mi orwaa; mana kahirweeke, namamalihoyo kan'hala woweelani; masi minnyano karwaa kinahala wovahenrani. ⁸ Namamaalihoyo awaaka, wooryatja etuniya mwaha wo tampi, wo sariya ni nlamulo. ⁹ Wo tampi kontha ayena kaakikupanli mi; ¹⁰ wo sariya, kontha mi kinrwaa waapapa, ni nyu kamwinkona tho; ¹¹ Ni wo nlamulo, kontha mpewe oyeela etuniyela holamuliya. ¹² Nanlelo kihaana tjithu tjintji tjowuhimerani; masi nananovaa kamwin'hala otjuwelela, ¹³ Masi tjonmo,Nnepa weekhweli wawaaka, Oyo onahala owethiherani muukhwelini mootheene; mana kunrwaa witjulumela; masi onrwaa wohimeryani tjinrwaaya wiiwa, ni onhala wohimeryani tjithu tjinrwaa okumelela oholo. ¹⁴ Yoyo onahala okivuwiha, mana onrwaa waakela erii yawaka, ni onaahala wohimeryani. ¹⁵ Yoothene erinaaya apapa ti yawaka,Minnyano kiirale nnepa onrwaa waakela eri yawaka, onhala wohimeryani. ¹⁶ N''hina wo wakati vakani, nyu nnahala okona, ni onavirale okati vakani, thotho nnahala okoona. ¹⁷ Vano arumeyaawe akina yeera yayooru: '' Esiyani yeeyo ennirelaweeyo: 'Owakati vakani ni nyu kamwinrwaa okona', ni nanlelo, 'onavirale okati vakani, ni thotho nnahala okoona,' ni, kontha mi kinrwaa wa papa'?'' ¹⁸ Pimana yaheeratja: Esiyani yeyi enulumaaweyo: 'Okati vakani'? Hinnyano kanintjuwela yena onatjaawe''. ¹⁹ Yesu ahoona wira yaaphela onkohatja, ni aheerelatja: ''Mwinkohana yayooru wo yeela kuhimenryakanila: 'N'hina wo wakati vakani, nyu nnahala okoona; ni onavirale okati vakani nnahala okoona totho''? ²⁰ Weekhweli, weekhweli, kinawuhimeryani, nyu nnahala wunla ni otjukula, masi etuniya enahala otheeliya; Nyu nnahala okala otjukula, masi otjukula winyu onahala othatuwa otheeliiya. ²¹ Nthiyana onakala otjukula awerennyaka eretha yowuuyarani kontha okatyawe wooyara ohophiya; masi onayaraleene, kanuupuwela tho tjoweryaatjawennye, nlathu wootheeliya mwaha woonyara mwana wa tuniyani. ²² Tjitjammo, nyu nnaatjukula nananovaa, masi mi kinhala owoonani tho; nrimennyu onahala otheeliya, ni kaavo onrwaa owaakani wonwo otheeliyanwo. ²³ Nenno nihukunno nyu kamwinrwaa okikoha ethu. Weekhweli, weekhweli, kinawuhimeryani, mwaalepela apapa ethu mwa ntjinanaka, ayena anarwaa wovahani. ²⁴ Mpaka nnava kankilepenle ethu mwa ntjinanaka; nlepele ni nnamwaakela, wo wira otheeliyawinyu olikane. ²⁵ Minnyano kuhimeraleni nnya tjithunnya nimilathanihero; masi oneera ophiyaka okati kinrwaaka wuuluma wohimilathanihero, masi sanene kinrwaa olalyaa tjithu tja Papa. ²⁶ Nenne nihukunne, nyu nnahala olepela mwa ntjinanaka, ni mi kinawuhimeryani wira kinahala wuulepelelani waapapa; ²⁷ Mana yayo apapayo anawufentani, kontha nneera nkifentaka ni nnakupali wira mi kinkuma wa Papa. ²⁸ Minnyano kikumale wa Papa karwaaka otuniyani, Toho kinhiya etuniya ni kinarwaa wa papa''. ²⁹ Arumeyaawe yaheeratja: ''Vano vaa nnawuluma saanene; kamwinkusa milathanihero. ³⁰ Vano ninaatjuwela wira nyu nnatjuwela tjithu tjoothene, ni kamwinphela wira nthu okohakoheni. Nlathu wo yeeyo, ninaakupali wira nwaale wa Nluku. ³¹ Yesu ahaakulatja: Vano nnakupali? ³² Owakati oniira awaaka, ni khweeli ohophiya, wanrwennyu omwarusi wo kula nthu mmathokowawe, ni mwinrwennyu okihiya veekeka. Masi akirii veekaka , kontha apapa arii nimii. ³³ Minnyano kinohimeryani nnya tjithunnya wo wira nkalane nrethele ni mi. Ntuniyani nnahala okalana mikatjamiho, masi nkalane ovilela; Minnyano koothema etuniya''.