¹ Uye zvakaitika kuti, rimwe zuwa, ajinji aipfanyirirana akatenderera Djesu kuti azuwe soko ra Mwari, uye Iyena anga akaima pamutcheto pe dziwa re Genezare. ² Iyena akaona mabhande mairi ari paduze ne dziwa, waedzi anga atchita uye aisuka maritcheraao. ³ Hino Iyena akakwira murimwe bhande, rangariri raSimon, uye omukumbira kuti aribvise padhoko kubva mumbvura. Djesu akazogara uye arimubhande waifundisa ruginji. ⁴ Pakapedza kufundisa, Djesu akati kuna Simon : "Tora bhande ukande mumbvura yakadzika uye kandirai maritchera enyu". ⁵ Uye Simon akadhaira: "Mufundise, tasenza usiku wese uye atina tchatabhata, asi nokudha kwesoko renyu ndino khandira maritchera". ⁶ Apedza kuzviita, aona akabhata howe dzakawandisa, uye maritchera ao akatanga kumweka. ⁷ Hino aona akadhainza adhoni ao emubhande rimweni kuti auye kuzowabhatsira. Aona akadzadza mabhande ese mairi uye aishota padhoko kuti andondomere. ⁸ Pakazviona izvi Simon Peduru, iyena wakapfukama pa tsoka dza Djesu, etchiti: "Ibvai kwandiri, nokuti ndiri mushaishi, Ishe". ⁹ Nokuti iyena no ese anga arinae akashamisika noku edza kwaiita. ¹⁰ Zvimwezvo zvakaizwao na Jakobho uye na Juau akorore a Zebedeu, akanga ari abhatsiri a Simon. Hino Djesu akati kuna Simon: "Usathiye, nokuti kubva zvino ucthaita muedzi e anhu". ¹¹ Paka unzisa mabhande aona ku bhahari, akasia zvese uye oteera Djesu. ¹² Zvakaitika kuti, panga Ari murimwe guta , kanga kune mwanarume umwe anga ari no maperembudzi akawanda. iyena pakaona Djesu, wakapfukama musoro wake wetchi tswasa pasi, uye wakadheketera , etchiti: Ishe kana itchi nditcho tchino tchenyu, nditchenesei." ¹³ Uye Djesu wakatandanisa nyara yake omutswasa, etchiti: "Itchi nditcho tchidho tchangu. tchena hako! Uye tchiriporipotcho maperembudzi akamusia. ¹⁴ Iyena akamufundisa kuti asabvunze munhu, asi akamuti: Teera gwanza rako, wodzipangidzira kuna mupirisita uye wopa shipiriso tchoku tcheneswa kwako, sezvakareketwa na Mozisi, kuti upupure. ¹⁵ Asi, zviziiso zvepamusoro Pake zvai nyanya kufararika , uye ruginji re anhu rauya kuzozwa Djesu etchifundisa uye kuti aporeswe Naye nhenda dzao dzese. ¹⁶ Uye kajinji Iyena waibhudha etchienda kumbuto isina munhu uye wainamata. ¹⁷ Zvakaitika kuti, rimwe zuwa, Djesu aifundisa, uye panga pane wafarisi ne akuro wezvomutemo paduze Naye. Aona akabva kumutanha dzakasianasiana dzo nyika yadjuda uye dzo Gariria uyezve guta reDjerusarema. Uye simba raIshe ranga ririNaye kuti arape. ¹⁸ Hino amwe anarume akauya akathuara pabhonde umwe mwanarume wakafa mitezo. Aona aitswaka umwe mushobho wokuunzisa mukati , kuti amuradzike pamberi pa Djesu. ¹⁹ Asi, nokudha kwe ruginji, aona azikuzwikwanisa. Hino akakwira padhenga uye, ngopakati pedhenga akamutchitisa aripabhonde rake, pakati poanhu, pamberi paDjesu. ²⁰ Pakuona kutenda kwao, Djesu akati: "Murume, zvishaishi zvako zvaregererwa". ²¹ Atari uye ne wafarisi wakatanga kuvunzisa, etchiti: "Ndiani uyu kuti arekete izvi zvitukwa? Ega Mwari ndie ano regerera zvishaishi". ²² Asi Djesu, pakazvibhata zvaairangarira aona, akadhaira etchiati: "Ngei murikuvunzisa izvi mumwoyo dzenyu? ²³ Tchi tchisikashuphi kuti: "zvitadzo zvako zvaregererwa kana kuti simuka ufambe? ²⁴ Asi kuti muziye kuti Mwana weMunhu anesimba panyika kuti aregerere zvitadzo, ini ndinokuti: "Simuka, tora bhonde rako uye enda kumba kwako". ²⁵ Tchiriporipopo iyena akasimuka pakati pao, otora bhonde rai rarama akawatepo uye akaenda kumba kwake etchikudza Mwari. ²⁶ Ese akashamisika, okudza Mwari uye, akadzara nokuthiya, aiti: " Nyamasi isusu taona zviro zvinoshamisa". ²⁷ Kupera ko izvi, Djesu akabhudha ikona uye akaona murongosi wemusoho aidhainzwa Revi akagara panorongesera musoho, Hino Djesu akamuti "Nditeere". ²⁸ Revi akasia zvese , kakusimuka uye omuteera ²⁹ Hino Revi wakaita mabhiko makuro kuna Djesu kumba kwake. arongosi emusoho akawanda angaripo akakotamira pathafura, etchirya nao. ³⁰ Uye wafarisi nowatari waitsamwira wafundi a Djesu, etchiti: "Ngei imwimwi munorya metchimwa ne warongosi emusoho uye newatadzi amweni? ³¹ Djesu akaadhaira: " Aia ano utano aadhi tchiremba, asi anorwara. ³² Ini andina kuuya kudhainza akarurama, asi kuti ndidhaidze ashaishi kuti atchunyuke". ³³ Aona akamuti: "afundi a Juao arikutsanya nekunamata ngani yese, uye ne afundi we afarisi, asi afundi ako arikurya uye nekumwa". ³⁴ Djesu akaati: "Zvinoita here kuti munhu atsanyise anhu akadhainzwa pamutchato tchikomba tchirinao? ³⁵ Asi atchaguma mazuwa okuti atchabvisirwa tchikomba, mazuwa aona atchazotsanya". ³⁶ Hino Djesu aka erengera mumwe mufananidzo: Akuna mumwe anobvisa tchidhimbo tche djira ritswa kuti agadzirise djira rokare, nokuti akadharo djira ritswa rinozogara rakamweka, uye djira rokare ragadziriswero arizoendererani ne ritswa. ³⁷ Akuna anoisa vinyu itswa muzvipfuko zvekare. Kana akadharo, iona vinyu itswa inomwesa zvipfuko yotsweteka, uye zvipfuko zvino putsika. ³⁸ Asi vinyu itswa inodhikanuwa kukanduwa muzvipfuko zvitswa. ³⁹ Akuna munhu wokuti apedza kumwa vinyu yokare, anodhazve kumwa vinyu itswa, nokuti anoti: "Yokare ndiyo yakanaka!